KELUARAN 24:12 - Susula Malalaok Hehelu Palak Ma Hehelu Beuk

¹² Basa boema, Manetualain nafa'da Musa nae, “Mai leo Au mai, nai letek lain. Nai ndia, neukose Au fe o batu dua, Au sulak basa Au hoholo-lalaneng-ngala nai dalek. Basa hoholo-lalanek sila-la, da'di nanolik ba'eneu leoina ndia.”

KELUARAN 24:12 ပူးပေါင်းရင်းမြစ်များ

1RAJA-RAJA 19:11

Manetualain nafa'dan nae, “Kalua meme leak ndia dalek mai leon, fo mapadeik masale leo Au mai, nai letek lain.” Boema Manetualain tunga ndia, fo ani matuainan-nakahuluk, nalosa heaba'e pupukuk kala ma lete batu la hea ba'es. Tehu Manetualain ta natu'du aoinan-na nai anin ndia dalek fa. Lelek anin ndia nakamate, boema dae manggengo ka da'di, tehu Manetualain ta natu'du aoinan-na nai dae manggengok ndia dalek boen.

EZRA 7:10

Ezra tao la'iesak dudu'a-aafin neu palisak besa-besa no, Manetualain Hoholo-lalanen, ana tao tungan, boema nanoli basa nakeketuk lala'en-na no nakaneneten-nala, neu leoina Israel-la.

NEHEMIA 9:13

O kona meme lalai mai, leo Lete Sinai lain, boema O kokolak moo O ana mesam-ma. O fes hoholo-lalanek, nakanenetek ma paleta fo ndoos ma matetuk ma masosoa-ndandaak.

NEHEMIA 9:14

Muse ala tao Fai Sabat fo malalao-malalafuk-ka, ma O fe O hoholo-lalanem tunga Musa.

MAZMUR 19:12

Basa sila-la, ala fe nasanene'dak neu O atam-ma: ngga'di matuaina, nanasadiak ba'eneu hataholi fo, manatungan-nana.

KELUARAN 19:3

de Musa kae leo letek ndia lain neu, fo natongo no Manetualain. Manetualain kokolak no Musa neme letek ndia lain mai, de nadenun fo ana po'a-benga Yakob tititi-nonosin neu hataholi Israel-la,

KELUARAN 24:15

Musa kae Letek Sinai, boema ko'as bubuak esa poti-nan.

KELUARAN 24:18

Boema Musa kae nakandoo, losa ana masok leo ko'as ndia dalek neu. Musa leo neme ndia, lele'dok haahulu, le'odaek haahulu.

KELUARAN 24:2

Ka'da o mesam-ma mai deka moo Au. Fe'e-fe'ek-kala ta bole mai deka-deka fa, ma nakalenak laun-na ta bole kae leo letek ia lain mai fa.”

KELUARAN 31:18

Manetualain kokolak basa no Musa nai Letek Sinai lain boema, Ana fen batu bebelak dua, fo Manetualain sulak paletan-nala nai dalek.

KELUARAN 32:1

Lelek leoina Israel-la bubuluk lae doon-na seli Musa ta kona neme letek lain mai fa, tehu bei nai naa boe, boema leu lakamomotu-la Harun de lafa'dan lae, “Ita ta bubuluk hata da'di neu Musa fa, hataholi fo mana no ita kalua teme Masir mai; da'di tao fe ami lamatua fe'ek fo nauli-nalanga ami.”

KELUARAN 34:1

Basa boema, Manetualain nafa'da Musa nae, “Pa'a ma batu bebelak dua sama leo batu makahuluk-ka. Nai batu ka duak sila-la, neukose Au sulak dede'a-kokolak fo sama no manai batu fo o tao maba'ek sila-la.

YEREMIA 31:33

Hehelu-balatak beuk-ka nde ia fo neukose Au taon neu hataholi Israel-la: Neukose Au tao Au hoholo-lalaneng nai sila dale bobongoanan-nala dalek ma Au sulak-kana neu sila dalen-nala. Neukose Au da'di sila Manetualain-na, ma neukose sila da'di Au anang-ngala.

MATEOS 5:19

Hu ndia de, metema see la'olena paleta sila la, leomae ka'da de'ek esa boe, boema nanoli hataholi fe'e kala fo ala tao leondiak boe, soona neukose hataholi ndia ana da'di kome'doana nanseli nai Manetualain hataholi kamahehele nala tala'da. Nasafali na, ba'eneu see fo nakalala'ok paleta sila la no malole na, boema nanoli hataholi fe'e kala, fo daenga ala tao leondiak boe, soona neukose ana da'di matuaina nai Manetualain hataholi kamahehele nala tala'da.

2 KORINTUS 3:3

Sila nde lita lae emi malupa susulak fo Kristus nde sula kana, fo Ana haituan tunga ami. Susulak ndia ta nanasulak ninik tinta fa, te nanasulak ninik Manetualain Dula Dalen fo maso'da ka; boeo ta sula kana nai batu lei lain fa, te nanasulak nai hataholi daebafa ka dale na.

2 KORINTUS 3:7

Nai lelek hehelu-balataak fo manini mamates ndia nanataok ma nanadoki-dulak neu batu a, Manetualain ndela-sa'an nandela-nasa'a neu Musa mata panan. Sa'a na nandela-nasa'a leondiak, nalosa leoina Israe la ta labe'i lakanae Musa mata panan, leomae sa'ak manai mata panan ndia ana mulai keluha'bu nai lelek ndia. Naa, metema hehelu-balataak fo nanataok, fo manini mamates ndia nanapaku nisak ninik Manetualain ndela-sa'an fo mandela-masa'ak matuaina leondia ka,

ULANGAN 4:14

Manetualain nadenu au fo au anoli emi, basa hoholo-lalanek fo emi muse tungan, nai nusak fo mahani te neukose emi masok-kana, fo emi leo nai ndia.”

ULANGAN 5:22

Nai lelek emi makabuba meme letek lain-na, Manetualain fe emi paleta-la nde sila. Nai lelek Ana kokolak no hala-na nanggunggulu neme ha'i dale, ma koas makate dale mai-a, Ana fe paleta-la nde ndia, te ta paleta fe'ek fa. Boema, Ana sulak-kana neu batu lei dua lain, de Ana fen leo au mai.”

ULANGAN 5:31

Tehu o, Musa, fali ma'im-ma fo leo moo Au meme ia; neukose Au fe Au hoholo-lalaneng ma Au paletang lala'en-na leo o neu. Manolis hoholo-lalanek ma paleta sila-la, fo ela ala tungan nai nusak fo Au fen neu sila.’

IBRANI 9:4

Ala pe'da mei tutunu-hohotu ka nai kama ndia dalek. Mei ndia, ala tao neme lilopila sa, fo ala tunu-hotu boominik nai mei ndia lain. Ala pe'da Peti Hehelu-Balataa ka nai ndia boe. Lakadiditak lilopilas feo Peti ndia ao na lala'ena. Ala pe'da ule lilopilas esa nai Peti ndia dalek. Ule lilopilas ndia, isi na manna, Harun ai tete'e na, fo nanupu so, ma batu bebelak dua, fo Musa sulak Manetualain paleta kasanahulu na, nai batu kaduak sila la lain.