KELUARAN 3:8 - Susula Malalaok Hehelu Palak Ma Hehelu Beuk

⁸ Hu ndia de, Au kona u, fo soi-po'is leme hataholi Masir-ra liman mai, fo Au os kalua leme nusak ndia mai, leo nusa maloaina esa neu. Daen-na kamasu'ik ma nalole, de besak ia, leoina Kanaan, leoina Het, Amori, Feris, Hewi ma Yebus ala leo lai nusak ndia.

KELUARAN 3:8 ပူးပေါင်းရင်းမြစ်များ

KEJADIAN 11:5

Boema, Manetualain kona mai, fo Ana mete kota, ma uma puni madema fo, hataholi daebafak-ka tao-nak ndia.

KEJADIAN 11:7

Malole lenak, Ata kona teu, fo sese'do-babalik dede'an-nala, fo ela esa ta nalelak esa dede'an-na so'on.”

KEJADIAN 15:13

Manetualain nafa'dan nae, “Mafandendelek, te neukose o tititi-nonosim da'di hataholi manamai, nai nusa fe'ek; neukose ala da'di ata nai ndia, ma neukose nanatuni-ndenik teuk natun haa dalen-na.

KEJADIAN 15:14

Tehu, leoina fo manatao o tititi-nonosim da'di ata ndia, neukose Au hukun, ma nai lelek fo, o tititi-nonosim la'o ela nusak ndia, neukose leni hata-heto makadotok.

KEJADIAN 18:21

Hu ndia de, Au sanga kona leo naa u, fo Au palisak, ade Au amanene basa kalaak sila-la, tete'ek-ka do ta.”

KEJADIAN 43:11

Boema sila aman nae, metema memak muse leondiak soona, “Ho'i ma nusak ia isimina malolehii nala fo taos leo emi lafa lapik mala dalek neu, fo da'dileo bua palsen soaneu filana ndia: Luu-luu, fanioe, bumbu, kamiri boak ma ketapang boak.

KEJADIAN 46:4

Neukose Au sama-sama o o, leo Masir muu, ma Au o falik o tititi-nonosim leo nusak ia mai. Metema o fai mamatem-ma losa soona, neukose Yusuf nai o boboam-ma”

KEJADIAN 50:24

Nafa'da tolanoon-nala nae, “Au mamateng-nga deka so, tehu tao leo bee o, neukose Manetualain nakaboboi emi ma hela-nole emi kalua meme nusak ia mai, leo nusak fo Ana helu basan pake soo-supak neu Abraham, Isak ma Yakob.”

1 TAWARIKH 1:15

Hewi, Arki, Sini,

NEHEMIA 9:8

O bubuluk ana lilineka neu O, ma ana tunga paleta. Boema O tao hehelu-balataa matea-mahelek mon. Dae Kana'an, Het ma Amori, dae Feris, Yebus ma Girgasi, O sanga fen basa sila-la; da'dileo tititi-nonosin lala'en-na, mamana leleon-na. Basa boema, O tao matetu hehelu-balataak ndia ba'eneun, nana O ndoos ma matetuk, ma lilineka.

MAZMUR 12:5

fo lafa'da lae, “Ami koasa minik ami maam-ma! Ami hapu mafa'da su'di beek-ka, fo ta hapu hataholi, bisa napanggengge-nala fan!”

MAZMUR 12:6

Manetualain nae, “Hataholi nuu ta-hata tak-ka, nanatuni-ndenik, ma hataholi manadoi-dosok-ka, hoo-nggu'u. Hu ndia de, besak ia boe, Au mai uni fes mole-dame fo ala lahiik-kana.”

MAZMUR 34:8

Manetualain ata nusa so'dan-na, nanea hataholi fo kamahehelek-ka, ma Ana soi-po'is leme soe-a mai.

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

KELUARAN 12:41

Nai teuk ka 430-a, fai mate'en ndia, nde basa Manetualain anan-nala lala'en-na, la'oela dae Masir-ra.

KELUARAN 12:51

Nai faik ndia, Manetualain no basa hataholi Israel-la lala'en-na, kalua leme Masir mai.

KELUARAN 13:5

No soo-supak, Manetualain helu emi bei-ba'i kaim-mala, fo Ana fe emi leoina Kanaan, Het, Amori, Hewi ma Yebus nusan-na. Manetualain no basa emi leo nusak fo kamasu'i-makabetek, ma maoe-maisik ndia neu so, de tunga teuk, nai hataholi Yahudi-la bula Abib-pa dalek, emi muse tao feta ia.

KELUARAN 3:17

Ma Au aketu basa, soaneu Au os kalua leme Masir, fo mamanak sila nanatuni-ndenik, boema Au os leo nusak esa kamasu'ik ma nalole, fo nde leoina Kanaan, leoina Het, Amori, Feris, Hewi ma Yebus nusan-na.

KELUARAN 34:11

Emi muse tunga hoholo-lalanek fo faik ia Au fen neu emi. Neukose Au usiheni leoina Amori, Kanaan, Het, Feris, Hewi ma Yebus nai lelek emi tutulumatak.

KELUARAN 5:23

Lelek au u leo manek-ka u, de au kokolak pake O na'dem-ma, boema ana mulai fepa-li'u leoina ia. Tehu O ka'da denge-denge, te O tulu-fali fas.”

YESAYA 36:17

losa emi lali leo nusak esa meu, fo hihii nae sama leo emi nusa mesam-ma. Nai naa, hapu osi angol, fo nabuna-naboa fe emi angol, ma tina gandum, fo nabuna-naboa fe emi, ha'desopuk, fo da'di emi nana'am-ma.

