KELUARAN 3:6 - Susula Malalaok Hehelu Palak Ma Hehelu Beuk

⁶ Au ia, o bei-ba'i kaim Abraham, Isak ma Yakob Manetualain-na.” Boema Musa ko'o ketu matan-na, nana ana bii mete Manetualain.

KELUARAN 3:6 ပူးပေါင်းရင်းမြစ်များ

KEJADIAN 12:1

Manetualain nafa'da Abram nae, “La'oela o nusa-namom, o teidale-bobongim, ma o amam uman-na, fo muu leo nusak fo neukose Au atu'dun neu o.

KEJADIAN 12:7

Boema, Manetualain natu'du aoinan-na neu Abram, de nafa'dan nae, “Nusak ia, nde neukose Au fen neu o tititi-nonosim-mala.” Boema, Abram taon-na mei tunu-hotuk esa, neu mamanak ndia, soaneu Manetualain, fo natu'du aoinan-na neun-na.

KEJADIAN 17:3

Boema, Abram senek, de basa boema, Manetualain nafa'da nae,

KEJADIAN 24:12

Boema, ata ndia hule-haladoi nae, “Amak, fo au tuang Abraham Manetualain-na, fali-ma au dei, fo ela au bela-ba'ung, neni buna-boak nai faik ia; madale malole neu au tuang Abraham.

KEJADIAN 26:24

Nai le'odaek ndia Manetualain natu'du aoinan-na neun de nae, “Au nde o amam Abraham Manetualain na. Boso bii; te Au asulu-ahapa o. Neukose Au ba'e-pala o ma Au fe o tititi-nonosik makadotok, nanahu Au hehelu-balataang neu Au atang Abraham.”

KEJADIAN 28:13

Ma Amak-ka napadeik nai boboan-na de nafa'da nae, “Au nde Manetualain, fo Abraham ma Isak sene-do'ok-ka. Neukose, Au fe o ma o tititi-nonosim, dae fo o mangape'uk nai lain ia.

KEJADIAN 28:17

Ana bii, boema ana kokolak nae, Au kandoung-nga ndefa nanseli, nai mamanak ia! Tao leo bee-o, Manetualain uman ia, fo nusa so'dak-ka lelesuinan-na.

KEJADIAN 31:42

Leouni'ka, au bei-ba'i kaing Manetualain-na, fo nde Manetualain fo Abraham ma Isak sene-do'ok-ka, ta nasulu-nahapa au fa, soona tao leo bee-o, To'o nadenu basa au, fo au la'o no lima louk so. Tehu Manetualain taoafik neu au toto'a-tataang, ma tatao-nono'ik fo au tao-no'in, de le'odaek-ka, Ana fe basa nakeketun-na so.”

KEJADIAN 32:9

Basa boema, Yakob hule-haladoi nae, “Ou Manetualain, fo au ba'ing Abraham ma au amang Isak sene-do'ok-ka, mamanene au leona! Amak-ka nadenu basa au, fo au fali ma'ing-nga leo au nusang-nga mai, ma au tolanoo ka'a-fa'ding-ngala mai so. Ma Amak-ka helu, nae neukose Amak-ka ito-ato basa hata lala'en-na no malole, soaneu au.

1RAJA-RAJA 18:36

Lelek fai na losa fe tutunu-hohotu le'donoso ka boema, Nabi Elia neu deka no mei tunu-hotuk ndia, boema ana hule-haladoi nae, “Ou Amak, Manetualain fo Abraham, Isak ma Yakob sene-do'ok-ka, matu'dun besak ia mae O nde Manetualain nai Israel, ma au ia O atam. Boeo matu'du mae basa hata lala'en fo au taon ia nde been-na no O paleta ma.

1RAJA-RAJA 19:13

Lelek Elia namanene ani manafifilok ndia boema, ana potiketu mata-panan nenik ba'du manalun-na, boema ana kalua de napadeik neu leak ndia bafan-na. Boema halak-ka nanan-namanenek nae, “Elia, o tao beek nai ia?”

NEHEMIA 9:9

O mita ami bei-ba'i kaim doi-doson nai fai maneuk-ka; O mamanene kii-makaleleun nai Masir ma nai Tasi Teberau.

ESTER 3:4

de tunga faik ala lakan fo ela ka'da ana tunga, tehu ana ta nau namanene fa. Nafa'da nae, “Au hataholi Yahudi. De au ta bisa sene-do'ok neu hataholi daebafak fa.” Boema lafa'da dede'ak ndia neu Haman, nana ala nau bubuluk, ala ho'i nakeketuk beek kande, la'eneu Mordekhai-a.

MAZMUR 132:2

Boso mafandele heni sene-do'on neu O Manetualain, ma neu ana tutu'u basa, fe hata esa neu O, Fo Mabe'i-balakaik nanseli, fo Yakob Manetualain-na.

KELUARAN 15:2

Manetualain, nde au manamasala'eng fo mabe'i-balakaik; Ndia nde soi-tefa-nala au-a. Ndia nde au Manetualaing-nga, de au nau koa-kion, Manetualain fo au bei-ba'i kaing-ngala sene-do'ok-ka, de Au amatutua-amadedeman.

KELUARAN 29:45

Neukose Au leo nai leoina Israel-la tala'da heon, fo da'di sila Manetualain.

