KELUARAN 30:7 - Susula Malalaok Hehelu Palak Ma Hehelu Beuk

⁷ Tunga-tunga fafain-na, nai lelek Harun mai sadia banuk-ka, muse ana tunu boomenik nai mei tunu-hotuk ndia lain.

KELUARAN 30:7 ပူးပေါင်းရင်းမြစ်များ

1 TAWARIKH 23:13

Amram nde been-na Harun ma Musa aman nde ndia. (Harun ma tititi-nonosin nala nanahele hehelik losa dodoon-na, soaneu ito-ato bua-lo'as makaluku-makatele, tunu boomenik ba'eneu Manetualain, lalalau-laoono Manetualain ma fe baba'e-papalak neu laun nala nenik Manetualain na'den na.

1 TAWARIKH 6:34

Elkana, Yeroham, Eliel, Toah,

2TAWARIKH 2:3

Salomo haitua halak ia leo Hiram fo manek Tirus-sa nae, “Ela leo been-na Tuan dangan sama-sama moo au sama leo moo au amang Dauk. Tuan mase'o basa fen ai kaiou Libanon soaneu nafofo'a ndia uma manen-na.

2TAWARIKH 2:4

Besak ia, au nau afofo'a uma nakalupu-nakatela hehelik esa soaneu fe ha'da-holomata neu au Manetualain. Nai uma ndia, au ma au laung-ngala neukose sene-do'ok neun nenik tunu boomenik kaboomenik, boema tunu-hotu fen loti tunga faik. Nai uma ndia boe, neukose ami tunu-hotu tutunu-hohotuk nanatunuk tunga-tunga fafain-na ma le'odaen-na nai fai Sabat-ta, fai malole Bula Beuk-ka ma fai hehelik fe'ek-kala soaneu fe ha'da-holomata neu ami Amam Manetualaim. Nana, Ana paleta basa fo ela hataholi Israel-la tao dede'ak ndia losa dodoo na.

2TAWARIKH 26:18

soaneu ala lena-la'ban tatao-nono'in ndia. Lafa'da lae, “Ama Manek Fo Mandela-masa'ak! Ama Manek ta nanuu hak hotu boomenik soaneu Manetualain fa. Imam-imam fo Harun tititi-nonosin bela-ba'un ndia, nana sila nde nanahele hehelik soaneu bela-ba'uk ndia. Ela leo bee na Ama Manek la'oela mamana malalao-malalafuk ia.! Ama Manek la'ban basa Manetualain so, de Ama Manek ta hapu ha'da-holomatan so'on.”

2TAWARIKH 29:7

Ala kena Manetualain Uman-na lelesu-nala, ma ala fuulisa banu-nala. Ala ta hotu boomenik nai Manetualain Uman-na fa, ma ala ta fe tutunu-hohotu nanatunuk neu Manetualain fo hataholi Israel-la sene-do'ok-ka fa.

MAZMUR 141:2

Sipo-ma, au huhule-haladoing, da'di leo tunu-hotu boominik, ma au limang fo, nanaso'uk-ka, da'di leo tutunu-hohotu le'odaek.

KELUARAN 30:34

Manetualain nafa'da Musa nae, “Ho'i-ma bumbu matak de'ubee bekedede'uk, fo nde: luu-luu daa, ai lou kaboomenik, ai kaboomenik-ka daan-na ma boomeni isik.

KELUARAN 30:6

Pe'da mei tunu-hotuk ndia neu temak manai Peti Hehelu-balataak-ka matan deak, nai mamanak fo neukose Au atongo o o.

KELUARAN 30:8

Ana tao leondiak boe, nai lelek ana de'de banuk-ka nai fai le'donoson-na. Tutunu-hohotu boomenik ndia, muse taon nakandondoo henin neme bobongik leo bobongik neu.

KELUARAN 40:27

boema ana tunu boomenik kaboomenik sama leo hata fo Manetualain paletan neu Musa.

BILANGAN 16:40

Ndia nalupa nasanene'dak ba'eneu leoina Israel-la, nae fe'ek neme Harun tititi-nonosin mai soona, ta hapu hataholi esa boen, bole neu leo mei tunu-hotuk-ka neu, fo ana tunu boomenik soaneu Manetualain. Hataholi fo ana la'o lena nakanenetek ndia, neukose nanatao namopo-namatek sama leo Korah no hataholi manalook-kana. Basa sila-la taos sama leo hata fo Manetualain paletan neu Eleazar, tunga Musa.

LUKAS 1:9

No tu'u batu fo imam-imam mala biasa taon, boema Zakharia nananatu'duk soaneu masok leo Manetualain Uman dale neu fo ana tunu boominik.

HATAHOLI 6:4

nana ami nau ka'da hule-haladoi ma tui-benga Manetualain dede'a-kokolan mesa kana.”

ULANGAN 33:10

Ala lanoli O anam-mala, fo ala tunga basa O paletam-mala, ma ala tunu-hotu tutunu-hohotuk nai O mei tunu-hotum lain.

SEMUEL SUSULAK-KA ESAN-NA 2:28

Neme basa leo Israel-la lala'en-na mai, Au hele basa teidale-bobongin-nala da'di Au imam so, fo lalalau-laoono nai mei tunu-hotuk-ka, tunu boomenik, ma pake ba'du efod, metema ala kokolak loo Au. Ma Au fe basa hak neu sila, boema sila tititi-nonosin, fo ala ho'i baba'ek neme tutunu-hohotuk fo nanatunuk nai mei tunu-hotuk-ka.

SEMUEL SUSULAK-KA ESAN-NA 3:3

ma Semuel sungu deka no Manetualain, Peti Hehelu-balataan-na, nai Lalaa Temak malalao-malalafuk dale. Lelek beita dulufula, ma banuk-ka bei pila,