KELUARAN 30:36 - Susula Malalaok Hehelu Palak Ma Hehelu Beuk

^36-37 Muse ha'bo boomenik ndia seli losa lutuanak. Ho'i menin leo Au Lalaa Temang-nga neu fo nggalin neu Peti Hehelu-balataak-ka uluk. Muse mamahele boomenik ndia malalao-malalafuk fo nanafe hehelik soaneu Au. Boso tao boomenik nanasese'dok nenik ai matak leo sila-kala soaneu emi manuu.

KELUARAN 30:36 ပူးပေါင်းရင်းမြစ်များ

KELUARAN 16:34

Boema Harun nakatetene uledae ndia neu Peti Hehelu-balataak-ka matan-na, fo ala pe'dan, nandaa no Manetualain, paletan-na neu Musa.

KELUARAN 25:22

Nai mamanak ndia nde neukose Au atongo o o, ma neme tatanan lain mai fo nai kerub ka duak sila-la tala'da, neukose Au fe Au hoholo-lalaneng neu leoina Israel-la tunga o.”

KELUARAN 27:21

Harun no anan-nala muse ito-ato banuk ndia neme le'donoso losa fafaik nai mamanak fo Au nai ndia, nai temak nanalolo'ek-ka deak nai Peti Hehelu-balataak-ka matan. Hataholi Israel-la loo tititi-nonosin muse lakalala'ok paleta ndia losa dodoon-na.”

KELUARAN 30:35

Pake la'iesak ai sila-la soaneu tao boomeni nanasese'dok kaboomenik. Taom-masik neu fo ela boomenik ndia da'di boomeni isik nahele ma hapu paken soaneu Au.

KELUARAN 30:6

Pe'da mei tunu-hotuk ndia neu temak manai Peti Hehelu-balataak-ka matan deak, nai mamanak fo neukose Au atongo o o.

IMAMAT 16:2

nae, “Manduku-malosak neu o tolanoom Harun, mae ka'da neu faik fo nananaketuk-ka, besak-ka ana bole masok leo Kama Malalao-malalafuk nanseli-a dalek neu, kama ndia, nanata'da fe'ek nenik tema lelesu, nanahu, nai mamanak ndia nde Au atu'du Au aoinang-nga nai ko'as manai Peti Hehelu-balataak-ka lain. Metema Harun la'olena paleta ndia soona, neukose maten.