KELUARAN 29:1 - Susula Malalaok Hehelu Palak Ma Hehelu Beuk

¹ “Harun no anan-nala nana ndo ein-na leoiak, fo ela ala hapu lalalau-laoono Au da'dileo imam. Ho'u-ma sapi maneanak esa ma bi'ilopo mane dua ta lu'u la'ak fa.

KELUARAN 29:1 ပူးပေါင်းရင်းမြစ်များ

2TAWARIKH 13:9

Ade emi ta usiheni la'iesak Manetualain imam-imam fo Harum tititi-nonosin ma hataholi Lewi-la so hetu? Da'di neu ngganggatin-na emi ho'i su'di see fo nahiik da'di imam, sa'di hataholi ndia neni sapi esa do bi'ilopo hitu, soona emi fen da'di imam soaneu hata fo Manetualain ta nde ndia fa, nana eno-na leondiak ba'eneu leoina fe'ek-kala so'u sila imam-ma. Tehu ami ta tao leo ndiak fa.

KELUARAN 12:5

Emi bole hele bi'ilopo do bi'ihiik, tehu muse hele bi'i mane, besak-ka teuk esa, ma ta lu'u-la'ak fa.

KELUARAN 20:11

Nai faik nee dalen-na, Au, fo Manetualain, akadada'dik daebafak-ka, lalai-a, tasi-a no basa oe-isin lala'en-na, tehu neu fai ka hitun-na, Au hahaeaong. Hu ndia de, Au, fo Manetualain ba'e-pala fai Sabat-ta ma Au tao alalao-alalafun.

KELUARAN 28:1

“Maloo-ma Harun fo o ka'am-ma no anan-nala, Nadab, Abihu, Eleazar ma Itamar fo hele hehelik-kasa fo ela lalalau-laoono Au da'dileo imam.

KELUARAN 28:3

Maloo-ma basa hataholi fo Au fe basas malelak da'di manaseu-soo. Madenus fo ala seu Harun bua-papaken-na fo ela hele hehelin soaneu nalalau-naoono Au da'dileo imam.

KELUARAN 28:41

Pake bua papakek ndia neu o ka'am Harun no anan-nala. Lose mina setun neus; fo no enok ndia, sila nana ndo eik ma nanahele hehelik soaneu lalalau-laoono Au da'dileo imam.

KELUARAN 29:21

Ho'i-ma daak manai mei tunu-hotuk lain-na, faaanak ma mina feta fo pisin neu Harun no anan-nala, boema bua-lo'a papaken-nala. No enok ndia, Harun no anan-nala boema bua-lo'a papaken-nala nanahele hehelik ba'eneu Au.

YESKIAL 43:23

Metema, o tao basan soona, ho'i-ma sapi maneanak esa, ma bi'ihii maneanak esa, tehu bana ka duak sila-la, ta lu'u-la'ak-kala fa,

IMAMAT 14:11

Boema, imam-ma muse noon sama-sama no tutunu-hohotun sila-la leo Manetualain Lalaa Teman-na lelesun-na, bafan-na neu.

IMAMAT 16:3

Ka'da no enok fo tunu-hotu sapi maneanak, soaneu tutunu-hohotuk fo sala-singok hapu do'o do ampon, ma bi'ilopo mane esa soaneu tutunu-hohotu nanatunuk-ka, Harun bole masok leo Kama Malalao-malalafuk nanseli-a dalek neu.”

IMAMAT 22:20

Boso tunu-hotu bana lu'u-la'ak, nana Manetualain ta nau sipo fan.

IMAMAT 4:3

Metema manatao sala-singok-ka nde Imam Matuaina, nalosa basa leoina Israel-la tao salak soona, muse ana tunu-hotu fe Manetualain, sapi maneanak esa, ta lu'u-la'ak fa, fo ela sala-singon hapu do'o do ampon.

IMAMAT 6:6

Soaneu tutunu-hohotuk bae hutak-ka, hataholi ndia muse neni bi'ilopo mane esa, do bi'ihii mane esa, ta lu'u-la'ak fa, ma puku belin-na sama no belik fo nanapakek nai Manetualain Lalaa Teman-na.

IMAMAT 7:35

Neme nana'ak fo nanatunu-hotuk ba'eneu Manetualain-na, baba'ek ndia nde Ana fen neu Harun no anan-nala, nai faik fo nanandoo eik da'di imam.

IMAMAT 8:1

Manetualain nafa'da Musa nae,

IMAMAT 9:2

Musa nafa'da Harun nae, “Pa'a-ma sapi maneanak esa, ma bi'ilopo mane esa, duas ta lu'u-la'ak fa. Tunu-hotu bana ka duak sila-la soaneu Manetualain, fo sapi mane-a, soaneu tutunu-hohotuk sala-singok hapu ampon, ma bi'ilopo mane-a, soaneu tutunu-hohotuk nanatunuk.

MATEOS 6:9

Hu ndia de, metema emi hule-haladoi soona mae leo ia, ‘Ou, Ami amam manai nusa so'da ka: O nde Manetualain fo Kisak Ela leo bee na. Lakaluku-lakatele ma ala fe ha'da-holomata neu O.

IBRANI 7:26

Da'di Yesus ndia nde Imam Matua Ina fo ita paluu ka. Yesus malalao-malalafuk. Ta hapu salak do sala-singok faa anak boen nai Yesus fa. Yesus fe'ek neme hataholi masala-masingo kala mai, ma nanaso'uk losa mamanak fo dema lenaheni lalai lala'ena.

1 PETRUS 1:19

tehu nanabaek ninik hata esa beli na seli, fo nde Kristu saoina na, fo Ana da'dileo bi'ilopo masalak ma hina-dila tak, fo nanatunu-hotuk soaneu Manetualain.