KELUARAN 29:41 - Susula Malalaok Hehelu Palak Ma Hehelu Beuk

⁴¹ Bi'ilopo soaneu tutunu-hohotu le'donoson-na, tutunu-hohotun muse sama no tutunu-hohotu fafain-na, fo sama-sama no ha'desopuk, mina setun ma angol. Tutunu-hohotu nanatunuk ndia boon-na, nandaa no Au daleng-nga.

KELUARAN 29:41 ပူးပေါင်းရင်းမြစ်များ

1RAJA-RAJA 18:29

Ala tao leondiak nakandondoo henin losa le'donoso, sama leo hataholi nitu sa'e ka. Tehu ta hapu manamataak, ma ta hapu manataoafik fa.

1RAJA-RAJA 18:36

Lelek fai na losa fe tutunu-hohotu le'donoso ka boema, Nabi Elia neu deka no mei tunu-hotuk ndia, boema ana hule-haladoi nae, “Ou Amak, Manetualain fo Abraham, Isak ma Yakob sene-do'ok-ka, matu'dun besak ia mae O nde Manetualain nai Israel, ma au ia O atam. Boeo matu'du mae basa hata lala'en fo au taon ia nde been-na no O paleta ma.

2RAJA-RAJA 16:15

Basa ndia boema, nafa'da Uria nae, “Pake au mei tunu-hotu matuainang ia leona, soaneu tunu tutunu-hohotu fafaik-ka, ma tutunu-hohotu la'odaek-ka, soaneu manek-ka no laun-na, ma po'a laun-na tutunu-hohotuk angol-la, neu ndia. Boema, po'a basa bana fo nanatunu-hotuk-kala daan-na neu mei tunu-hotuk ndia lain boe. Mei tutunu-hohotu liti palaak ndia, nemen-na, fo au paken soaneu oke natutu'duk neme duladalek-kala mai.”

2TAWARIKH 2:3

Salomo haitua halak ia leo Hiram fo manek Tirus-sa nae, “Ela leo been-na Tuan dangan sama-sama moo au sama leo moo au amang Dauk. Tuan mase'o basa fen ai kaiou Libanon soaneu nafofo'a ndia uma manen-na.

MAZMUR 141:2

Sipo-ma, au huhule-haladoing, da'di leo tunu-hotu boominik, ma au limang fo, nanaso'uk-ka, da'di leo tutunu-hohotu le'odaek.

KELUARAN 12:6

Emi muse pa'a mahelen losa bulak-ka fain sanahulu haa. Nai faik ndia le'donoso-na soona, basa hataholi Israel-la lala'e-na, muse do'do bi'ilopoana ndia.

KELUARAN 29:40

Bi'ilopo soaneu tutunu-hohotu fafain-na, muse tunu-hotun sama-sama no ha'desopu neulauk kilo 1, ma sese'dok-kana no mina setun isik litel 1. Fe'ek neme ndia mai boe, sese'dok-kana no angol litel 1.

KELUARAN 29:42

Basa soona, soaneu tepo-lelek lala'en-na, tutunu-hohotuk nanatunuk ndia muse nanatunu-hotuk nai Au matang-nga, fo nai Au Lalaa Temang-nga lelesun-na. Nai ndia nde, neukose Au atongo o Au anang-ngala, ma Au kokolak o o.

DANIAL 9:21

Lelek au bei hule-haladoi te, Gabrial fo au ita basan nai au ninita makahulung-nga dalek ndia, ana laa nasale leo au mai. Ndia te, nandaa no hataholi-la fain fo tunu-hotu tutunu-hohotu le'donoson-na.