KELUARAN 24:5 - Susula Malalaok Hehelu Palak Ma Hehelu Beuk

⁵ Boema Musa nadenu hataholi muli-soluk de'ubee fo leu tunu-hotu tutunu-hohotu nanatunuk soaneu Manetualain, boema ala ta'ti sapi de'ubee soaneu tutunu-hohotu mole-dame.

KELUARAN 24:5 ပူးပေါင်းရင်းမြစ်များ

MAZMUR 50:5

Ana nafa'da nae, “Tao makabubua Au anang-ngala lala'en-na fo manatao basa hehelu-balataak loo Au, ma nanatao natea-nahelek nenik tutunu-hohotu nanado'dok.”

KELUARAN 18:12

Basa boema, Yitro neni bana tutunu-hohotu nanatunuk, ma bana tutunu-hohotu nanado'dok de'ubee, fo da'di leo tutunu-hohotuk fe Manetualain. Harun ma basa leoina Israel-la mane leon-nala mai, de la'a sama-sama loo Yitro nai Manetualain matan.

KELUARAN 19:22

Nakalenak, imam-imam fo ala nau mai deka loo Au-a, muse ala tao lalalao-lalalafu aoinan-nala; metema ta soona, neukose Au hukus.”

KELUARAN 20:24

Tao fe Au mei tunu-hotuk esa, taon neme dae-a mai, boema tunu-hotu emi bi'ilopom ma emi sapim-ma nai ndia, soaneu tutunu-hohotu nanatunuk, ma tutunu-hohotu mole-dame. Nai basa mamanak fo Au aketu basan ba'eneu emi, da'di leo mamanak makaluku-makatele soaneu Au-a, neukose Au mai, fo Au ba'e-pala emi.