KELUARAN 25:16 - Susula Malalaok Hehelu Palak Ma Hehelu Beuk

¹⁶ Boema nai peti ndia dalek, o muse pe'da batu ka duak fo nai bee, Au sulak Au paletang-nga, fo neukose Au fen leo o neu.

KELUARAN 25:16 ပူးပေါင်းရင်းမြစ်များ

1RAJA-RAJA 8:9

Nai Peti Hehelu-balataak ndia dalek, ta hapu hata esa boen, ka'da batu bebelak dua lai dalek. Musa tao batu sila-la leo dalek neu neme Lete Sinai fo lelek Manetualain tao hehelu-balataak no leoina Israel-la nai lelek lai leleo-lala'o nala dalek leme Masir leo Kanaan leu.

2RAJA-RAJA 11:12

Basa ndia boema, Yoyada no Yoas leo deak leu, boema ana tao ti'ilanga manek-ka neu Yoas langan lain, ma ana fen Manetualain susula Hoholo-lananen. Yoas nanandoo eik da'di leo manek, de ala po'a-benga dede'ak ndia, neu laun-na. Basa-basas totoko liman-nala, ma eeki-latadale lae, “So'dak ba'eneu manek-ka!”

2TAWARIKH 23:11

Basa ndia boema Yoyada noo Yoas leo deak neu, boema ana tao ti'ilanga manek-ka neu langan lain, ma ana fen Manetualain susula Hoholo-lalanen. Boema Yoas nanandoo eik da'di manek. Basa boema Yoyada no anan-nala po'a mina soso'u manek-ka neu Yoas, boema basa laun-na laloo bee bou lae, “So'da-molek ba'eneu manek-ka!”

KELUARAN 16:34

Boema Harun nakatetene uledae ndia neu Peti Hehelu-balataak-ka matan-na, fo ala pe'dan, nandaa no Manetualain, paletan-na neu Musa.

KELUARAN 25:21

Tao batu ka duak-kala leo peti ndia dalek neu, fo tatanan.

KELUARAN 26:33

Lolo'e temak ndia neu soloka'do makadadalak-kala dae, fo nai Lalaa Temak-ka lain. Muse pe'da Peti Hehelu-balataak fo batu ka duak-kala lai dalek ndia neu temak ndia dea. Temak ndia ta'da Kama Malalao-malalafuk-ka no Kama Malalao-malalafuk nanseli-a.

KELUARAN 27:21

Harun no anan-nala muse ito-ato banuk ndia neme le'donoso losa fafaik nai mamanak fo Au nai ndia, nai temak nanalolo'ek-ka deak nai Peti Hehelu-balataak-ka matan. Hataholi Israel-la loo tititi-nonosin muse lakalala'ok paleta ndia losa dodoon-na.”

KELUARAN 30:36

Muse ha'bo boomenik ndia seli losa lutuanak. Ho'i menin leo Au Lalaa Temang-nga neu fo nggalin neu Peti Hehelu-balataak-ka uluk. Muse mamahele boomenik ndia malalao-malalafuk fo nanafe hehelik soaneu Au. Boso tao boomenik nanasese'dok nenik ai matak leo sila-kala soaneu emi manuu.

KELUARAN 30:6

Pe'da mei tunu-hotuk ndia neu temak manai Peti Hehelu-balataak-ka matan deak, nai mamanak fo neukose Au atongo o o.

KELUARAN 31:18

Manetualain kokolak basa no Musa nai Letek Sinai lain boema, Ana fen batu bebelak dua, fo Manetualain sulak paletan-nala nai dalek.

KELUARAN 32:15

Musa kona falik neme letek ndia lain mai, ma neni batu bebelak ka duak fo Manetualain paletan-nala nanasulak nai boboan duas.

KELUARAN 34:29

Lelek Musa kona neme Letek Sinai lain mai, te neni Paleta ka Sanahuluk sila-la, mata-panan nandela-nasa'a nanahu ana kokolak no Manetualain so, tehu Musa ta bubuluk nae mata-panan nandela-nasa'a fa.

KELUARAN 38:21

Susulak fo nana sulak bua kabelik fo nanapakek nai Manetualain Lalaa Teman dale nde, batu ka duak fo Manetualain Paleta ka Sanahulun sila-la mamana pepe'dan-na nde ia. No Musa paletan-na de susulak ndia nanataok, ma hataholi Lewi-la sulak matalololen de Itamar fo Imam Harun-na anan-na de nauli-nalanga.

KELUARAN 40:20

Basa boema, ana pe'da batu ka duak sila-la leo Peti Hehelu-balataak dale neu. Boema Musa tatana Peti ndia tatanan neu de ana tao ai ndondolon-nala leo suek-kala dalek neu.

BILANGAN 17:4

Soona, meni ai tete'ek sila-la, leo Au Lalaa Temang-nga neu, fo pe'das leu Peti Hehelu-balataak-ka matan-na, nai mamanak fo, Au biasa atongo o emi seku-seku.

HATAHOLI 7:44

Uma Lopo fo Manetualain mamanan fo Ana mai neu hataholi daebafa ka, hapun nai ita bei ba'ikai nala neme mo maloa. Manetualain paleta Musa fo ana tao Uma Lopo ndia, tunga natutu'duk fo Manetualain natu'dun neu Musa.

ROMA 3:2

Tao leo beeo, sosoa-ndandaan ba'uk-ka! Makasososa na, hu ka nde Manetualain fe dede'a-kokolan neu hataholi Yahudi la.

ULANGAN 31:26

“Ho'i-ma Manetualain susula Hoholo-lalanen ia, fo pe'dan neu emi Manetualaim-ma, Peti Hehelu-balataan-na, boboan-na, fo ela nahele neme ndia, fo da'di leo sakasii esa, ba'eneu leoina ndia.

IBRANI 9:4

Ala pe'da mei tutunu-hohotu ka nai kama ndia dalek. Mei ndia, ala tao neme lilopila sa, fo ala tunu-hotu boominik nai mei ndia lain. Ala pe'da Peti Hehelu-Balataa ka nai ndia boe. Lakadiditak lilopilas feo Peti ndia ao na lala'ena. Ala pe'da ule lilopilas esa nai Peti ndia dalek. Ule lilopilas ndia, isi na manna, Harun ai tete'e na, fo nanupu so, ma batu bebelak dua, fo Musa sulak Manetualain paleta kasanahulu na, nai batu kaduak sila la lain.

YOSUA 4:16

paleta basa imam-mala manandolo Peti Hehelu-balataak ndia, fo ela ala kalua leme Lee Yarden-na dalek mai.