KELUARAN 3:11 - Susula Malalaok Hehelu Palak Ma Hehelu Beuk

¹¹ Tehu Musa nafa'da Manetualain nae, “See au ia, nalosa au apalani asasalematak o manek-ka, fo au o leoina Israel-la, kalua leme Masir mai?”

KELUARAN 3:11 ပူးပေါင်းရင်းမြစ်များ

2 SEMUEL 7:18

Boema, Mane Dauk-ka neu leo Manetualain Lalaa Teman dale neu. Boema nangatuuk, de ana hule-haladoi nae, “Ou Manetualain Fo Manai Mamana Madema, au ma au teidaleng-ngala, ta mandaa sipo basa malole lala'en, fo dodoo basa ia, O matu'dun neu au.

1RAJA-RAJA 3:7

Ou Amak, fo au Manetualaing-nga, O so'u au da'di manek nggati au amang, leomae au bei muli-soluk nanseli, ma au ta bubuluk eno na tao leo beek fo au akalala'ok paleta fa.

1RAJA-RAJA 3:9

Hu ndia de, ou Manetualain, ela leo been-na fe au dudu'a-aafi manatee-tenok fo au paluun soaneu paleta O anam ia la no tunga ndoos ma matetuk, ma soaneu au bisa mete kofe'ek bee kande malole ma bee kande mangalauk-ka. Metema ta leondiak fa soona, hapu nai bee au hapu paleta O anam fo matuaina ia la?”

1 TAWARIKH 29:14

Te'e-te'e au ma au laung-nala ta hapu fe O hata esa boen, nanahu basa hata lala'en-na nde been-na O baba'e-babatim ma hata fo ami fek ia nde been-na O nuum boe.

KELUARAN 6:12

Leondiak, Manetualain, nadenu Musa no Harun, fo landuku-lalosak halak neu leoina Israel-la, ma neu manek Masir-ra, lae Manetualain nadenu sila, fo lauli-lalanga leoina Israel-la, kalua leme Masir mai.

YEREMIA 1:6

Boema au ataa ae, “Ou Manetualain au ta kokolak alelak fa, nanahu au bei muli-soluk nanseli.”

2 KORINTUS 3:5

Ami ta manuu ne'ek hata esa boen soaneu ami mafa'da mae, ami mapalani tao-no'i ue-le'dis ia, tehu Manetualain nde fe be'i-balakaik ndia neu ami a.

HAKIM-HAKIM 6:15

Gideon nataa nae, “Manetualain, tao le'e de, au? Masa bole, au soi-po'i hataholi Israel-la leme hataholi Midian-nala koasan-na mai. Nai leo Manasye dalek, au leo-ingug-nga nde tapandoe nanseli-a. Ma nai au teidaleng-nga dalek boeo, au nde sosoa-ndandaa tak nanseli.”

SEMUEL SUSULAK-KA ESAN-NA 18:18

Dauk nataa nae, “Atam ia see, ma au amang teidalen-nala, sosoa-ndandaan beek nai Israel, de nalosa atam-ma da'di Manek-ka manafeun?”