KELUARAN 3:18 - Susula Malalaok Hehelu Palak Ma Hehelu Beuk

¹⁸ Neukose Au anang-ngala, lamanene o hala-kokolam. Basa soona, o sama-sama moo basa mane leo Israel-la, muse meu leo manek Masir-ra meu, fo mafa'dan mae, ‘Manetualain, fo hataholi Ibrani-la Manetualain-na, Ana mai, de natu'du basa aoinan-na neu ami so. Besak ia po'i ami, fo ami la'ok faik telu dalen-na leo moo solokaek-ka meu, fo ami tunu-hotu tutunu-hohotuk fe Manetualain, fo ami Manetualaim-ma.’ ”

KELUARAN 3:18 ပူးပေါင်းရင်းမြစ်များ

KEJADIAN 12:1

Manetualain nafa'da Abram nae, “La'oela o nusa-namom, o teidale-bobongim, ma o amam uman-na, fo muu leo nusak fo neukose Au atu'dun neu o.

KEJADIAN 14:13

Tehu hataholi esa, hapu naladeak, de nafa'da basa manada'dik neu Abram, fo hataholi Ibrani ndia. Abram leo deka no ai manituk-la, fo Mamre, hataholi Amori esa, mamana makaluku-makatelen-na. Mamre no tolanoon-nala, fo nde Eskol ma Aner fo Abram tia-lai malolen hataholi sila-la.

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

KEJADIAN 17:1

Lelek Abram teun siohulu sio boema, Manetualain natu'du aoinan-na neun, de nae, “Au nde Manetualain, Fo Manakoasa. Tunga Au, ma tao-no'i Au hihii-nanaung tataas esa.

KEJADIAN 48:3

Yakob nafa'da Yusuf nae, “Manetualain Fo Manakoasa, natu'du aoinan-na neu au neme Lus, nai dae Kanaan-na de Ana fe baba'e-papalak neu au so.”

2TAWARIKH 30:12

Nai Yehuda boeo Manetualain tao-no'i de laun-na dalek esa soaneu tunga te'e-te'e neu Manetualain hihii-nanaun nenik ala tunga manek-ka ma hataholi mana'a ngga'din-nala paletan-na.

MAZMUR 110:3

Nai faik o mai no koasa, nai pupukuk malalao-malafuk-ka, o laum-mala tutulumatak no sila hihii-nanau mesan-na. Sama leo dinis-sa nai fai fafain-na, basa touana muli-soluk-kala, ala mai leo o mai.

KELUARAN 10:3

Boema, Musa no Harun leu leo manek-ka leu, de lafa'dan lae, “Leoina Ibrani-la Manetualain fo nde Manetualain-na, nafa'da nae, ‘O ta nau makatele neu Au fa, losa faihi'da? Po'i Au anang-ngala la'o, fo ela ala sene-do'ok neu Au.

KELUARAN 17:5

Manetualain nafa'da Musa nae, “Maloo-ma, maneleo de'ubee, fo la'ok makabubua moos, nai leoina ia uluk. Boeo ho'i meni aitete'ek fo o paken, nai lelek o fepa Lee Nil-la.

KELUARAN 19:1

Basa ndia boema, leoina Israel-la la'oela Rafidim, fo nai lelek ala la'o ela Masir nai hataholi Yahudi-la bula ka telun-na, fain esa, boema ala losa moo solokaek Sinai. Ala ofu leme Letek Sinai huun-na,

KELUARAN 25:22

Nai mamanak ndia nde neukose Au atongo o o, ma neme tatanan lain mai fo nai kerub ka duak sila-la tala'da, neukose Au fe Au hoholo-lalaneng neu leoina Israel-la tunga o.”

KELUARAN 3:12

Manetualain nataa nae, “Neukose, Au tulu-fali o. Ma metema o moo leoina ndia kalua neme Masir mai soona, neukose emi sene-do'ok neu Au nai letek ia. Ndia da'di buti, nae Au adenu o.”

KELUARAN 3:16

Muu leona, fo maloo makabubua basa mane leo Israel-la. Fo po'a-benga neus, mae Au, Manetualain, fo sila bei-ba'i kain Abraham, Isak ma Yakob Manetualain-na, natu'du basa aoinan-na neu o so. Mafa'das mae Au mete basa sila so, de Au ita basa, leoina Masir-ra tao sila leo beek so.

KELUARAN 30:36

Muse ha'bo boomenik ndia seli losa lutuanak. Ho'i menin leo Au Lalaa Temang-nga neu fo nggalin neu Peti Hehelu-balataak-ka uluk. Muse mamahele boomenik ndia malalao-malalafuk fo nanafe hehelik soaneu Au. Boso tao boomenik nanasese'dok nenik ai matak leo sila-kala soaneu emi manuu.

KELUARAN 30:6

Pe'da mei tunu-hotuk ndia neu temak manai Peti Hehelu-balataak-ka matan deak, nai mamanak fo neukose Au atongo o o.

KELUARAN 4:1

Boema, Musa nataa Manetualain nae, “Tehu tao leo beek, fo leounik-ka hataholi Israel-la ta nau lamahele ma ta nau taoafik neu au hala-kokolang fa? Metema, leounik-ka lafa'da lae Manetualain ta natu'du aoinan-na neu au fa soona, au muse tao beek?”