YESAYA 64:1

Ou Manetualain, siba'e lalai, fo kona mai leona, taom-ma letek-kala langgengo, nai O matam,

YEREMIA 11:5

Metema sila tao-no'i basa sila-la soona, neukose Au tao atetu Au hala-hehelung-nga neu sila bei ba'i-kain-nala ae, nusak fo maisi-mamina ma tetu-temak fo besak ia ala langatu lak ndia, neukose Au fen neu sila.” Au ataa ae, “Malole, Manetualain.”

YEREMIA 2:7

Au os leo, nusa maoe-maisik-ka neu fo la'a buna-boak, ma basa hata malole lala'en manai naa-la. Tehu ala losa ndia boema, ala tao langgenggeo Au daeng-nga, ma ala tao Au hata-hetong da'di hata esa fo nanamaluak.

YEREMIA 32:22

Nusak fo neulauk-ka ma malole-manapuk ia, O fen neu sila, sama leo hata fo O helu basak-ka neu sila be'i-balakai manamaten-nala.

YESKIAL 20:6

Nai lelek ndia, Au soo ae, neukose Au oos kalua leme Masir mai, fo leu leo Au hele fes nusak-ka leu. Nusak ndia kamasu'ik, ma maoe-maisik, dae fo malole nanseli, nai basa daebafak-ka lala'en-na.

IMAMAT 20:24

Au helu basa, Au fe emi dae fo kamasu'i-makabetek, ma maoe-maisik ndia, fo da'di emi pusakam. Au nde emi Manetualain, fo manata'da fe'e emi neme leoina fe'ek-kala mai.

AMOS 2:10

Au o falik emi kalua meme dae Masir-ra mai so, ma Au hela-nole emi teuk haahulu dalen-na neme moo solokaek-ka. Au fe hataholi Amori-la daen-na neu emi fo da'di emi nusam-ma.

BILANGAN 13:18

Palisak matalolole, nusak ndia leobeek, ade laun-na ba'uk-ka do lumanak, ade mabe'i-balakaik-kala do tapandoes-sala do ta.

BILANGAN 13:19

Palisak, ade nusak ndia malole do ta, ma ade laun-nala leo lai nggolok-kala, nai masadokek, do lai kota-kota fo makota musuk-kala dalek.

BILANGAN 13:27

Lafa'da Musa lae, “Ami palisak matalolole nusak ndia so, de ami mita daen-na kamasu'ik, ma maoe-maisik, ma ami seu meni ai boak lumanak nde ia, neme naa mai.

YOHANIS 3:13

Ta hapu hataholi esa, ana kae leo nusa so'da ka neu boen, ka'da ka Ndia fo manakona leo daebafa ka mai, fo nde Ana Hataholi ka.

YOHANIS 6:38

Nanahu Au eme nusa so'da ka mai, fo Au ta tao-no'i tunga ka'da Au hihii-nanau mesa nga fa, te Au tao-no'i tunga Amak fo manamadenu Au a, hihii-nanaun.

ULANGAN 1:25

Basa boema, ala fali ma'is, de leni fe ita ai boak manai naa-la, ma lafa'da, lae nusak fo neukose ita Manetualain fen neu ita ndia, maoe-maisik nanseli.

ULANGAN 1:7

Besak ia, ofeheni emi lalaa ofum-mala leona, fo meu leo hataholi Amori-la dae letelepan-na, ma nai basa dae manai titia-tatain-nala, fo nde Bafak Yarden-na, dae mapupukuk-kala, ma dae matetuk-kala, dae manai kona ma Tasi Tala'dak-ka su'un kona. Meu leona, fo mangatuu-ma, dae Kanaan-na, ma Letelepak Libanon-na losa Leeina Efrat-ta.

ULANGAN 27:3

Sulak la'iesak hoholo-lalanek ia-la, de'ek esa-esa neu batu sila. Metema, emi masok nusa kamasu'ik ma maoe-maisik fo, emi Manetualaim-ma helu basan neu emi bei-ba'i kaim-mala,

ULANGAN 28:11

Neukose Ana ba'e-bati fe emi, anak makadotok. Neukose emi bana-manum makadotok, ma emi dae-oem buna-boan sasi kao-kao nai nusak fo, emi Manetualaim-ma helu basan neu emi bei-ba'i kaim-mala, soaneu Ana fen neu emi.

ULANGAN 6:3

Hu ndia de, mamanene leon, tolano-tolanoong-ngala lemin, fo tao-no'i basa sila-la no lilinekak, fo ela emi hapu tetu-temak, ma emi da'di leoina matuaina, nai nusak fo kamasu'ik ma maoe-maisi ndia, sama leo ita bei-ba'i kain-nala Manetualain helu basan so.

ULANGAN 7:1

“Neukose emi Manetualaim-ma no emi leo nusak fo, neukose emi leon-nana, ma neukose, Ana usi heni leoina makadotok-kala, leme nusak ndia dalek mai. Neukose, Ana usi heni leoina hitu, leme emi matam-ma mai, fo leoina sila-la, aon-nala ba'u lena emi, ma balakain-nala, lena heni emi boe, fo hataholi sila-la nde hataholi Het, Girgasi, Amori, Kanaan, Feris, Hewi ma Yebus.

YOSUA 9:1

Halak la'eneu Israel sesengin-na, nakapela losa leo basa manek manai Lee Yarden-na boboan muli – nai letelepak-kala, nai letek-kala huun-na, nai mook manandolo nahele Tasi Tala'dak-ka su'un-na, losa Letek Libanon-na nai boboak kii: fo nde mane-manek Het, Amori, Kanaan, Feris, Hewi, ma Yebus.

YOSUA 9:7

Tehu hataholi Israel-la lafa'da lae, “Sosoak hata, ami tao hehelu-balataak moo emi? Fafa'kama emi mamana leleom-ma, ka'da deka-deka nai ia!”