KELUARAN 25:20 - Susula Malalaok Hehelu Palak Ma Hehelu Beuk

²⁰ ma fe duas lasasalematak, fo li'dan-nala betubala nai mei ndia lain.

KELUARAN 25:20 ပူးပေါင်းရင်းမြစ်များ

KEJADIAN 28:12

Basa boema, nalame'i nita e'dak esa napadeik nai daebafak-ka, de pe'dan-na losa lalai, ma ata nusa so'dak-kala kona-kae nai e'dak ndia.

1RAJA-RAJA 6:23

Nai Kama Malalao-malalafuk ndia dalek, ala doki-dulak-la mahahaek nusa so'dak dua, fo nanadoki-dulak neme ai setun na mai. Mahahaek nusa so'dak nanadoki-dulak kaduak sila-la, esa soona dedema na metel haa senti haa hulu;

1RAJA-RAJA 6:27

Nanadoki-dulak kaduak sila-la, nanape'da nakadadalak nai Kama Malalao-malalafuk dale, nalosa nanadoki-dulak kaduak sila-la esa-esak li'dan esa koila'e papala, ma li'dan esa ka, lakoi ao nai kama ndia tala'da heon.

1RAJA-RAJA 8:7

Doki-dulak sila-la li'dan-nala lalaaketu peti ndia no ai ndondolo nala.

1 TAWARIKH 28:18

la'eneu lilopilas isik-kala dede'un-nala soaneu tao mei tunu-hotuk fo mamanak tunu boomenik, ma soaneu taok-kaleta ba'eneu mahahae maso'dak-ka dodoki-dudulan no li'dan fo natabaa nai Manetualain Peti Hehelu-balataan-na lain.

2TAWARIKH 3:10

Manek-ka boeo nadenu basa hataholi manatao-no'ik sila-la fo ala tao mahahae nusa so'dak dua doki-dulan neme liti mai. Doki-dulak sila-la nananakadiditak nenik lilopilas de nanape'da nakadadalak lai Kama Malalao-Malalafuk Nanseli-a fo lasale leo lelesu-a. Mahahaek nusa so'dak sila-la esa soona nanuu li'dak dua fo lidak sila-la esa soona nalu-na metel dua senti dua. Lidak sila-la lakapela nalosa li'da pe'dan nala esa koi la'e esa nai kama tala'da ma li'da pe'dak esak-ka losa papala nanadamak manai kii konan-nala. Da'di li'dak sila-la ala betubala losa nalun-nala metel sio fo loloan-na sama no kama ndia loloan-na.

KELUARAN 25:18

Taom-ma kerub dua neme lilopilas nanatutuk-ka mai,

KELUARAN 25:19

fo peti ndia pe'dan esa soona tao esa neu. Kerub ka duak sila-la, muse fes da'di esa loo mei-a tatatanan-na,

YESKIAL 28:14

Au fe ata nusa so'dak fo, mata-panan nakatata'u, nanea o nai ndia. O leo nai Au lete malalao-malalafung lain, ma o la'ok nai batu poemata mangadilak-kala tala'da.

MATEOS 24:31

Pupuu matua ina nanapuuk soona neukose Ana Hataholi ka nadenu ata nusa so'da nala tao lakabubua hataholi kamahehele nala leme daebafa ka bu'un has mai, ma leme lalai pe'dan esa losa pe'dan esa.”

YOHANIS 1:51

Yesus nafa'dan boe nae, “Tete'e ka, mamahele leona te neukose o mita lalai natahuka, fo o mita Manetualain ata nusa so'da nala, ala kona kae leo Ana Hataholi ka mai.”

1 KORINTUS 11:10

Hu ndia de, soaneu tao namahoko ata nusa so'da kala de inak esa muse pake lalaa langak, da'dileo ta'du esa nae, ndia nai tou ka koasan dae.

1 KORINTUS 4:9

Nana tunga au hahapu nga soona, ami hataholi nadedenuk fo Manetualain nakadada'dik basa ami dadi leo buas esa, fo lanilun nai hataholi daebafa ka ma ata nusa so'da kala matan. Ami sama na leo hataholi matasi'da-matasaik, fo laketu hukulisan nai lea matan, fo daebafa ka hika-natadale ami.

EFESUS 3:10

Manetualain dudu'a na nde bee na, fo ela besak ia, tunga hataholi kamahehele kala, de basa mana ho'u koasa manai lalai ma daebafa ka, ala bubuluk Manetualain manatee teno na, nai basa hata mata-matak lala'e na dalek.

KOLOSE 2:10

Ma hu ka nde emi da'di esa mo Kristus de, emi hapu so'da matetu ka. Nanahu Kristus nde bee na, malangan neu basa dula dale mana koasa ma mana paletak lala'e na.

IBRANI 1:14

Metema leondiak soona, tunga ndo na, ata nusa so'dak sila la beek sila? Sila nde bee na dula dalek fo lalalau-laoono Manetualain, ma fo Manetualain nadenus, soaneu tulu-fali hataholi fo neukose sipo so'da-mole ka.

IBRANI 9:5

Nai Peti ndia lain, hapu mahahae mali'dak dua, fo duas da'di neu ta'du esa nae, Manetualain nai mamanak ndia. Mahahae kaduak sila la, li'da nala lakapepela ketu basa Peti ndia tatana na, fo sala-singo kala nanafe do'o do ampon nai mamanak ndia. La'eneu dede'ak ia, besak ia ita beita hapu tafa'da mangalele'do dede'ak ndia fa.

1 PETRUS 1:12

Manetualain nafa'da nabi sila la nae, hata fo sila tao-no'in ndia, ta soaneu sila paluu na fa, tehu soaneu emi paluu ma; fo nde basa dede'ak fo besak ia emi mamanenen no mangale'dok neme manatui-benga Hala Malole la'eneu Yesus Kristu sa. Hataholi sila, ala tui-benga dede'ak sila la neu emi, ninik Manetualain Dula Dale na koasa na, fo Ana haituan neme nusa so'da ka mai. Lena-lenak ata nusa so'da kala boeo, ala lahiik bubuluk halak fo hataholi sila la tui-bengak ndia.

1 PETRUS 3:22

Ana kae falik leo nusa so'da ka neu so. Besak ia, Ana koasa sama-sama no Manetualain, ma Ana paleta basa ata nusa so'da kala, basa mana koasa lala'ena, boema basa be'i balakaik lala'ena.