KELUARAN 28:17 - Susula Malalaok Hehelu Palak Ma Hehelu Beuk

¹⁷ Tao batu poemata dalak 4 neu babaa fanak ndia. Nai dalak makasososak-ka tao batu poemata dula pilas, batu kabelik dula kunik, batu poemata dula fulak.

KELUARAN 28:17 ပူးပေါင်းရင်းမြစ်များ

KELUARAN 28:16

Taom-man balakak ma diku duak-kana fo loloa-nanalun senti beke 22.

KELUARAN 28:18

Nai dalak ka dua, tao batu poemata dula momo'dok, batu poemata dula balau ma batu poemata dula fula-momo'dok.

KELUARAN 28:9

Ho'i-ma batu poemata dula pilas 2. Sanga hataholi manatutu malelak lilopilas esa, fo ana dokik Yakob ana ka sanahuluduan-nala na'den-na tunga esa-esak teun neu batu ndia, fo na'dek 6 soona, dokik-kana neu batu 1. Boema batu poemata ka duak sila-la muse seun neu efod-ta su'udoo lilopilan dale, fo taon neu efod ndia talin duas, fo ana da'di ta'du-tanan-nasanene'dak neu Israel leo ka sanahuluduan-nala. No enok ndia, Harun lulu'ak sila na'den-nala nai alun lain, nalosa Au, Manetualain, afandendelek tataasesa neus.

AMSAL 20:15

Hala-kokolak fo naisi malelak-ka, belin-na lena heni lilopilas-sa ma poemata.

AMSAL 3:15

Manatee-tenok-ka, belin-na lena heni batu poemata; o mahiik basa hata lala'en-na, ta sama no fan.

AMSAL 31:10

Susa la'i esak-kana, sanga saoina malelak; ndia belin-na, lena heni lilopilas-poemata.

AMSAL 8:11

Au nde been-na manatee-tenok-ka, belin-na lena heni neme poemata mai; ta hapu nakasasamak-kana nenik hata esa boen fo o mamahenak-ka fa.

RATAPAN 4:7

Makahulun-na ami mauli-malangam-mala neuisik sama leo abas fo fula balisi. Sila makadelek ma balakaik so'da-la'dak ma ta lamahe'di fa.

YESKIAL 28:13

O mamana leleom-ma nai Eden, fo Manetualain osin-na. O bua papakem-mala, nanabalias nenik poemata mata-matak-kala fo nde: batu dalima dula pilas, batu poemata dula fula-momo'dok, batu poemata dula kunik, batu poemata dula balau, batu poemata dula momo'dok, batu poemata dula kunik mangadilak, batu poemata dula kunik lilopilas, batu poemata dula balau, batu poemata dula momo'dok ma batu alkali pilas. O bua-lo'a lilopilam-mala boeo makadotok. Bua-lo'as sila-la, nanataok soaneu o, nai faik fo o nananakadada'dik-ka.

MALEAKHI 3:17

Manetualain Fo Manakoasa, nafa'da nae, “Neukose ala da'di Au anang-ngala. Nai faik fo Au aketu-ala'di, neukose ala da'di Au hata-heto susue-lalaing. Neukose Au sue-lais, sama leo amak manasue-lai anan fo manaleo non-na.