KELUARAN 28:36 - Susula Malalaok Hehelu Palak Ma Hehelu Beuk

³⁶ Taom-ma bunga esa neme lilopila isik-ka mai, fo doki-dulak dede'ak-ka nde ia nae, ‘Nanahele hehelik soaneu Manetualain’.

KELUARAN 28:36 ပူးပေါင်းရင်းမြစ်များ

1 TAWARIKH 23:13

Amram nde been-na Harun ma Musa aman nde ndia. (Harun ma tititi-nonosin nala nanahele hehelik losa dodoon-na, soaneu ito-ato bua-lo'as makaluku-makatele, tunu boomenik ba'eneu Manetualain, lalalau-laoono Manetualain ma fe baba'e-papalak neu laun nala nenik Manetualain na'den na.

MAZMUR 93:5

Manetualain, O hoholo-lalanem manaketu-basa tak neme doon losa dodo-na, O Umam-ma malalao-malalafuk, losa dodoon-na.

KELUARAN 19:6

hehelik soaneu Au mesang-nga, ma neukose emi malalau-maoono Au da'di leo imam-imam.”

KELUARAN 28:35

Harun muse pake ba'du manalu ndia, metema nakalala'ok bela-ba'un da'dileo imam. Nai lelek ana mai leo Au matang nai Kama Malalao-malalafuk dale, do ana la'oela mamanak ndia soona, lamanene kileik sila-la liin-na, fo daenga boso maten.

KELUARAN 28:37

Pa'a buas ndia neu temak papa'a langak-ka nenik tali balau.

KELUARAN 28:9

Ho'i-ma batu poemata dula pilas 2. Sanga hataholi manatutu malelak lilopilas esa, fo ana dokik Yakob ana ka sanahuluduan-nala na'den-na tunga esa-esak teun neu batu ndia, fo na'dek 6 soona, dokik-kana neu batu 1. Boema batu poemata ka duak sila-la muse seun neu efod-ta su'udoo lilopilan dale, fo taon neu efod ndia talin duas, fo ana da'di ta'du-tanan-nasanene'dak neu Israel leo ka sanahuluduan-nala. No enok ndia, Harun lulu'ak sila na'den-nala nai alun lain, nalosa Au, Manetualain, afandendelek tataasesa neus.

KELUARAN 29:6

Pa'a fefeo langak neu langan-na, ma lolo'e lilopilas fo nanabalias nenik dodoki-dudulak ‘Nanahele hehelik soaneu Manetualain-na’, neu fefeo langak ndia.

KELUARAN 39:27

Ala tao ba'du kabaek fe Harun no anan-nala,

KELUARAN 39:30

Boeo ala tao balias neme lilopilas isik-ka mai, fo da'di ta'du-tanan-nae sila nanahele hehelik soaneu Manetualain. Dede'ak ia la nanadoki-dulak neu balias sila: “Nanahele hehelik soaneu Manetualain.”

KELUARAN 39:31

Balias sila-la nanataok neu tema fefeo langak manai uluk-ka, fo nandaa no Manetualain paletan neu Musa.

YESAYA 23:18

Ana hapu nanalak ma ngga'di-a, neukose ana ta pe'da fan, tehu neukose ana tunu-hotu fen neu Manetualain. Hataholi fo manasene-do'ok neu Manetualain-na, neukose ala pake doik sila-la, soaneu ala asa nana'a-nininuk ma bua-lo'as fo sila paluu-ka.

YESKIAL 43:12

Nakeketuk la'eneu Manetualain Uman-na nde ia: Basa mamanak manai letek ndia poin-na lala'en-na, nde been-na malalao-malalafuk.”

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

IMAMAT 19:2

nanduku-nalosak paleta ia-la neu leoina Israel-la nae, “Ela leo been-na, emi malalao-malalafuk, nanahu Au fo emi Manetualain nde been-na, malalao-malalafuk.

IMAMAT 8:9

Boema, ana pa'a fefeo langak-ka neu Harun langan-na, ma ana so'dok lilopilas neu fefeo langak ndia, fo da'di ta'du-tana, nae Harun da'di Manetualain nuun so. Musa tao basa sila-la tunga Manetualain paletan-na.

ZAKHARIA 14:20

Nai faik ndia, kileik-kileik manai ndala-la bua papaken-na, neukose nanadoki-dulak nenik dede'ak-ka nae, “Nanafe hehelik soaneu Manetualain.” Kete-kete manai Manetualain Uman-na, neukose nanafe ha'da-holomata, sama leo mango-mango manai mei tunu-hotuk-ka matan-na.

IBRANI 12:14

Sanga enok soaneu maso'da mole-dame mo basa hataholi lala'ena. Sanga enok boe, soaneu maso'da no malalao-malalafuk, ka'da soaneu Lamatua ka. Nana ta hapu hataholi esa boen, fo hapu nita Lamatua ka, metema ana ta naso'da sama leondiak fa.

IBRANI 7:26

Da'di Yesus ndia nde Imam Matua Ina fo ita paluu ka. Yesus malalao-malalafuk. Ta hapu salak do sala-singok faa anak boen nai Yesus fa. Yesus fe'ek neme hataholi masala-masingo kala mai, ma nanaso'uk losa mamanak fo dema lenaheni lalai lala'ena.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

NINITAK 21:27

Tehu hataholi fo manatao-no'i dede'a manggenggeo kala, do hataholi masapepeko-masandandali ka, dede'a keke'u na, hata beek boe – metema manggengeok soona, neukose ta masok leo kota ndia dalek makandondook fa. Fo manamaso ka nde ka'da hataholi fo na'de nala nanasulak nai Susula Hataholi Maso'da kala fo nde Bi'ilopo Ana ndia susulan dale.