KELUARAN 27:16 - Susula Malalaok Hehelu Palak Ma Hehelu Beuk

¹⁶ Soaneu lelesun-na soona, muse tao tema babaa lelesu neme temak abalutu mai, nanalun-na metel 9, ma nanatenuk nenik tema kabeli momo'dok, pilabalanggeok ma pilas, ma balias-sana nenik seseu-sosook mana'ahiik. Muse taom-ma dii 4 loo dii eik 4 fo lakataka tema lelesu ndia.

KELUARAN 27:16 ပူးပေါင်းရင်းမြစ်များ

MAZMUR 45:14

Manek-ka anafe'eon masok no lole-napuk, ba'dun-na nanaseu lilopilas.

KELUARAN 26:31

Taom-ma tema lelesu esa neme tema abalutu mai fo tenun no tema kebelik momo'dok, pilabalanggeok ma pilas. Seu kerub-pa dulan-na neu temak ndia.

KELUARAN 26:36

Tao tema lelesu soaneu Lalaa Temak-ka lelesun-na. Taon neme tema abalutu mai, fo tenun no tema kabelik momo'dok, pilabalanggeok ma pilas, ma balias-sana nenik seseu-sosoo mana'a.

KELUARAN 27:17

Basa dii manaokofefeo-la uma so'dak ndia, muse latutiao loo ndeli lilofulak-kala; muse tao ndelin-na neme lilofulak-ka mai, ma dii ein-nala neme liti mai.

KELUARAN 28:39

Harun ba'dun-na, muse nanatenuk neme temak abalutu mai. Taom-ma fefeo langak esa boe neme temak abalutu mai, ma kalikee nanaseu-sook esa.

KELUARAN 36:37

Boema ala tao tema lelesu soaneu Lalaa Temak lelesun-na neme tema abalutu mai, fo nanatenuk nenik tema kabelik balau, pilabalanggeok ma pilas, de nanabalias nenik seseu-sosoo mana'ahiik.

KELUARAN 39:29

ma kalikee nanatenuk neme temak abalutu, temak kabelik balau, pilabalanggeok ma temak pilas, fo balias-sana nenik seseu-sosoo mana'ahiik, sama leo Manetualain paletan neu Musa.

BILANGAN 3:26

laa manaokofeon-na Lalaa Temak-ka so'dan-na no mei tunu-hotuk, ma uma so'dak ndia tema lelesun-na. Sila mete-lakanae basa tatao-nono'ik lala'en fo natu'tik no bua-lo'as sila-la.

HAKIM-HAKIM 5:30

“Ala bei baba'e bua-lo'a kakalok-kala, soaneu solda'du esan-na, ana hapu anafe'oana matatema esa do dua. Sisera, hapu tema ba'du mabeliina, ina manek-ka, hapu salendang nanaseu dula mata-matak.”