KELUARAN 3:7 - Susula Malalaok Hehelu Palak Ma Hehelu Beuk

⁷ Boema, Manetualain, nafa'da nae, “Au ita basa Au anang manai Masir-rala doi-doson, ma Au amanene basa, ala nggasi loke soi-po'is leme hataholi fo manatuni-ndenis-sala. Te'e-te'e, Au bubuluk sila doi-doson lala'en-na.

KELUARAN 3:7 ပူးပေါင်းရင်းမြစ်များ

KEJADIAN 16:11

Ta dook-ka so'on, te neukose o bongi anatouk; de foin na'de Ismael, nanahu Manetualain namanene o kikiim-ma so.

KEJADIAN 18:21

Hu ndia de, Au sanga kona leo naa u, fo Au palisak, ade Au amanene basa kalaak sila-la, tete'ek-ka do ta.”

KEJADIAN 21:17

Manetualain namanene Ismael halan-na, de Manetualain ata nusa so'dan-na, ana kokolak no Hagar neme lalai mai nae, “Hagar, o susa beek? Boso bii. Te Manetualain namanene O anam-ma, halan-na so.

KEJADIAN 29:32

Lea nailu, boema ana bongi anatouk esa. Nafa'da nae, “Amak-ka nita basa au susang-nga so, de besak ia, neukose au saong-nga sue au.” Boema ana foi anan ndia na'de Ruben.

KEJADIAN 31:12

Ata nusa so'dak ndia nafa'da seluk nae, ‘Mete mitak, bi'ihii mane fo manamala'bik sila-la, madulak, ma kokotok ma keke'ak. Au sue ito-ato leondiak soaneu o, nanahu Au ita basa, hata fo Laban taon soaneu o so.

KEJADIAN 31:42

Leouni'ka, au bei-ba'i kaing Manetualain-na, fo nde Manetualain fo Abraham ma Isak sene-do'ok-ka, ta nasulu-nahapa au fa, soona tao leo bee-o, To'o nadenu basa au, fo au la'o no lima louk so. Tehu Manetualain taoafik neu au toto'a-tataang, ma tatao-nono'ik fo au tao-no'in, de le'odaek-ka, Ana fe basa nakeketun-na so.”

2 SEMUEL 22:28

O soi-tefa-ma hataholi dale maloe-makadaek-ka; tehu O taom-ma, hataholi manakoao-ndaeaok-ka nakatele.

2RAJA-RAJA 13:4

Boema, Yoahas hule-haladoi neu Manetualain, de Manetualain namanene hule-haladoin ndia, nanahu Manetualain nita mane Siria no tatao-nono'i ha'da hataholi taa-na, de ana tuni-ndeni nangge'a hataholi Israel-la.

2RAJA-RAJA 20:5

fali leo Hizkia, fo Manetualain anan-nala manen-na, fo nanduku-nalosak hala heheluk-ka nde ia, “Au, Manetualain, fo o bei-ba'i kaim Dauk, sene-do'ok-ka. Au amanene o huhule-haladoim, ma Au ita basa, o luu oe-ma so. Neukose, Au tao alea-ahai o; binesak te, neukose o muu leo Au Umang muu.

NEHEMIA 9:9

O mita ami bei-ba'i kaim doi-doson nai fai maneuk-ka; O mamanene kii-makaleleun nai Masir ma nai Tasi Teberau.

MAZMUR 106:44

Tehu Manetualain namanene hoo-nggu'un-nala, boema, Ana taoafik neu susan-nala.

MAZMUR 12:6

Manetualain nae, “Hataholi nuu ta-hata tak-ka, nanatuni-ndenik, ma hataholi manadoi-dosok-ka, hoo-nggu'u. Hu ndia de, besak ia boe, Au mai uni fes mole-dame fo ala lahiik-kana.”

MAZMUR 142:3

Au hoo-nggu'u nai matan-na; au afa'dan, basa au susang lala'ena.

MAZMUR 145:19

Ana tao namahoko hataholi kamahehelek-kala dalen-na; Namanene sila hala naloloon-na, de Ana soi-tefa-nalas.

