KELUARAN 30:30 - Susula Malalaok Hehelu Palak Ma Hehelu Beuk

³⁰ Lose mina neu Harun no anan-nala boe, fo ela sila nanandoo eik da'di imam soaneu lalalau-laoono Au.

KELUARAN 30:30 ပူးပေါင်းရင်းမြစ်များ

MAZMUR 133:2

Ndia, sama leo mina kaboomini mabelik, fo po'an leo Harun langan lain neu, boema ana faa leo ba'dun-na nggalunggapen-na neu.

KELUARAN 28:3

Maloo-ma basa hataholi fo Au fe basas malelak da'di manaseu-soo. Madenus fo ala seu Harun bua-papaken-na fo ela hele hehelin soaneu nalalau-naoono Au da'dileo imam.

KELUARAN 28:41

Pake bua papakek ndia neu o ka'am Harun no anan-nala. Lose mina setun neus; fo no enok ndia, sila nana ndo eik ma nanahele hehelik soaneu lalalau-laoono Au da'dileo imam.

KELUARAN 30:29

No enok ndia, o muse fe hehelik buas sila-la leo Au mai, fo ela basa-basan lala'en-na da'di malalao-malalafuk. Su'di beek fo la'e mei tunu-hotuk ndia, muse fen leo Manetualain neu, ma su'di see fo ana koila'en, neukose ana hapu soe nanahu malalao-malalafun be'i balakain-na.

KELUARAN 30:31

Mafa'da leoina Israel-la mae neme tititi-nonosik leo tititi-nonosik neu, mina feta ndia nanafe hehelik soaneu Au.

KELUARAN 40:15

Boema lose mina neus sama leo o lose mina neu sila aman, fo ela sila boeo hapu lalalau-laoono Au da'di leo imam. No feta mina ndia, de sila leon-na ho'u lahele imam-ma bela-ba'un neme tititi-nonosik leo tititi-nonosik neu.”

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

IMAMAT 8:12

Basa ndia boema, Musa ndo ei Harun, nenik ana po'a mina feta faaanak leo Harun langan lain neu.

IMAMAT 8:30

Basa ndia boema, Musa ho'i-na mina feta seli, ma daak manai mei tunu-hotuk lain-na seli, de ana pisin neu Harun no anan-nala, ma bua papaken-nala. No enok ndia, Musa fe hehelik sila loo sila bua papaken-nala leo Manetualain neu.

BILANGAN 3:3

Sila nanandoo eik da'di imam nenik ala po'a mina neu langan lain.