KELUARAN 29:20 - Susula Malalaok Hehelu Palak Ma Hehelu Beuk

²⁰ Boema do'do bi'ilopo mane ndia, fo ho'i-ma daan faaanak fo losen neu Harun no anan-nala di'idoo konan-na, neu lima ku'uina konan ma ei ku'uina konan-nala. Daak fo bei elak ndia, muse pisin neu mei tunu-hotuk-ka boboan haas.

KELUARAN 29:20 ပူးပေါင်းရင်းမြစ်များ

KELUARAN 29:19

Ho'i-ma bi'ilopo mane esa, fo nde bi'ilopo mane soaneu feta ndo eik-ka. Madenu Harun no anan-nala lalaa sila liman-nala neu bana ndia langan lain.

KELUARAN 29:21

Ho'i-ma daak manai mei tunu-hotuk lain-na, faaanak ma mina feta fo pisin neu Harun no anan-nala, boema bua-lo'a papaken-nala. No enok ndia, Harun no anan-nala boema bua-lo'a papaken-nala nanahele hehelik ba'eneu Au.

YESAYA 50:5

Manetualain fe au malelak; au ta la'ban, do lepos la'oela fan.

YESAYA 52:15

Tehu besak ia, ana taon-na leoina makadotok dodoo doak-kana, mane-manek-kala, ta lahahala fa, nanahu ala dodoo doak-kana. Neukose ala lita, ma lalelak, hata fo makahulun-na, ala ta bubuluk-kana fa.”

IMAMAT 14:14

Imam-ma muse ho'in-na bi'ilopoana ndia daan faaanak, fo losen neu hataholi fo sanga nafa'dan nae ana lea-hai ndia, di'idoo konan-na, limaku'uina konan-na, ma eiku'uina konan-na.

IMAMAT 14:16

Basa ndia soona, ana dope limaku'u konan-na leo mina dale neu, fo ana pisin la'i hitu nai Manetualain Lalaa Teman dale.

IMAMAT 14:17

Boema, ana lose mina manai liman dale ndia, faaanak neu mamana-mamanak fo nanalose basak nenik daak so, fo nde hataholi, fo sanga nafa'dan nae ana lea-hai ndia, di'idoo konan-na, limaku'uina konan-na, ma eiku'uina konan-na.

IMAMAT 14:25

Boema, imam-ma muse do'do bi'ilopoana ndia, fo ana lose daan faaanak neu hataholi fo sanga nafa'dan nae ana lea-hai ndia di'idoo konan-na, limaku'uina konan-na ma eiku'uina konan-na.

IMAMAT 14:28

Boema, muse ana lose bei ela mina faaanak manai liman dale ndia, neu mamanak fo nanalose basak nenik daak-ka, fo nde hataholi fo sanga nafa'dan, nae ana lea-hai ndia, di'idoo konan-na, limaku'uina konan-na, ma eiku'uina konan-na.

IMAMAT 14:7

Imam-ma, muse pisi manupui ndia daan-na la'i hitu neu hataholi manalea-haik ndia, ma nafa'da nae, ana lea-hai so. Boema, muse ana po'i falik manupui maso'dak-ka leo mook-ka neu.

IMAMAT 16:19

Muse ana pisi daak ndia faaanak la'i hitu, leo mei tunu-hotuk lain neu. No enok ndia, ana tao nalalao-nalalafu mei tunu-hotuk-ka neme leoina Israel-la manggenggeon-na mai, fo ela ala da'di balisi.

IMAMAT 8:23

boema, Musa do'don. Basa ndia boema, ana ho'i-na bana ndia daan faaanak, de ana losen neu Harun di'idoo konan-na, neu limaku'uina konan-na, ma eiku'uina konan-na.

IMAMAT 8:24

Basa boema, nadenu Harun anan-nala mai deka, boema ana lose daak faaanak boe, neu di'idoo konan-nala, limaku'uina konan-nala, boema eiku'uina konan-nala. Ana pisi daa lenak-ka, neu mei tunu-hotuk-ka boboan haas.

MARKUS 7:33

Yesus no heok hataholi ndia mesa kana doo dooana faa neme hataholi makadoto kala mai boema, Ana tao limaku'u na leo hataholi ndia di'idoon duas dalek neu. Boema Yesus mu'di ape na, de nafaloe hataholi ndia maa na.

IBRANI 10:22

Hu ndia de mai fo ata deka to Manetualain no dale ndoos, ma namahehelek fo matea-mahelek; no dalek fo nanatao nalalao-nalalafu basak neme dale nameme'da masalak, ma no ao paak fo nanabalisik ninik oe fo neu isi ka.

IBRANI 12:24

Emi mai masasale matak mo Yesus, fo Lelete soaneu hehelu-balataa beuk ndia. Emi masasale matak mo daa nanapisi ka, fo malole na lenaheni Habel daa na.