MAZMUR 22:24

Koa-kion leon, hai hataholi kamahehelek-kala lemin! Mamatutua-mamademan leon, hai Jakob tititi-nonosin-nala lemin! Sene-do'ok neun leon, hai basa Israel tititi-nonosin-nala lemin!

MAZMUR 34:4

Mamatutua-mamadedema Manetualain sama-sama mo au leona, mai fo ata sama-sama koa-kio na'den-na.

MAZMUR 34:6

Hataholi nanatuni-ndenik-ka, namahena neun, de Ana namahoko-setelee, ala ta lanuu ne'ek soaneu ala bii-mae fa.

MAZMUR 35:22

Tehu O Manetualain, O mitan so; boso denge-denge, ou Manetualain boso dook-ka meme au mai.

MAZMUR 9:14

Mitak, musu-a tao-na au doi-doso; sue-lai au, ou Manetualain matapo'i au neme mamates-sa mai,

KELUARAN 1:11

Boema hataholi Masir-rala so'u manamanea, fo lanea leoina Israel-la, fo tao susa so'dan-nala nenik bela-ba'u mabelaina-la. Lakasetis, fo lafofo'a fe manek Masir-ra kota Pitom ma Raamses, fo da'di mamana pepe'da bua-lo'as.

KELUARAN 1:8

Basa boema, manek beuk esa, ana paleta nai Masir, tehu ta nalelak Yusuf fa.

KELUARAN 22:23

Metema, emi tao mangalauk neus, fo metema laloo bou-bou neu Au, fo loke tutulu-fafalik soona, Au, fo Manetualain, neukose amanene dokodoen-nala.

KELUARAN 33:13

Metema leondiak soona, ela leo been-na mafa'da O dale tutu'um-ma beek, Manetualain, fo ela au hapu alalau-aoono O, ma au andaa o O dalem-ma tataasesa. Boeo mafandendelek mae O hele basa leoina ia da'di O nuum so.”

KELUARAN 5:10

Basa leoina Masir-ra manamanean-nala, ma leoina Israel-la mandoon-nala, ala kalua leo deak leu, boema lafa'da hataholi Israel-la lae, “Manek-ka fe paleta, fo ela boso boe fe emi ha'deaik bai.

KELUARAN 5:6

Faik ndia boe, basa manamanea leoina Masir-ra, ma mandoo leoina Israel-la, ala hapu paleta neme manek-ka mai nae,

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

BILANGAN 20:16

de ami maloo bou-bou neu Manetualain fo moke tutulu-fafalik. Boema namanene ami dokodoem-ma, de Ana nadenu ata nusa so'dak esa mai. Ata nusa so'dak ndia, nauli-nalanga ami kalua meme dae Masir-ra mai. Besak ia, ami nai Kades, fo kota esa nai dae too no Tuan nusan-na.

HATAHOLI 7:34

Au ita ma Au taoafik neu basa Au hataholi kamaheheleng manai Masi ra doidoso nala so. Au amanene hoo-nggu'u nala de Au sanga kona u soaneu Au soi po'is. Besak ia mai dei! Te Au sanga adenu o fali mu'u ma leo Masir mu.’

IBRANI 4:15

Ita Imam Matua inan ndia, ta nde imam fo ta hapu name'da nita ita tapandoe nala fa. Nasafali na, nanaso'ba-su'di basak, nai basa dede'ak lala'ena dalek, sama leo ita boe, ka'da Ana ta tao sala-singok fa!

SEMUEL SUSULAK-KA ESAN-NA 9:16

“Balahaa fafaik, fafa'kama li'u ba'u ia, neukose Au adenu hataholi esa neme leo Benyamin-na mai, neu natongo no o. So'u hataholi ndia, nenik lose mina neun, fo ana da'di manek neu Au anang Israel. Neukose ana soi-tefa-na Au anang-ngala leme hataholi Filistin-nala mai. Au ita basa Au anang-ngala doi-doson ma kikii-makaleleun loke tutulu-fafalik so.”