KELUARAN 28:43 - Susula Malalaok Hehelu Palak Ma Hehelu Beuk

⁴³ Sila muse pake lopo ndia tataasesa, nai lelek ala masok leo Au Lalaa Temang dale leu, do leu deka loo mei tunu-hotuk-ka soaneu ala tao makaluku-makatele da'dileo imam nai Kama Malalao-malalafuk dale, fo ela boso mates, nanahu hataholi nita sila aopaan fo ta nandaa hataholi nita fan. Nakanenetek ndia, da'di nahele soaneu Harun no tititi-nonosin.”

KELUARAN 28:43 ပူးပေါင်းရင်းမြစ်များ

KELUARAN 20:26

Boso tao mei tunu-hotuk mademaina, nalosa emi muse kae pake edahuuk, fo ela hataholi boso nita emi aopaam fo ta nandaa nita fan.”

KELUARAN 27:21

Harun no anan-nala muse ito-ato banuk ndia neme le'donoso losa fafaik nai mamanak fo Au nai ndia, nai temak nanalolo'ek-ka deak nai Peti Hehelu-balataak-ka matan. Hataholi Israel-la loo tititi-nonosin muse lakalala'ok paleta ndia losa dodoon-na.”

YESKIAL 44:17

Nai lelek, ala masok leo lelesuina, manaleo uma so'dan manai dalek-ka leu, ala muse pake bua papakek-ka, neme tema abalutu mai. Ala ta bole pake, bua papakek neme temak bi'ibulu mai, metema ala bei lalalau-laoono lai, uma so'dan manai dalek-ka, do lai Au Umang dale.

IMAMAT 16:13

Ana muse tunu boomenik ndia, nai Peti Hehelu-balataak-ka matan, nalosa masun-na potin-na Peti ndia tatanan-na, de Harun ta hapu nita peti ndia fa, nana metema Harun nita Peti ndia soona, neukose maten.

IMAMAT 17:7

Leoina Israel-la, muse lilineka lahele neu Manetualain, ma ta bole do'do bana nai tina-la dalek makandondook so'on, soaneu tunu-hotu fe nitu mangalauk-kala. Muse tunga nakanenetek sila-la, losa dodoon-na.

IMAMAT 22:15

Imam-mala ta bole tao langgenggeo tunu-hotuk fo nanafe hehelik soaneu Au,

IMAMAT 22:9

Basa imam-mala muse tunga Au fe nakanenetek-kala. Metema ta soona, lasala de neukose mates, nanahu ala la'olena nakanenetek malalao-malalafuk sila-la. Au nde Manetualain, ma Au nde hele hehelik sila soaneu Au.

IMAMAT 3:17

Hataholi Israel-la, ta bole la'a minak do daak makandondook fa. Nakanenetek ndia, nanapakek losa dodoon-na, de hataholi Israel-la muse tungan, leomae ana leo su'di nai bee boe.

IMAMAT 5:1

Paluu tunu-hotu tutunu-hohotu sala-singok hapu do'o do ampon: Metema, loke hataholi esa da'di sakasii matetuk nai manakee-mafula matan, tehu ana ta tui hata fo nitan do namanenen fa soona, ana muse lu'a-lepa tatao-nono'in buna-boan.

IMAMAT 5:17

Metema, hataholi esa ta name'da fa te ana tao sala-singok, nanahu ana la'olena Manetualain paletan esa soona, hataholi ndia nasala so, de muse ana lu'a-lepa tatao-nono'in ndia buna-boan.

BILANGAN 15:15

Basa hoholo-lalanek ma nakanenetek-kala nde been-na, sama soaneu emi ma hataholi nusa dea, fo manaleo nai emi nusam dale-a, nana emi ma sila nde been-na sama, nai Manetualain mata memeten-na. De dede'ak ndia, nanapakek losa dodoon-na.

BILANGAN 18:22

Hataholi Israel fe'ek-kala, ta bole deka Lalaa Temak ndia so'on, fo ela ala boso leni sala-singok, ma huhuku nisak neu sila aoinan-na.

BILANGAN 18:32

Metema emi mi'an soona, emi ta masala fa, sa'di emi tunu-hotu basa fe Manetualain, baba'ek fo malole nanseli so. Boso tao manggenggeo hataholi Israel-la, tunu-hotu malalao-malalafun-na, nenik mi'a hata esa neme tunu-hotuk ndia mai, te se'kona emi beita fe hehelik ba'eneu Manetualain, baba'ek fo malole nanseli-a fa. Metema emi la'olena nakanenetek ndia soona, neukose mate emi.

BILANGAN 18:8

Manetualain nafa'da Harun nae, “Mafandendelek! Te basa tunu-hotu hehelik fo aia fen leo Au mai, tehu ta nanatunuk fa soona, o nuum ndia. O baba'em-ma nde ndia, fo ndia nananaketu basak losa dodoon-na so. Au fe baba'ek ndia neu o, ma neu o tititi-nonosim.

BILANGAN 9:13

Nasafalin-na, hataholi manggenggeo ta ka, ma ta nai leleo-lala'o dame doo dalek boen, tehu ana ta tunga feta Paskah fa soona, Au ta sipok-kana da'di Au anang so'on, nanahu ana ta tunu-hotu tutunu-hohotuk fe Au, nai faik fo nananaketuk-ka. Hataholi ndia, muse lu'a-lepa aon sala-singon.