KELUARAN 26:33 - Susula Malalaok Hehelu Palak Ma Hehelu Beuk

³³ Lolo'e temak ndia neu soloka'do makadadalak-kala dae, fo nai Lalaa Temak-ka lain. Muse pe'da Peti Hehelu-balataak fo batu ka duak-kala lai dalek ndia neu temak ndia dea. Temak ndia ta'da Kama Malalao-malalafuk-ka no Kama Malalao-malalafuk nanseli-a.

KELUARAN 26:33 ပူးပေါင်းရင်းမြစ်များ

1RAJA-RAJA 6:16

Nai uma ndia dalek, fo nai boboan dea ala taok-kama de ala ta'da ba'ek kama ndia nenik papala ai kaiou, fo mulai neme uma laten-na mai losa hunun-na. Kama Malalao-malalafuk nanseli ndia nanalun-na metel sio.

1RAJA-RAJA 8:10

Nai lelek basa imam-mala kalua leme Manetualain Uman ndia mai, no kaiboik uma ndia henuk no ko'as-sa.

1RAJA-RAJA 8:6

Basa ndia boema, basa imam mala leni Peti Hehelu-balataak ndia leo Manetualain Uman neu de ala pe'dan nai mahahae nusa so'dak sila-la doki dulan daen-nai Kama Malalao-malalafuk nanseli-a dalek.

2TAWARIKH 3:8

Kama manai dalek fo nanafoik na'de Kama Malalao-Malalafu Nanseli-a, nalun-na metel sio ma loan-na metel sio, sama no Manetualain Uman ndia loloan-na. Ana pake lilopilas ton duahulu soaneu nakadiditak neu Kama Malalao-Malalafuk Nanseli ndia papala nanadaman-nala

KELUARAN 25:16

Boema nai peti ndia dalek, o muse pe'da batu ka duak fo nai bee, Au sulak Au paletang-nga, fo neukose Au fen leo o neu.

KELUARAN 26:32

Lona tema lelesu ndia neu dii akasia ka haak fo nananakadiditak lilopilas no soloka'do lilopilas fo nanapasak nai dii eik lilofula ka haak-kala lain.

KELUARAN 27:10

dii liti 20 lakatakan, fo esa soona tao dii eik liti esa neu, ma soloka'dok, boema ndelin-na neme lilofulak-ka mai.

KELUARAN 27:21

Harun no anan-nala muse ito-ato banuk ndia neme le'donoso losa fafaik nai mamanak fo Au nai ndia, nai temak nanalolo'ek-ka deak nai Peti Hehelu-balataak-ka matan. Hataholi Israel-la loo tititi-nonosin muse lakalala'ok paleta ndia losa dodoon-na.”

KELUARAN 36:36

Soaneu lolo'e temak ndia neu de, ala tao la dii 4 neme ai akasia mai de lakadiditak-kana nenik lilopilas ma soloka'do lilopilas, de ala taon neu dii ei lilopilas ka 4k-kala lain.

KELUARAN 40:21

Boema ana pe'da Peti ndia nai Lalaa Temak dale, de ana lolo'e tema popotin-na neu Peti matan-na, sama leo Manetualain paleta neun.

KELUARAN 40:3

Tao Peti Hehelu-balataak fo isin-na Paleta ka sanahuluk-kala leo dalek neu, fo tao temak tatanan-na neu uluk.

YESKIAL 41:4

Boema, ana uku kama ndia boe. Kama ndia balakak, de nalun-na metel sanahulu, ma loan-na metel sanahulu. Basa boema, nafa'da au nae, “Kama Fo Malalao-malalafuk nanseli-a nde ia.”

IMAMAT 16:2

nae, “Manduku-malosak neu o tolanoom Harun, mae ka'da neu faik fo nananaketuk-ka, besak-ka ana bole masok leo Kama Malalao-malalafuk nanseli-a dalek neu, kama ndia, nanata'da fe'ek nenik tema lelesu, nanahu, nai mamanak ndia nde Au atu'du Au aoinang-nga nai ko'as manai Peti Hehelu-balataak-ka lain. Metema Harun la'olena paleta ndia soona, neukose maten.