KELUARAN 24:3 - Susula Malalaok Hehelu Palak Ma Hehelu Beuk

³ Boema Musa neu de ana po'a-benga basa Manetualain paletan ma nakaneneten-nala neu leoina ndia. Sila basa-basas lataa landaa lae, “Ami nau tao basa hata fo Manetualain nafa'dan.”

KELUARAN 24:3 ပူးပေါင်းရင်းမြစ်များ

2TAWARIKH 15:14

No hala napane'ek, ala soo neu Manetualain lae neukose ala ho'u lahele hehelu-balataak ndia. Basa boema ala eeki-latadale ma ala puu trompet-ta.

2TAWARIKH 15:15

Basa laun Yehuda lala'en-na lamahoko-setelee nanahu ala soo-supa no dale katematuak. Ala lamahoko makaluku-makatele neu Manetualain, ma Manetualain boeo nau sipok-kasa. Ana fes so'da-molek nai sila nusan-na.

MAZMUR 50:5

Ana nafa'da nae, “Tao makabubua Au anang-ngala lala'en-na fo manatao basa hehelu-balataak loo Au, ma nanatao natea-nahelek nenik tutunu-hohotu nanado'dok.”

KELUARAN 19:8

Basa-basas lataa landaa lae, “Ami nau tao basa hata lala'en fo Manetualain nafa'dan,” de Musa nanduku-nalosak hala natataak ndia neu Manetualain. Boema Manetualain nafa'da Musa nae, “Neukose Au mai leo o mai, nai ko'as makate dale; neukose hataholi-la lamanene Au kokolak o o, de mulai hatematak ndia, neukose lamahele o tataas esa.

KELUARAN 24:2

Ka'da o mesam-ma mai deka moo Au. Fe'e-fe'ek-kala ta bole mai deka-deka fa, ma nakalenak laun-na ta bole kae leo letek ia lain mai fa.”

KELUARAN 24:7

Basa boema, ana ho'i-na susula hehelu-balataak fo Manetualain paletan-nala nanasulak nai dalek-ka, de ana lees napane'en neu leoina ndia. Lafa'da lae, “Ami nau tunga Manetualain ma tao basa paletan lala'en-na.”

YEREMIA 11:4

Hehelu-hoholong ndia Au tao basan neu sila bei-ba'ikain-nala, nai lelek Au O falik-kasa kalua leme Masir mai, fo nusak ndia sama leo tasi ha'i ba'eneu sila. Au adenus lamahele neu Au, ma tao no'i basa hata fo Au paleta basak-ka so. Besak ia Au afa'da basa hataholi Yehuda-la ma Yerusalem laun-nala ae, metema ala lamahele Au soona, neukose sila da'di Au anang, ma sila Manetualain nde Au.

HAGAI 2:5

Lelek emi kalua meme Masir mai-a, Au aheluk basa ae neukose, Au asulu-ahapa ahele emi. Ma besak ia boeo, Au bei asulu-ahapa emi. Da'di ta palu emi bii-mamata'u fa.

MALEAKHI 2:10

Ade, ita basa-basa-tala, ta tanuu ka'da Amak esa fa do? Ade, ita ta nananakadada'dik neme Manetualain fo sama fa do? Metema leondiak, soona tao le'e de, ita esa bei nalelesi hehelu-balataak no esa, de no enok ndia, ade ita ta talelesi hehelu-balataak fo Manetualain taon no ita bei-ba'i kain-nala fa do?

ULANGAN 11:1

“Sue-lai emi Manetualain-ma, ma tunga paletan lala'en-na, tataas esa.

ULANGAN 4:1

Boema Musa nafa'da leoina ndia nae, “Tunga basa hoholo-lalanek fo, au anolin neu emi, fo ela emi bole maso'da losa emi leo nai dae fo emi bei-ba'i kaim-mala Manetualain-na fen neu emi-a.

ULANGAN 4:45

Musa nakalala'ok paleta ndia ndek ala kalua leme Masir mai, de leme bafak manai Lee Yarden-na boboan dulu, fo nasasalematak no kota Bet-Peor-ra. Dae ndia nde been-na dae nangatuu palaak neme hataholi Amori-la manen-na na'de Sihon, fo nde makahulun-na ana paleta neme kota Hesybon-na. Musa no leoina Israel-la sengi manek ndia, nai lelek ala kalua leme Masir mai.

ULANGAN 4:5

Au anoli basa hoholo-lalanek sila-la neu emi, sama leo au Manetualaing-nga paletan neu au-a. Tunga basa sila-la nai nusak fo, neukose emi masok-kana, fo emi leon ndia.

ULANGAN 5:1

Musa naloo nakabubua basa leoina Israel-la lala'en-na, boema nafa'das nae, “Tolano-tolanoong-ngala lemin, Mamanene hoholo-lalanek fo au fen neu emi, nai faik ia. Manoli hoholo-lalanek sila-la, fo tungas no lilinekak.

ULANGAN 5:31

Tehu o, Musa, fali ma'im-ma fo leo moo Au meme ia; neukose Au fe Au hoholo-lalaneng ma Au paletang lala'en-na leo o neu. Manolis hoholo-lalanek ma paleta sila-la, fo ela ala tungan nai nusak fo Au fen neu sila.’

ULANGAN 6:1

“Emi Manetualaim-ma, nadenu au fo, au anoli emi basa hoholo-lalanek ia'la, fo ela emi tao-no'in nai nusak fo, ta dook-ka so'on te, emi leon ndia.

YOSUA 24:21

Boema hataholi Israel sila-la lataa lae, “Ta! Neukose ami ta makaluku-makatele neu lamatua daebafak fe'ek-kala fa. Neukose, ami mamahele ka'da neu Manetualain!”

YOSUA 24:22

Boema Yosua nae, “Nah, emi nde da'di sakasii, mae emi maketu basa, soaneu mamahele ka'da neu Manetualain.” Boema lataa lae, “Tete'ek-ka ami nde da'di sakasiin-na.”

YOSUA 24:24

Boema, hataholi sila-lafa'da Yosua lae, “Neukose ami makaluku-makatele ka'da neu Manetualain, fo ita Manetualain-na. Neukose, ami tunga paletan-nala.”