KELUARAN 25:22 - Susula Malalaok Hehelu Palak Ma Hehelu Beuk

²² Nai mamanak ndia nde neukose Au atongo o o, ma neme tatanan lain mai fo nai kerub ka duak sila-la tala'da, neukose Au fe Au hoholo-lalaneng neu leoina Israel-la tunga o.”

KELUARAN 25:22 ပူးပေါင်းရင်းမြစ်များ

KEJADIAN 18:33

Lelek Manetualain kokolak basa no Abraham boema, Ana la'o, ma Abraham fali ne'un leo uman neu.

2 SEMUEL 6:2

Nauli-nalanga hataholi sila, de leu leo Baale-Yehuda leu, fo leu ho'i-la Peti Hehelu-balataak-ka neme naa mai. Peti Hehelu-balataak fo loken nenik Manetualain na'den-na, fo nangatuuk nai mahahae nusa so'dak-kala lain (kerub).

2RAJA-RAJA 19:15

boema ana hule-haladoi nae, “Manetualain, fo Israel Manetualain fo nangatuuk nai Kerub lain-na, ka'da O mesa-mesam-ma, nde Manetualain fo koasa basa nusak lala'en-na nai daebafak-ka poin-na. O nde makadada'dik lalai ma daebafak-ka.

1 TAWARIKH 13:6

Boema Dauk sama-sama nos leu leo kota Baala, fo nde Kiryat-Yearim, fo nai leo Yehuda nusan na soaneu leu ho'i Manetualain Peti Hehelu-blataan na. Ala foi Peti ndia na'de “Manetualain fo nangatuuk nai mahahaek mali'dak lain”.

MAZMUR 80:1

Soaneu mauli-malanga nakameek-ka. Tunga nakameek: Laisona se'bang-nga. Asaf fe sakasii Kokoa-kikion.

MAZMUR 80:2

Ou Manafoo Israel, mamanene leona, te O nde mauli-malanga Yusuf tititi-nonosin da'di leo bi'ilopo bubuak-ka. O nde mangatuuk nai mahahae mali'dak nusa so'dak lain-na (kerub), to'da mai no mandela-masa'ak

MAZMUR 90:1

Musa, fo Manetualain atan-na, huhule-haladoin. Ou Manetualain, O nde ami mamana nasulu-nahapan, neme bobongik leo bobongik neu.

MAZMUR 99:1

Manetualain nde bee-na, Manek; leoina-la dele-bengge'be. Ana nangatuuk nai kandela manek lain, fo nai mahahae mali'dak nusa so'dak-ka lain (kerub), daebafak-ka nanggengo.

KELUARAN 20:24

Tao fe Au mei tunu-hotuk esa, taon neme dae-a mai, boema tunu-hotu emi bi'ilopom ma emi sapim-ma nai ndia, soaneu tutunu-hohotu nanatunuk, ma tutunu-hohotu mole-dame. Nai basa mamanak fo Au aketu basan ba'eneu emi, da'di leo mamanak makaluku-makatele soaneu Au-a, neukose Au mai, fo Au ba'e-pala emi.

KELUARAN 27:21

Harun no anan-nala muse ito-ato banuk ndia neme le'donoso losa fafaik nai mamanak fo Au nai ndia, nai temak nanalolo'ek-ka deak nai Peti Hehelu-balataak-ka matan. Hataholi Israel-la loo tititi-nonosin muse lakalala'ok paleta ndia losa dodoon-na.”

KELUARAN 30:36

Muse ha'bo boomenik ndia seli losa lutuanak. Ho'i menin leo Au Lalaa Temang-nga neu fo nggalin neu Peti Hehelu-balataak-ka uluk. Muse mamahele boomenik ndia malalao-malalafuk fo nanafe hehelik soaneu Au. Boso tao boomenik nanasese'dok nenik ai matak leo sila-kala soaneu emi manuu.

KELUARAN 30:6

Pe'da mei tunu-hotuk ndia neu temak manai Peti Hehelu-balataak-ka matan deak, nai mamanak fo neukose Au atongo o o.

KELUARAN 31:18

Manetualain kokolak basa no Musa nai Letek Sinai lain boema, Ana fen batu bebelak dua, fo Manetualain sulak paletan-nala nai dalek.

KELUARAN 31:6

Boeo Au hele basa Oholiab, fo Ahisamakh neme leo Dan, anan-na fo ana tulu-falin. Au fe tuka malelak-kala malelak matuaina boe, fo ela ala hapu tao su'di beek fo Au paleta neus:

YESAYA 37:16

“Manetualain Fo Manakoasa, fo Israel Manetualain-na, fo nangatuuk nai kerub lain, Ka'da O mesa-mesam-ma nde Manetualain, fo koasa basa nusak manai daebafak-ka lala'en-na. O nde makadada'dik lalai ma daebafak-ka.

YESKIAL 43:6

Lelek touk ndia bei napadeik nai au boboang-nga, au amanene Manetualain nafa'da au, neme Manetualain Uman dale mai, nae,

IMAMAT 1:1

Manetualain naloo Musa neme Lalaa Teman dale mai, de Ana fen nakanenetek-kala nde ia,

IMAMAT 16:2

nae, “Manduku-malosak neu o tolanoom Harun, mae ka'da neu faik fo nananaketuk-ka, besak-ka ana bole masok leo Kama Malalao-malalafuk nanseli-a dalek neu, kama ndia, nanata'da fe'ek nenik tema lelesu, nanahu, nai mamanak ndia nde Au atu'du Au aoinang-nga nai ko'as manai Peti Hehelu-balataak-ka lain. Metema Harun la'olena paleta ndia soona, neukose maten.

BILANGAN 17:4

Soona, meni ai tete'ek sila-la, leo Au Lalaa Temang-nga neu, fo pe'das leu Peti Hehelu-balataak-ka matan-na, nai mamanak fo, Au biasa atongo o emi seku-seku.

BILANGAN 7:89

Metema Musa neu leo Manetualain Lalaa Teman dale neu, fo ana kokolak no Manetualain soona, namanene Manetualain kokolak non neme Peti Hehelu-balataak-ka tatanan lain mai, fo Peti Hehelu-balataak ndia, nai mahahae nusa so'da ka duak-kala dodoki-dudulan tala'da.

HAKIM-HAKIM 20:27

Nai tepo-lelek ndia, Manetualain Peti Hehelu-Balataan nai Betel, ma Eleazar anan Pinehas, fo Harun upun-na, nalalau-naoono da'di leo imam. Boema hataholi Israel-la latane Manetualain lae, “Manetualain ami nde muse meu sapu-ma seluk, ami tolano-tolanoom fo Benyamin hataholin sila-la, do ami muse hahae natee-natatik ia do?” Manetualain nataa nae, “Sapu-malas leona! Balahaa te, neukose Au fe emi sengi.”

SEMUEL SUSULAK-KA ESAN-NA 4:4

Boema ladenu hataholi neu leo Silo neu, fo neu ho'i Manetualain Peti Hehelu-balataan, fo nalupa Manetualain Fo Manakoasa, kandela manen-na. Eli ana ka duan-nala, fo nde Hofni no Pinehas tunga Peti Hehelu-balataak ndia.