KELUARAN 28:37 - Susula Malalaok Hehelu Palak Ma Hehelu Beuk

³⁷ Pa'a buas ndia neu temak papa'a langak-ka nenik tali balau.

KELUARAN 28:37 ပူးပေါင်းရင်းမြစ်များ

KELUARAN 28:28

Babaa fanak-ka suen-na muse nanatutik nenik tali balau neu suek manai efod, fo ela babaa fanak ndia nahele neme kalikee lain fo ta ngga heni faan.

KELUARAN 28:31

“Ba'du manalu fo paken nai efod lain, muse basa-basan lala'en-na nanataok neme temak kabelik balau.

KELUARAN 28:36

Taom-ma bunga esa neme lilopila isik-ka mai, fo doki-dulak dede'ak-ka nde ia nae, ‘Nanahele hehelik soaneu Manetualain’.

KELUARAN 28:38

Harun muse pa'a bunga lilopilas isik ndia neu dedein-na, fo ela Au, Manetualain, nau sipo basa tutunu-hohotuk fo hataholi Israel-la leni fen neu Au, leomae nai leni tutunu-hohotuk sila-la dalek, ala tao basa salak so.

KELUARAN 28:4

Boeo madenus fo ala tao babaa fanak, efod, ba'du manalu, ba'du kabaek nanaseu-soo mana'a hiik, tema fefeo langak ma kalikee. Ala muse tao bua-papake imam ndia soaneu o ka'am Harum no anan-nala fo ela ala hapu lalalau-laoono Au da'di leo imam.

KELUARAN 29:6

Pa'a fefeo langak neu langan-na, ma lolo'e lilopilas fo nanabalias nenik dodoki-dudulak ‘Nanahele hehelik soaneu Manetualain-na’, neu fefeo langak ndia.

IMAMAT 8:9

Boema, ana pa'a fefeo langak-ka neu Harun langan-na, ma ana so'dok lilopilas neu fefeo langak ndia, fo da'di ta'du-tana, nae Harun da'di Manetualain nuun so. Musa tao basa sila-la tunga Manetualain paletan-na.

ZAKHARIA 3:5

Ata nusa so'dak ndia boeo, ana paleta malalau-maoonon-nala, fo ala tao bulamolik balisi neu Yosua langan-na. Ala tao tunga paleta ndia, de basa ndia boema, ala pake Yosua bua-lo'a beuk ndia, no Manetualain ata nusa so'dan-na naneas.

BILANGAN 15:38

nafa'da leoina Israel-la nae, “Tao fifikok neu emi bua papakem-mala pe'dan dae, ma pa'a tali balau neu basa fifikok sila-la. Emi muse tao leondiak neme bobongik leo bobongik neu.