KELUARAN 3:13 - Susula Malalaok Hehelu Palak Ma Hehelu Beuk

¹³ Musa nataa nae, “Tehu metema, au atongo o hataholi Israel-la, fo au afa'das ae, ‘Emi bei-ba'i kaim Manetualain-na, nadenu au mai leo emi mai,’ soona neukose tao leo bee o, latane lae, ‘Na'de see?’ Soona au muse ataas ae le'e?”

KELUARAN 3:13 ပူးပေါင်းရင်းမြစ်များ

KEJADIAN 32:29

Boema Yakob nae, “Tuan mafa'da na'dem-ma dei.” Tehu hataholi ndia nataa nae, “Ta paluu o matane, au na'de see fa!” Boema, Ana ba'e-pala Yakob.

KELUARAN 15:3

Manetualain nde palani ta'tibatu, fo makadelek, Na'den-na nde, Manetualain ndia.

KELUARAN 3:12

Manetualain nataa nae, “Neukose, Au tulu-fali o. Ma metema o moo leoina ndia kalua neme Masir mai soona, neukose emi sene-do'ok neu Au nai letek ia. Ndia da'di buti, nae Au adenu o.”

KELUARAN 3:14

Manetualain nafa'da nae, “Au nde been-na, AU NDE IA. Dede'ak ia nde muse o mafa'dan neu leoina Israel-la mae, Ndia fo loken lae, AU NDE IA, nadenu basa au mai leo emi mai so.

KELUARAN 3:15

Boeo tui-benga fes, mae Au, Manetualain, fo sila bei-ba'i kain Abraham, Isak ma Yakob Manetualain-na, nadenu au mai leo emi mai. Au nde Manetualain, fo Au na'deng-nga nde ndia, losa dodoon-na. Au na'de nonokeng-nga nde ndia, soaneu basa leoina lala'en-na, neme tititi-nonosik leo tititi-nonosik neu.

KELUARAN 7:16

Mafa'da manek ndia mae, Manetualain, fo hataholi Ibrani-la Manetualain-na, nadenu au, fo afa'da au Ama Maneng, fo ela po'i Anan-nala, fo leu sene-do'ok neun nai moo solokaek-ka. Tehu losa besak ia, au Ama Maneng-nga, ta nau namanene fa.

AMSAL 30:4

Hataholi see-ka, kae-kona hai nusa so'dak-ka so? Ana nafanggete hai anin-na neme liman dale, ma ana poti oe nai ba'dun dale, do naketu daebafak-ka, too-lanen so do beik? See ndia, ma anan-na nde see? Tao leo bee-o, o bubuluk-kana!”

YESAYA 52:6

Hu ndia de, neukose emi manaku, mae Au Manetualain, ma nai lelek ndia, neukose emi bubuluk, mae Au nde manakokolak o emi-a.”

YESAYA 7:14

Besak ia, neukose Manetualain nde fe o ta'du-tana. Anafe'oana kailus esa, neukose ana bongi-na ni'iana touanak esa, fo ana foin na'de Imanuel.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

YEREMIA 23:6

Metema ana paleta soona, neukose hataholi Yehuda-la laso'da-lamole ma neukose hataholi Israel-la laso'da-lamole no nenee-lino-linok. Manek ndia neukose loken soona lae, ‘Manetualain Ita So'dan-na’.

MATEOS 1:21

Neukose Maria bongi na ni'iana touanak esa. Soona o muse foi ni'iana ndia na'de Yesus, nanahu neukose ni'iana ndia nde soi-tefa nala hataholi daebafa ka sala-singo nala.”

MATEOS 1:23

“Ana fe'oana mata tema esa, neukose nailu fo ana bongi na ni'iana touanak esa. Ala foi ni'iana ndia na'de, Imanuel.” Imanuel ndia, metema tunga dede'a Ibrani soona sosoa na nae, “Manetualain no ita”.

HATAHOLI 3:13

Manetualain fo Abraham, Isak, ma Yakob sene do'o ka nde bee na ita bei ba'ikai nala Manetualain. Manetualain ndia namatutua-namadedema basa Ata na, fo nde Yesus Kristus. Yesus Kristus ndia nde emi fe henin leo mana koasa la neu, boema emi la'ba nana nai Pilatus matan, nai lelek fo Pilatus ana sanga po'i nana.

HAKIM-HAKIM 13:6

Basa ndia boema, Manoah saoinan-na, neu leo saotoun-na neu de nafa'dan nae, “Ka'a, Manetualain hataholi nadedenun-na, ana mai leo au mai; lupan-na sama leo Manetualain ata nusa so'dan-na, nalosa au bii anseli. Au ta atanen, neme bee mai fa, ma ndia boeo, ta nafa'da na'den-na neu au boen.