KELUARAN 30:20 - Susula Malalaok Hehelu Palak Ma Hehelu Beuk

^20-21 nai lelek ala beita masok leo Lalaa Temak dale leu fa, do ala beita deka loo mei tunu-hotuk-ka soaneu leni tutunu-hohotu nanatunuk. Sila muse tao dede'ak ndia, fo daenga sila boso mates. Sila ma sila tititi-nonosin muse tunga nakanenetek ndia losa dodoon-na.”

KELUARAN 30:20 ပူးပေါင်းရင်းမြစ်များ

1 TAWARIKH 13:10

Hatematak ndia boe, Manetualain namanasa Uza, nanahu tatao-nono'in ndia nalupa nakamumulu-nakamamaek esa neu Manetualain. Boema Ana taonisa Uza neme ndia. Boema mulai neme ndia mai, ala foi mamanak ndia na'de “Peres-Uza”. Dauk namanasa nanahu Manetualain taonisa Uza.

MAZMUR 89:7

Nai lalai, ta hapu hata fo, sama leo O fa, ou Manetualain, ta hapu mahahaek nusa so'dak fo, sama leo O fa.

KELUARAN 12:15

Manetualain, nafa'da nae, “Faik hitu dalen-na, emi ta bole mi'a loti fo kamen pake lauteik fa. Nai fai makasososak-ka, muse kalua heni basa laluteik-kala leme emi umam dale mai, nana metema nai faik hitu dalen-na, hataholi esa na'a loti fo kamen pake laluteik soona, hataholi ndia ta da'di Au anang so'on.

KELUARAN 30:19

Oe ndia soaneu Harun no anan-nala, fo ela ala safe ei-liman

KELUARAN 40:31

Musa, Harun no anan-nala safe ei liman nai ndia,

IMAMAT 16:4

Basa soona, Harun muse taoafik neu nakanenetek-kala nde ia. Ana beita masok leo Kama Malalao-malalafuk nanseli-a dalek neu fa te, muse nadiu oe, boema ana pake papake imam-ma, fo nde ba'du, lopo ei keke'uk, kalikee ma fefeo langak, fo basa sila-la nanatenuk neme temak abalutu-a mai.

IMAMAT 8:6

Boema nadenu Harun no anan-nala leo uluk leu, fo ala safe-saa aoinan-nala.

HATAHOLI 5:10

No hatematak ndia boe, Ananias saoinan ndia ana bala neu de maten nai Petrus mata na. Lelek touana muli solu kala ala leo dalek leu de ala mete te, maten so. Boema ala ndolo la popola na de leu latoin neu saotou na boboa na.

HATAHOLI 5:5

Leondiak Ananias namanene dede'ak ndia, tutika ana bala neu de maten. Basa hataholi mana lamanene dede'ak ndia, ala bii lanseli.

SEMUEL SUSULAK-KA ESAN-NA 6:19

Tehu, hu kande hataholi Bet-Semes sila-la titino leo Manetualain Peti Hehelu-balataan dalek neu, de Manetualain taonisa sila hataholin hituhulu. Boema laun-na falu, nana Manetualain fe soe matuina tuni nalas.