KELUARAN 28:29 - Susula Malalaok Hehelu Palak Ma Hehelu Beuk

²⁹ Nai lelek Harun masok leo mamana malalao-malalafuk dale neu, ana muse neni leo-leo Israel-la na'den-nala fo nanadokik nai babaa fanan-na, fo ela Au, Manetualain, afandendelek Au anang-ngala tataasesa.

KELUARAN 28:29 ပူးပေါင်းရင်းမြစ်များ

KELUARAN 28:15

“Tao fe Imam Matuaina babaa fanak esasoaneu ana pake nai lelek anan nau bubuluk Manetualain hihii-nanaun. Babaa fanak ndia aban-na ma seseu-sosoon muse sama no efod aban-na ma seseu-sosoon.

KELUARAN 28:28

Babaa fanak-ka suen-na muse nanatutik nenik tali balau neu suek manai efod, fo ela babaa fanak ndia nahele neme kalikee lain fo ta ngga heni faan.

KELUARAN 28:30

Tao Urim ma Tumim leo babaa fanak ndia dalek neu fo Harun paken metema nasasale matak no Au. Nai li'u sama leo ndiak-ka, ana muse pake babaa fanak tataasesa, fo ela ana hapu bubuluk Au hihii-nanaung soaneu hataholi Israel-la.”

KIDUNG AGUNG 8:6

Tao au da'di o inaana susuem, boso holu esa boen, te holu ka'da au mesang-nga; nanahu susue tou-ta'ek ndia balakain-na ba'u mamates-sa, ma dale hihii sao-anan-na, sama leo mamates-sa. Pilan-na sama leo ha'i pilan-na fo ana pila lo'a-lo'a.

YEREMIA 30:21

Manek fo ana paleta emi-a dada'din-na neme emi leoinam-ma mai. Neukose nanapo'i-lotak ana deka no Au metema Au aloon ana nasasale-matak no Au. Nana see kande ndia fo napalani nasasale matak no Au, nenik ndia hihi-nanaun mesan-na? Neukose emi da'di Au Anang-ngala ma Au da'di emi Manetualaim-ma. Au, Manetualain nde manamafa'dak ndia.”

ROMA 10:1

Tolano-tolanoo ngala lemin! Au ahiik alanseli, fo au hataholi ngala hapu nanasoi tefak. De au hule-haladoi te'e-te'e neu Manetualain soaneus.