KELUARAN 3:15 - Susula Malalaok Hehelu Palak Ma Hehelu Beuk

¹⁵ Boeo tui-benga fes, mae Au, Manetualain, fo sila bei-ba'i kain Abraham, Isak ma Yakob Manetualain-na, nadenu au mai leo emi mai. Au nde Manetualain, fo Au na'deng-nga nde ndia, losa dodoon-na. Au na'de nonokeng-nga nde ndia, soaneu basa leoina lala'en-na, neme tititi-nonosik leo tititi-nonosik neu.

KELUARAN 3:15 ပူးပေါင်းရင်းမြစ်များ

KEJADIAN 24:12

Boema, ata ndia hule-haladoi nae, “Amak, fo au tuang Abraham Manetualain-na, fali-ma au dei, fo ela au bela-ba'ung, neni buna-boak nai faik ia; madale malole neu au tuang Abraham.

1 TAWARIKH 16:16

Ana tao hehelu-balataan ndia no Abraham, de basa boema no Isak,

1 TAWARIKH 29:18

Ou Manetualain, fo ami bei-ba'i kaim Abraham, Isak ma Yakob sene-do'ok-ka, ela leo been-na O manea O anam-mala fo ela ala sue-lai lahele O sama leo besak ia ma tulu-falis fo ela ala lilineka leu O losa dodoon-na.

2TAWARIKH 28:9

Manetualain nabin esa na'de Oded, ana leo nai kota Samaria. Nai lelek solda'du Israel-la fali no leni hataholi nanafook neme Yehuda mai boema, Oded neu natongon-nos nai lelek ala sanga masok lala kota dale. Nafa'da nae, “Emi sengi hataholi Yehuda-la so, nanahu emi bei-ba'i kaim-mala Manetualain namanasas. Tehu Manetualain namanene tao leo beek emi taomisa solda'du Yehuda sila-la no dale susue-lalai taak.

MAZMUR 102:12

Au so'dang-nga sapu-lalo, sama leo salaok-ka, nai fai le'onoson-na; au male sama leo na'u-a.

MAZMUR 102:13

Tehu O, ou Manetualain, Manek losa dodoon-na, nananafandendele nahelek, neme bobongik leo bobongik neu.

MAZMUR 135:13

Ou Manetualain, neukose O nanatui-bengak nahelek, ma basa tititi-nonosik-kala, lafandendelek O na'dem-ma,

MAZMUR 30:4

O matapo'i au neme mamates-sa mai, ma O tao maso'da au neme hataholi manamatek-kala tala'da mai.

MAZMUR 30:5

Makamee nakamee kokoa-kikiok ba'eneu Manetualain, hai Manetualain anan fo manalilinekak-kala lemin, ma moke makasi neu Ndia Fo Malalao-malalafuk nanseli.

MAZMUR 68:5

Makamee ba'eneu Manetualain, ma koa-kio na'den-na, Sadia eno okofoo ba'eneu Ndia fo, manasa'e ko'as-sa. Na'den-na Manetualain – mamahoko nai matan-na leona!

MAZMUR 72:17

Ela leo been-na, na'de manen-na nananafandendelek losa dodoon-na, ma ela leo been-na, na'den-na boetai nanakoa-kiok nai lelek le'do bei nai lalai-a. Ela leo been-na, leoina-la loke, fo fes baba'e-papalak sama leo ndia, ma basa hataholi-la loken soona lae, maua-manalek.

MAZMUR 72:19

Kokoa-kikiok ba'eneu na'den fo matua-madema losa dodoon-na; ela leo been-na, daebafak-ka lalaena, henuk no mandela-masa'an! Da'di leondiak leona. Amin! (Tete'ek-ka)

KELUARAN 15:2

Manetualain, nde au manamasala'eng fo mabe'i-balakaik; Ndia nde soi-tefa-nala au-a. Ndia nde au Manetualaing-nga, de au nau koa-kion, Manetualain fo au bei-ba'i kaing-ngala sene-do'ok-ka, de Au amatutua-amadedeman.

KELUARAN 15:3

Manetualain nde palani ta'tibatu, fo makadelek, Na'den-na nde, Manetualain ndia.

KELUARAN 3:13

Musa nataa nae, “Tehu metema, au atongo o hataholi Israel-la, fo au afa'das ae, ‘Emi bei-ba'i kaim Manetualain-na, nadenu au mai leo emi mai,’ soona neukose tao leo bee o, latane lae, ‘Na'de see?’ Soona au muse ataas ae le'e?”

KELUARAN 3:6

Au ia, o bei-ba'i kaim Abraham, Isak ma Yakob Manetualain-na.” Boema Musa ko'o ketu matan-na, nana ana bii mete Manetualain.

KELUARAN 4:1

Boema, Musa nataa Manetualain nae, “Tehu tao leo beek, fo leounik-ka hataholi Israel-la ta nau lamahele ma ta nau taoafik neu au hala-kokolang fa? Metema, leounik-ka lafa'da lae Manetualain ta natu'du aoinan-na neu au fa soona, au muse tao beek?”

