KELUARAN 28:38 - Susula Malalaok Hehelu Palak Ma Hehelu Beuk

³⁸ Harun muse pa'a bunga lilopilas isik ndia neu dedein-na, fo ela Au, Manetualain, nau sipo basa tutunu-hohotuk fo hataholi Israel-la leni fen neu Au, leomae nai leni tutunu-hohotuk sila-la dalek, ala tao basa salak so.

KELUARAN 28:38 ပူးပေါင်းရင်းမြစ်များ

KELUARAN 28:37

Pa'a buas ndia neu temak papa'a langak-ka nenik tali balau.

KELUARAN 28:43

Sila muse pake lopo ndia tataasesa, nai lelek ala masok leo Au Lalaa Temang dale leu, do leu deka loo mei tunu-hotuk-ka soaneu ala tao makaluku-makatele da'dileo imam nai Kama Malalao-malalafuk dale, fo ela boso mates, nanahu hataholi nita sila aopaan fo ta nandaa hataholi nita fan. Nakanenetek ndia, da'di nahele soaneu Harun no tititi-nonosin.”

YESAYA 53:6

Ita basa-basa-tala, tatofa-tatalak, sama leo bi'ilopo-a, fo esa-esak sangak enon. Manetualain nadodou basa ita sala-singon neun so.

YESAYA 56:7

“Neukose Au o emi leo Sion, leo Au pupukung fo, malalao-malalafuk-ka neu, ma Au fe namahoko-seteleek, nai Au uma mamasong-nga Tutunu-hohotuk fo, emi tunu-hotun nai Au mei tunu-hotung lain-na, neukose Au sipok-kana. Neukose loke Au Umang-nga soona lae, uma huhule-haladoik soaneu leoina lala'en-na.”

YESAYA 60:7

Leni fe o, bi'ihii bi'ilopo Kedar, bi'ilopo mane-a, nanasadiak neme Nebayot mai, soaneu o makaluku-makatelem. Tutunu-hohotuk sila-la, landaa no Manetualain dalen-na, Ana tao makalupu-makaseek, de Uman-na henuk no mandela-masa'ak.

IMAMAT 1:4

Boema, muse ana lalaa liman-na neu bana ndia langan lain, soona neukose Manetualain sipok tunu-hotun fo sala-singon hapu do'o do ampon.

IMAMAT 10:17

Tao le'e de, emi ta mi'a paa tutunu-hohotuk fo sala-singok hapu do'o do ampon ndia, nai mamanak malalao-malalafuk fa? Tutunu-hohotuk ndia malalao-malalafuk nanseli; Manetualain fen neu emi, fo ela hataholi Israel-la sala-singon hapu do'o do ampon.

IMAMAT 22:16

nenik ala po'ilotak hataholi esa ta nanuu haak soaneu na'a fan. Tataos ndia taon-na hataholi ndia da'di nasala, ma neni huhukuk soaneun. Au nde Manetualain, ma Au nde tao alalao-alalafu tunu-hotuk ndia.”

IMAMAT 22:9

Basa imam-mala muse tunga Au fe nakanenetek-kala. Metema ta soona, lasala de neukose mates, nanahu ala la'olena nakanenetek malalao-malalafuk sila-la. Au nde Manetualain, ma Au nde hele hehelik sila soaneu Au.

IMAMAT 23:11

Nai faik fo basa fai Sabat-ta, imam-ma muse tunu-hotu gandum ndia, da'di leo tutunu-hohotu natutu'duk neu Manetualain, fo ela Manetualain namahoko.

BILANGAN 18:1

Manetualain nafa'da Harun nae, “O ma o anam-mala, boema hataholi Lewi-la, muse lu'a-lepa sala-salak fo mana da'di nai Au Lalaa Temang-nga, tehu ka'da o moo o anam-mala mesam-ma, nde muse lu'a-lepa salak manai imam-mala ue-le'din-nala dalek.

YOHANIS 1:29

Balahaa boema, Yohanis nita Yesus mai boema nae, “Mete mitak, Manetualain Bi'ilopo Anan, fo mana kokaheni daebafa ka sala singo na, ana mai nde ndia.

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

EFESUS 1:6

Koa-kio Manetualain fo matua-madema, nana hu ka nde tunga Ana susue na de, Ana sue-lai na ita ba'u na seli.

IBRANI 9:28

Leondiak boe Kristus nanatunu-hotuk ka'da la'iesa, soaneu Ana loseheni hataholi ba'u sala-singon. Neukose Ana mai seluk nai kala'i dua na, tehu Ana ta mai naketu-nala'di dede'a sala-singok fa, te Ana mai soi-tefa hataholi mana mahani mamai na.

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.

1 PETRUS 2:5

Emi sama leo batu maso'dak. Hu ndia de, ela leo bee na emi nau nanapakek soaneu mafofo'a Manetualain Uma samane na. No enok ndia, emi da'di imam, fo emi maso'da hehelik soaneu Manetualain, ma tunga Yesus Kristus, de emi fe tutunu-hohotu samanek neu Manetualain, fo nandaa no Manetualain dale na.

1 PETRUS 3:18

Nanahu Kristus mate ka'da la'i esa mesa kana, losa dodoo na. Hu ka nde hataholi daebafa ka sala-singon de hataholi sala tak esa, Ana mate soaneu hataholi masala-masingo ka. Kristus tao-no'i basa sila la, fo ela Ana hapu hela-nole emi leo Manetualain mai. Ala tao lisan tunga ao paa ka, tehu nanatao naso'da falik tunga samane ka.