KELUARAN 24:4 - Susula Malalaok Hehelu Palak Ma Hehelu Beuk

⁴ Basa ndia boema, Musa sulak-na basa Manetualain paletan-na. Balahaa fafaik boema, napadedeik na mei tunu-hotuk esa no dii sanahulu dua nai letek ndia huun-na; dii esa soona, ana da'di ta'du tana neu Israel leon esa.

KELUARAN 24:4 ပူးပေါင်းရင်းမြစ်များ

KEJADIAN 12:7

Boema, Manetualain natu'du aoinan-na neu Abram, de nafa'dan nae, “Nusak ia, nde neukose Au fen neu o tititi-nonosim-mala.” Boema, Abram taon-na mei tunu-hotuk esa, neu mamanak ndia, soaneu Manetualain, fo natu'du aoinan-na neun-na.

KEJADIAN 28:18

Balahaa fafaianan-na, Yakob fo'a, boema ana ho'i-na, ana kailungu batu-a, de napadedeik-kana da'di batu nasanene'dak. Ana po'a mina setun neu batu ndia lain, fo ana fe hehelik-kana neu Manetualain.

KEJADIAN 28:22

Ma neukose, au fe Amak-ka baba'ek esa neme baba'ek sanahulu mai, neme basa hata lala'en fo Amak-ka fen neu au. Batu nasanene'dak fo au apadedeik-kana ia, neukose ana da'di mamana sene-do'ok ba'eneu Amak-ka.”

KEJADIAN 31:45

Basa boema, Yakob ho'i-na batu esa, de napadedeik-kana, da'di batu nasanene'dak.

1RAJA-RAJA 11:30

Boema Ahia o'duheni ba'du manalun-na, de ana sisiin da'di neu biak sanahulu dua.

1RAJA-RAJA 18:31

Ana ho'i na batu sanahulu dua, fo batu esa soona, ana nggati leo esa neme leo ka sanahulu duak fo Yakob tititi-nonosin-nala. Yakob fo nde Manetualain foin na'de Israel so.

EZRA 6:17

Nai manda'dik faik ndia dalen-na, ala tunu-hotu fe Manetualain sapi mane natun esa, bi'ilopo mane natun dua, ma bi'ilopoana natun haa. Soaneu tutunu-hohotuk, fo hapu do'o do ampon-na, ala tunu-hotu bi'ihii mane sanahulu dua, fo Israel leon esa soona ana fe esa.

NEHEMIA 10:1

Hataholi manalima lee makasososak-ka nde Gobelnol Nehemia fo Hakhalya anan-na. Basa boema, Zedekia tunga. Basa ndia boema, hataholi-la nde ia boeo ala lima lee fo nde:

KELUARAN 17:14

Manetualain nafa'da Musa nae, “Sulak-ma sesengik ia, fo ela nananafandendelek nahele. Mafa'da Yosua, mae neukose Au tao amopo-amate hataholi Amalek-kala.”

KELUARAN 17:15

Boema, Musa napadedeik-na mei tunu-hotuk esa, de ana foin na'de “Manetualain nde been-na, au Dedeong-nga.”

KELUARAN 21:1

Boema Manetualain nafa'da Musa nae, “Fe hataholi Israel-la nakanenetek-kala nde ia:

KELUARAN 24:7

Basa boema, ana ho'i-na susula hehelu-balataak fo Manetualain paletan-nala nanasulak nai dalek-ka, de ana lees napane'en neu leoina ndia. Lafa'da lae, “Ami nau tunga Manetualain ma tao basa paletan lala'en-na.”

KELUARAN 28:21

Nai batu poemata esa soona, muse dokik Yakob ana ka sanahulu duan-nala esa na'den-na da'dileo ta'du-tanan-nasanene'dak neu leo-leo Israel-la.

KELUARAN 34:27

Manetualain nafa'da Musa nae, “Sulak-ma dede'a-kokolak sila-la, nanahu no dede'a-kokolak sila-la de Au tao hehelu-balataak no o ma no leoina Israel-la.”

YESAYA 19:19

Nai lelek ndia, nai nusa Masir-ra usen-na, neukose hapu mei tunu-hotuk esa soaneu Manetualain, ma nai dae toon-na, hapu dii batu esa, fo nanahele hehelik soaneu Manetualain.

IMAMAT 24:5

Ho'i-ma ha'desopu neulauk kilo sanahulu dua, fo taom-ma loti bobongok sanahulu dua, loti esan-na na'a ha'desopuk kilo esa.

BILANGAN 17:2

“Madenu hataholi Israel-la, fo ala fe o aitete'ek sanahulu dua, fo leo esan-na, aitete'ek esa, soona mane leo-a nde muse fe matan ai tete'ek ndia. Sulak mane leo sila-la, esa-esak na'den-na neu ai tete'en-na,

LUKAS 22:30

No enok ndia emi boeo tunga mamahoko-setelee mo Au, nai lelek Au da'di Mane ka. Ma neukose emi mangatuuk nai kandela manek kasanahulu dua kala lain, soaneu paleta Israel leoina kasanahulu dua nala!”

GALATIA 2:9

Yakobis, Petrus, ma Yohanis, fo meten soona, ala da'di mauli-malanga hataholi kamahehele kala boeo, ala manaku lae, Manetualain fe au bela ba'u hehelik ia boe. Boema laho'u limak lo Barnabas ma au, fo da'dileo ta'du-tana tia-laik esa. Boema sila lo ami mala halak esa mae, ami tao-no'i nai hataholi ta Yahudi la dalek, ma sila tao-no'i nai hataholi Yahudi la dalek.

ULANGAN 31:9

Boema Musa sulak-na Manetualain Fo Manakoasa hoholo-lalanen, de ana fen leo imam Lewi fo, ana hapu bela-ba'uk soaneu ana ito-ato Peti Hehelu-balataak-ka, ma ana fen neu basa mauli-malangan Israel-la.

YOSUA 4:20

Nai mamanak ndia, Yosua nakatoto'dok batu ka sanahuluduak, fo ala ho'i lenis leme Lee Yarden-na dalek mai.

YOSUA 4:5

de nafa'das nae, “Meu leo Lee Yarden-na tala'da heon-na, leo emi Manetualaim-ma, Peti Hehelu-balataan matan-na. Hataholi esan-na, ho'i-na batu esa, neme mamanak ndia mai – dede'un-na, batu sanahuludua, fo nandaa no leoina Israel-la, leo ka sanahuluduan-nala, dede'un-na.

NINITAK 21:14

Tembo kota ndia nananafofo'ak nai batu netes sanahulu dua lain. Nai batu netes sila la lain, nanasulak Bi'ilopo Ana ndia hataholi nadedenu kasanahulu dua nala na'de nala.