KELUARAN 30:16 - Susula Malalaok Hehelu Palak Ma Hehelu Beuk

¹⁶ Moke doik sila-la neme leoina Israel-la mai, fo paken soaneu makaluku-makatele nai Au Lalaa Temang dale. Basa sila-la nde been-na, doi soi-tefak soaneu sila aoinan-na, de neukose Au afandendelek-kasa tataas esa fo Au asulu-ahapas.”

KELUARAN 30:16 ပူးပေါင်းရင်းမြစ်များ

2TAWARIKH 24:6

Hu ndia de namoo Imam Yoyada, fo sila mauli-malangan-na, boema nae, “Ade Musa fo Manetualain atan-na ta nadenu laun-na bae bea soaneu Manetualain Uman-na tao nahii-na fa do? Besak ia, tao le'e de Ama ta makaseti hataholi Lewi sila-la fo leu susu bea neme laun manai Yehuda ma Yerusalem-mala mai fa?” (

KELUARAN 12:14

Emi muse tao faik ndia, da'di faik nasanene'dak, da'di leo fai malole ba'eneu Manetualain. Tunga teuk, emi muse tao faik ndia da'di fai malole, neme bobongik leo bobongik neu.”

KELUARAN 30:15

Hataholi kamasu'ik-ka ta bole fe lena fa, ma hataholi nuu-taa hata-taak-ka, ta bole fe kulang, nai lelek ala bae doi soi-tefak soaneu aoinan-na.

KELUARAN 30:17

Manetualain nafa'da Musa nae,

BILANGAN 16:40

Ndia nalupa nasanene'dak ba'eneu leoina Israel-la, nae fe'ek neme Harun tititi-nonosin mai soona, ta hapu hataholi esa boen, bole neu leo mei tunu-hotuk-ka neu, fo ana tunu boomenik soaneu Manetualain. Hataholi fo ana la'o lena nakanenetek ndia, neukose nanatao namopo-namatek sama leo Korah no hataholi manalook-kana. Basa sila-la taos sama leo hata fo Manetualain paletan neu Eleazar, tunga Musa.

BILANGAN 31:54

Boema, Musa no Imam Eleazar-ra, leni lilopilas sila-la leo Manetualain Lalaa Teman-na neu, fo ela Manetualain nasulu-nahapa leoina Israel-la.

LUKAS 22:19

Basa ndia boema Yesus ho'i na loti a. Ma Ana hule-haladoi noke makasi basa neu Manetualain, Ana tete'i loti ndia ninik lima na, boema Ana fen neu ana manatunga nala ma nae, “Ia nde Au ao paa nga fo nanafe henik soaneu emi. Tao-no'i ia leona, soaneu mafandendelek Au.”