KELUARAN 4:23

de Au paleta basa o so, de po'i Au anang sila fo ala la'o, fo ela ala sene-do'ok neu Au, tehu o ta sipok fa. Besak ia, neukose Au taoissa o ana ulum-ma.’ ”

KELUARAN 4:24

Nai leleo-lala'on-na dalek, fo nai mamana oofuk esa, Manetualain mai leo Musa mai, fo Ana sanga taonisan.

KELUARAN 4:31

Boema lamahele, ma nai lelek lamanene lae Manetualain, taoafik neu leoina Israel-la, ma nita sila doi-doson lala'en-na boema, lakaluku-lakatele.

KELUARAN 5:1

Basa boema, Musa no Harun leu leo manek Masir-ra leu, de lafa'dan lae, “Manetualain, fo Israel Manetualain-na, Ana fe paleta nae leo ia, ‘Po'i Au leoinang-nga, fo ela leu sene-do'ok neu Au nai mook solokaek-ka.’ ”

KELUARAN 5:3

Musa no Harun lafa'da lae, “Hataholi Ibrani-la Manetualain-na, natu'du basa aoinan-na neu ami so. Po'i ami, fo ami meu leo mook solokaek-ka meu, dodoon-na, la'ok faik telu dalen-na, fo ami tunu-hotu tutunu-hohotuk soaneu Manetualain, fo ami Manetualaim-ma. Metema, ami ta tao tunga dede'ak ndia fa soona, neukose Ana taonisa ami nenik he'di-laus do natee-natatik.”

KELUARAN 7:16

Mafa'da manek ndia mae, Manetualain, fo hataholi Ibrani-la Manetualain-na, nadenu au, fo afa'da au Ama Maneng, fo ela po'i Anan-nala, fo leu sene-do'ok neun nai moo solokaek-ka. Tehu losa besak ia, au Ama Maneng-nga, ta nau namanene fa.

KELUARAN 8:1

Boema Manetualain, nafa'da Musa nae, “Muu leo manek-ka muu, fo mafa'dan Au hala hehelung-nga nde ia nae, ‘Po'i Au anang-ngala la'o, fo leu sene-do'ok neu Au.

KELUARAN 8:20

Manetualain nafa'da Musa nae, “Lolebalahaak soona, muu leo manek-ka muu, nai lelek ana kona leo lee dale neu, fo mafa'dan, Au hala-kokolang nde ia nae, ‘Po'i Au anang-ngala la'o, fo leu sene-do'ok neu Au.

KELUARAN 8:23

Neukose Au ta'da fe'e Au anang-ngala loo o laum-mala. Balahaa soona, neukose manada'di beuk ndia ana da'di.’ ”

KELUARAN 9:1

Manetualain nafa'da Musa nae, “Muu leo manek-ka muu, fo mafa'dan mae Manetualain, fo hataholi Ibrani-la Manetualain-na, nafa'da nae, ‘Nemen-na, fo Au anang-ngala la'o, fo ela ala hapu sene-do'ok neu Au.

KELUARAN 9:13

Manetualain nafa'da Musa nae, “Fafaianak nanseli soona, muu leo manek-ka muu, fo mafa'dan, mae Manetualain fo hataholi Ibrani-la Manetualain-na, nafa'da nae, ‘Po'i Au anang-ngala, fo ela ala sene-do'ok neu Au.

YESAYA 64:5

O soluk hataholi dale ndoos, fo naso'da tunga O hihii-nanaum. O mamanasa ami, tehu ami masala-masingo mahele, memak neme makahulun-na mai, ami masala.

YEREMIA 2:2

po'a-benga halak ia neu basa hataholi manai Yerusalem-mala nae, “Hai Israel, Au afandele, o lilineka manseli, nai lelek o bei muli-solum-ma; o susue-lalaim ba'un-na seli nai lelek ita da'di manaka'bing beuk-ka. Au u leo moo solokaek-ka u, boeo o tunga o la'ok tunga dae fo, nanasele-nggali taak-ka.

YEREMIA 2:6

Au ta afaduli fa; Au fo, manahela-noles nai enok so, ma Au os kalua leme Masir mai la'ola'di moo solokaek-ka, dae tokotiik fo dopelele'un makadotok, boema tuuk, bai te henuk no soe-a – mook fo, nanaleo taak ma ta la'ok tunga fan!

YEREMIA 26:5

Emi boeo muse mamanene hata fo nananafa'dak neme Au atang-ngala, basa nabi-la fo Au adenu tatas esa os neu emi. Tehu emi ta nau mamanene fas.

BILANGAN 17:4

Soona, meni ai tete'ek sila-la, leo Au Lalaa Temang-nga neu, fo pe'das leu Peti Hehelu-balataak-ka matan-na, nai mamanak fo, Au biasa atongo o emi seku-seku.

YOSUA 1:17

Neukose ami tunga o, sama-na leo, ami boeo tunga Musa tataas esa. Sa'di leo been-na, emi Manetualaim-ma, nai o boboam-ma, sama leo nai Musa boboan-na!