KELUARAN 4:5

Manetualain nae, “Taon leondiak, fo ela hataholi Israel-la lamahele, lae Au, Manetualain, fo sila bei-ba'i kain Abraham, Isak ma Yakob Manetualain-na, natu'du basa aoinan-na neu o so.”

KELUARAN 6:2

Au atu'du Au aoinang-nga neu Abraham, Isak ma Yakob da'di leo Manetualain Fo Manakoasa, tehu Au ta fes lalelak Au nenik na'dek ‘Manetualain fa’.

AMSAL 18:10

Manetualain ndia, sama leo uma puni madema mateaina; hataholi dale ndoos-sa, neu leo naa neu, de ana hapu mamanak fo, nee-nee lino-linok.

YESAYA 26:8

Ami tunga O nakeketum-ma, ou Manetualain, ma ami mahani mahele O; O nde kokoa-kikiok, ma ami hii matongo mo o, tataas esa.

YESAYA 42:8

Au nde Manetualain, fo Au na'deng-nga nde ndia; Au ta fe Au matua-mademang, neu su'di see boen; Au ta fe Au na'de nananita-nalelang-nga, neu dodoki-dudulak fa.

YESAYA 63:12

Manetualain fo, manasama-sama no Musa, fo no lima mabe'i-balakain-na, de Ana fa'a ba'e oe-a nai sila matan, fo ela na'den-na nanakoa-nanakiok losa dodoon-na, nai bee?

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

YEREMIA 33:2

fo manamakadada'dik debafak-ka ma ana heheo-hihiluk-kana fo ana taon neu mamanan-na. Ana nafa'da nae,

DANIAL 2:23

Ou, Manetualain fo au be'i-ba'i kaing sene-do'ok-ka. O nde au koa-kio ma amatutua-amadedemak-ka. Nana O fe au manatee-tenok ma be'i-balakaik. O sipok ami dokodoem-ma. Ma O matu'du basa natataak soaneu manek-ka so.”

HOSEA 12:5

Naho'uk no ata lalais esa, de ana sengi. Boema ana kii, ma noke fe ndia baba'e-papalak. Basa boema, Manetualain mai leo Yakob fo ita bei-ba'i kain ndia neme Betel, de Ana kokolak non.

HOSEA 12:6

Manetualain ndia nde Manetualain Fo Manakoasa. Na'den-na nde Manetualain. No na'dek ndia, nde Ana nau hataholi-a sene-do'ok neun.

MIKHA 4:5

Basa leoina manai daebafak-ka sene-do'ok ma tunga sila lamatua daebafan-na. Tehu neukose ita tunga Manetualain, fo ita Manetualain-na, fo sene-do'ok-kana losa dodoon-na neu.

MALEAKHI 3:6

“Au nde Manetualain, ma Au ta da'di asafali fa. Hu ndia de, ta mopo-mate emi, fo Yakob tititi-nonosin-nala fa.

MATEOS 22:32

‘Au nde Abraham Manetualai na, Isak Manetualai na, ma Yakob Manetualai na.’ Manetualain ndia, hataholi mana mate kala Manetualain ta ndia fa. Hataholi maso'da kala Manetualain ndia!”

HATAHOLI 3:13

Manetualain fo Abraham, Isak, ma Yakob sene do'o ka nde bee na ita bei ba'ikai nala Manetualain. Manetualain ndia namatutua-namadedema basa Ata na, fo nde Yesus Kristus. Yesus Kristus ndia nde emi fe henin leo mana koasa la neu, boema emi la'ba nana nai Pilatus matan, nai lelek fo Pilatus ana sanga po'i nana.

HATAHOLI 7:32

‘Au ia, o bei ba'i-kaim Manetualain; Au ia, Abraham, Isak, ma Yakob Manetualain,’ Musa dele ngge'be-ngge'be no bibii ka, de nalosa ana ta napalani mete leo telaanak ndia neu so'on,

ULANGAN 1:11

Ela leo been-na, emi bei-ba'i kai Manetualain-na, popo-tama nakandaoo emi dede'um-ma, fo losa didikuk la'i lifun esa, ma Ana tao-na emi da'di leoina fo tetu-temak, sama leo hala hehelun-na!

ULANGAN 1:35

‘Ta hapu hataholi esa boen, neme bobongik mangalauk ia mai, neukose ana masok leo nusak fo maoe-maisik, fo Au helu basan neu emi be-ba'i kaim-mala so.

ULANGAN 4:1

Boema Musa nafa'da leoina ndia nae, “Tunga basa hoholo-lalanek fo, au anolin neu emi, fo ela emi bole maso'da losa emi leo nai dae fo emi bei-ba'i kaim-mala Manetualain-na fen neu emi-a.

IBRANI 11:16

Tehu nananitak, sila lahiik nusak esa fo malole na lena, fo nde nusak manai nusa so'da ka. Hu ndia de Manetualain ta mae, metema loken lae, sila Manetualai na. Lena-lenak Manetualain sadia basa kota esa soaneu sila so.

IBRANI 13:8

Yesus Kristus sama nahele, nau makahulu na, besak ia, ma losa dodoo na.