KELUARAN 3:16

Muu leona, fo maloo makabubua basa mane leo Israel-la. Fo po'a-benga neus, mae Au, Manetualain, fo sila bei-ba'i kain Abraham, Isak ma Yakob Manetualain-na, natu'du basa aoinan-na neu o so. Mafa'das mae Au mete basa sila so, de Au ita basa, leoina Masir-ra tao sila leo beek so.

KELUARAN 33:20

Au ta atu'du Au mata-panang neu o fa, nana hataholi ta naso'da fa metema nita Au.

KELUARAN 4:5

Manetualain nae, “Taon leondiak, fo ela hataholi Israel-la lamahele, lae Au, Manetualain, fo sila bei-ba'i kain Abraham, Isak ma Yakob Manetualain-na, natu'du basa aoinan-na neu o so.”

YEREMIA 24:7

Neukose Au fes dudu'a maneu soaneu lalelak lae, Au ia Manetualain. Soona neukose sila da'di Au anang-ngala, ma Au da'di sila Manetualain-na, nanahu ala fali lo Au-a mai no dale katematuak.

YEREMIA 31:33

Hehelu-balatak beuk-ka nde ia fo neukose Au taon neu hataholi Israel-la: Neukose Au tao Au hoholo-lalaneng nai sila dale bobongoanan-nala dalek ma Au sulak-kana neu sila dalen-nala. Neukose Au da'di sila Manetualain-na, ma neukose sila da'di Au anang-ngala.

YEREMIA 32:38

Neukose sila da'di Au anang, ma Au da'di sila Manetualain-na.

YESKIAL 11:20

Boema, neukose ala tunga Au nakaneneteng-ngala, ma ala tunga basa Au paletang lala'en-na, no dale katematuan-nala. Neukose ala da'di Au anang, ma Au da'di sila Manetualain.

ZAKHARIA 8:8

fo Au o falik-kasa leme dulu ma leme muli mai, fo ala leo seluk lai Yerusalem. Neukose sila da'di Au anang, ma Au da'di sila Manetualain. Neukose Au paletas no lilinekak ma tunga ndoos ma matetuk.”

MATEOS 17:6

Lelek fo Yesus ana mana tunga nala lamanene halak ndia, boema ala bii lanseli, de nalosa ala tu'u latotono kala leu dae.

MATEOS 22:32

‘Au nde Abraham Manetualai na, Isak Manetualai na, ma Yakob Manetualai na.’ Manetualain ndia, hataholi mana mate kala Manetualain ta ndia fa. Hataholi maso'da kala Manetualain ndia!”

MARKUS 12:26

La'eneu hataholi manamate kala laso'da fali ka, ade emi beita les mitan nai Musa susulan dale, la'eneu telas manapilak ndia fa? Nai lalanek sila la dalek, nanasulak nae, Manetualain nafa'da Musa nae, ‘Au nde Abraham Manetualai na, Isak Manetualai na, ma Yakob Manetualai na.’

LUKAS 20:37

Musa mesa kana nafa'da no mangale'dok nae, hataholi manamate kala neukose nanatao naso'da falik. Nai susula lii na dalek, la'eneu makatemak fo manapilak ndia, ana seseik Lamatua ka da'dileo: ‘Abraham Manetualai na, Isak Manetualai na, ma Yakob Manetualai na.’

LUKAS 5:8

Lelek Simon nita ndia boema, ana sene-do'ok neu Yesus mata na boema nae, “La'oela au Lamatuak! Nana au hataholi masala-masingok!”

HATAHOLI 7:32

‘Au ia, o bei ba'i-kaim Manetualain; Au ia, Abraham, Isak, ma Yakob Manetualain,’ Musa dele ngge'be-ngge'be no bibii ka, de nalosa ana ta napalani mete leo telaanak ndia neu so'on,

HATAHOLI 7:34

Au ita ma Au taoafik neu basa Au hataholi kamaheheleng manai Masi ra doidoso nala so. Au amanene hoo-nggu'u nala de Au sanga kona u soaneu Au soi po'is. Besak ia mai dei! Te Au sanga adenu o fali mu'u ma leo Masir mu.’

ULANGAN 6:3

Hu ndia de, mamanene leon, tolano-tolanoong-ngala lemin, fo tao-no'i basa sila-la no lilinekak, fo ela emi hapu tetu-temak, ma emi da'di leoina matuaina, nai nusak fo kamasu'ik ma maoe-maisi ndia, sama leo ita bei-ba'i kain-nala Manetualain helu basan so.

IBRANI 11:16

Tehu nananitak, sila lahiik nusak esa fo malole na lena, fo nde nusak manai nusa so'da ka. Hu ndia de Manetualain ta mae, metema loken lae, sila Manetualai na. Lena-lenak Manetualain sadia basa kota esa soaneu sila so.

IBRANI 12:21

Hata fo hataholi Israe lala litak ndia mangalau nanseli, losa Musa nae, “Au bii-amata'u ma au dele ngge'be-ngge'be!”

NINITAK 1:17

Lelek au itan boema, au bala u mata na nono'kabai hataholi manamate ka. Tehu Ana fua lima kona na neu au lain boema nae, “Boso bii! Au nde makasososak ma mate'ek.

HAKIM-HAKIM 13:22

Boema, Manoah nafa'da saoinan-na nae, “Tao leo bee-o, neukose mate ita, nana ita tita Manetualain so!”