KELUARAN 27:9 - Susula Malalaok Hehelu Palak Ma Hehelu Beuk

⁹ “Tao uma so'dak okofefeo Au Lalaa Temang-nga, fo pa'a okofefeok-kana nenik tema abalutu. Temak manai boboa konan-na, nanaluun-na metel 44,

KELUARAN 27:9 ပူးပေါင်းရင်းမြစ်များ

1RAJA-RAJA 6:36

Nai Manetualain Uman ndia uluk, ala tao uma so'dan. Uma so'dan ndia nanaokofefeok nenik papala nanadama ta'da-ta'dak: nai batu ta'dak telu lain soona, hapu ai kaiou Libanon ta'dak esa.

1RAJA-RAJA 8:64

Faik ndia boe, Salomo nakatema baba'ek manai tala'da, fo uma so'dan manai Manetualain Uman ndia uluk-ka. Basa boema, nai uma so'dan ndia, ana tunu-hotu tutunu-hohotu nanatunuk, tutunu-hohotu gandum, ma bana mina, soaneu tutunu-hohotu mole dame. Basa sila-la ana tunu-hotus nai mamanak ndia, nanahu mei tunu-hotu liti a ana ka nanseli soaneu basa tutunu-hohotuk sila-la.

2TAWARIKH 33:5

Ana napadedeik mei tunu-hotuk soaneu sene-do'ok neu nduuk-kala nai Manetualain Uman ndia uma so'dak-kadua-nala.

2TAWARIKH 4:9

Manek Salomo boeo ana tao pa'a esa nai uma so'dan manai dalek-ka soaneu basa imam-mala, ma pa'a esa nai uma so'dan manai deak-ka. Lelesuina manai uma so'dak-kaduak sila-la doon-nala nakadiditak-kasa nenik liti.

MAZMUR 100:4

Masok tunga lelesuinan-na nenik nakamee makasi, leo Uman-na so'dan-na, nenik kokoa-kikiok. Moke makasi neun, ma koa-kion leona!

MAZMUR 116:19

fo lakabubua nai Umam-ma so'dan-na, nai kota Yerusalem-ma, tala'da. Koa-kio Manetualain leona!

MAZMUR 84:10

Fe ami manem-ma, baba'e-papalak, ou Manetualain, Masulu-mahapa hataholi fo O hele basak-kala so.

MAZMUR 92:13

Hataholi manatao tunga ndoon-na, nape'du beu, sama leo ai korma, ma ana moli de nalole sama leo ai kaiou Libanon-na.

KELUARAN 27:10

dii liti 20 lakatakan, fo esa soona tao dii eik liti esa neu, ma soloka'dok, boema ndelin-na neme lilofulak-ka mai.

KELUARAN 35:17

temak soaneu uma so'dan-na, dii-la no dii ein-nala, lelesuina uma so'dak-ka tema lelesun-na,

KELUARAN 36:17

Ala tao ndeli 50 neu temak-ka esa su'udoon-na, ma ndeli 50 neu temak-ka dua su'udoon-na.

KELUARAN 39:40

temak soaneu uma so'dan-na, ma dii-la no dii ein-nala, lelesuina manai uma so'dak-ka tema lelesun-na, boema tali-nala, Lalaa Temak ai papakun-nala; basa lou-laak fo nanapakek nai Lalaa Temak dale,

KELUARAN 40:33

Musa tao laa okofefeok Lalaa Temak ma mei tunu-hotuk ndia, boema ana lolo'e lelesuina uma so'dak-ka, tema lelesun-na neu. Boema basa tatao-nono'ik ndia.

KELUARAN 40:8

Basa soona, lofa temak neu fo ana okofeo-na Lalaa Temak so'dan-na, ma lolo'e tema lelesu neu lelesuina manai uma so'dan-na.

YESKIAL 40:14

Boeo ana uku kama matua ndia: de ana hapu nalun-na, metel sanahulu. Kama ndia lelesun-na, nasale leo Manetualain Uman-na, so'dan deak neu.

YESKIAL 40:17

Basa boema, touk ndia noo au tunga lelesuina, leo Manetualain Uman-na, so'dan manai deak-ka neu. Nai papala nanadamak-ka boboan deak, fo manaokofefeon-na Manetualain Uman ndia, ala tao kama teluhulu lai ndia. Hapu uma late batu, nai kama sila-la uluk,

YESKIAL 40:20

Basa boema, touk ndia, ana uku lelesuina kii, fo manaleo uma so'dan manai dalek-ka neu.

YESKIAL 40:23

Hapu lelesuina fe'ek, nasasale matak no lelesuina kii, fo leo uma so'dan manai dalek-ka neu, sama-na leo manai lelesuina dulu boboan-na. Hataholi ndia, ana uku lelesuina ka duak sila-la, lelan-na, de ana hapu metel limahulu.

YESKIAL 40:28

Basa boema, touk ndia noo au tunga lelesuina kona, de ami masok leo uma so'dan manai dalek-ka meu. Ana uku lelesuina ndia, de uukun-na sama no lelesuina manai boboan deak-kala.

YESKIAL 40:32

Basa ndia boema, touk ndia noo au tunga lelesuina dulu, de ami masok leo uma so'dan manai dalek-ka meu. Ana uku lelesuina ndia, de uukun-na sama no lelesuina fe'ek-kala.

YESKIAL 40:44

Basa boema, touk ndia noo au leo uma so'dan manai dalek-ka neu. Nai ndia, hapu uma dua, nanataok neme ai mai, de esa nai lelesuina kii boboan-na, fo nasale leo kona neu, ma esa nai lelesuina kona boboan-na, fo nasale leo kii neu.

YESKIAL 42:3

Uma ndia, boboan esa nasale leo, uma fo loan-na, metel sanahulu ndia neu, ma boboan esa, nasale leo uma late batu neu, fo nai uma so'dan manai deak-ka. Uma ndia ta'dak telu; fo ta'dan-nala, ta lakatetepak loo ta'dak manai dae-la fa.

BILANGAN 3:26

laa manaokofeon-na Lalaa Temak-ka so'dan-na no mei tunu-hotuk, ma uma so'dak ndia tema lelesun-na. Sila mete-lakanae basa tatao-nono'ik lala'en fo natu'tik no bua-lo'as sila-la.

BILANGAN 4:26

tema pepelek-kala no tali papa'an-nala soaneu Lalaa Temak-ka, no mei tunu-hotuk-ka so'dan manai boboa-kaisun, temak manai lelesuina, fo nai Lalaa Temak-ka so'dan-na, ma basa hata-heto fo nanapakek soaneu pasak lenik basa buas sila-la. Ala mete-lakanae basa tatao-nono'ik, fo natu'tik no bua-lo'as sila-la.

BILANGAN 4:32

Boeo dii manaokofefeon-na Lalaa Temak ndia so'dan-na, boema temak manai laten-na, ai papakun-nala, ma talin-nala no basa taka-besi fo paluun nai lelek lapadedek-kana. Hataholi-la esa soona muse fen lu'a buas esa.