KELUARAN 3:5 - Susula Malalaok Hehelu Palak Ma Hehelu Beuk

⁵ Boema, Manetualain nae, “Boso deka-deka. O'du heni o ta'bueim-ma, nana o mapadeik nai dae lain ndia nde been-na, malalao-malalafuk.

KELUARAN 3:5 ပူးပေါင်းရင်းမြစ်များ

KELUARAN 19:12

Tao ta'du okofefeok letek ia, da'di leo too-lane, fo leoina ndia, ta bole lena fan. Ka'i leoina ndia, fo ala boso kae leo letek lain mai, lena-lenak ala boso deka letek ndia. Ba'eneu see, fo ana lena dae too-a soona, neukose nanahuku nisak;

KELUARAN 19:21

de Manetualain nafa'dan nae, “Kona leona, fo fe hataholi sila-la nasanene'dak, mae ala ta bole lena dae too-a, fo ala mai mete Au. Metema, ka'da ala lenan soona, neukose mate sila ba'uk-ka.

KELUARAN 4:28

Musa tui Harun, basa hata fo Manetualainnafa'da neun, nai lelek nadenun fali leo Masir neu, boeo ana tuin la'eneu basa manada'di beuk, fo muse ana taon.

PENGKHOTBAH 5:1

Dodoo makahuluk besak-ka kokolak, ma boso no lai-laik maheluk moo Manetualain. Manetualain nai nusa so'dak-ka ma o nai daebafak-ka, da'di kila-uku o hala-kokolam.

YEREMIA 30:21

Manek fo ana paleta emi-a dada'din-na neme emi leoinam-ma mai. Neukose nanapo'i-lotak ana deka no Au metema Au aloon ana nasasale-matak no Au. Nana see kande ndia fo napalani nasasale matak no Au, nenik ndia hihi-nanaun mesan-na? Neukose emi da'di Au Anang-ngala ma Au da'di emi Manetualaim-ma. Au, Manetualain nde manamafa'dak ndia.”

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

HATAHOLI 7:33

Basa boema Manetualain nafa'da selu kana nae, ‘Se'iheni ta'bueis fo o pakek ndia, nana mamanak fo o mapadeik nai lain ndia nde bee na, mamana malalao-malalafuk.

ULANGAN 23:14

Emi Manetualaim-ma, sama-sama no emi nai uma ofu dale, fo Ana nasulu-nahapa emi, ma Ana fe emi sengi, emi musum-mala. Hu ndia de, manea emi uma ofum-ma fo ela balisi nahele. Boso hapu hata esa, ta kandaak nai emi dalek boen, fo ela Manetualain boso la'oela emi.”

IBRANI 12:20

Nana ta lakataka lamanene paleta fo halak ndia nanduku-nalosa kana fa. Nana halak ndia nae, “Basa hataholi fo mana koila'e letek ia, ta afaduli, ade bana-manu ndia, do see ndia boe, muse pian ninik batu losa maten.”

YOSUA 5:15

Manetualain Manakoasa, malanga solda'du matuainan ndia, nataa nae, “O'du heni o ta'bueim-ma; te o mapadeik nai mamanak ndia nde ben-na, dae malalao-malalafuk.” Boema, Yosua o'du heni ta'buein-na.

2 PETRUS 1:18

Ami mamanene matam halak ndia neme nusa so'da ka mai, nana lelek ndia, ami sama-sama mo Yesus Kristus neme lete malalaok lain.