KELUARAN 24:10 - Susula Malalaok Hehelu Palak Ma Hehelu Beuk

¹⁰ de lita Israel Manetualain-na napadeik nai hata esa lain, sama leo uma latek fo nanataok neme batu nilam-ma mai, ma mangale'dok sama leo lalai-a namaneu.

KELUARAN 24:10 ပူးပေါင်းရင်းမြစ်များ

KEJADIAN 32:30

Basa boema, Yakob nae, “Au atongo o Manetualain, matak no matak so, te au bei aso'da.” Hu ndia de, ana foi mamanak ndia na'de, Pniel.

KEJADIAN 32:31

Lelek le'do-a tenak, boema Yakob la'oela Pniel, tehu ana da'di eihelak, nanahu kosik heni duik manai kale'bon-na.

1RAJA-RAJA 22:19

Mikha nafa'da seluk nae, “Besak ia, mamanene hata fo Manetualain nafa'dan! Au ita Manetualain nangatuuk nai kandela Mandela-masa'an lain nai nusa so'dak-ka, ma basa ata nusa so'da nala lapadeik deka loon.

KELUARAN 24:11

Basa mauli-malangan Israel sila-la lita Manetualain so; leomae leondiak boe, Ana ta tao namopo-namate fas. Basa ndia boema, la'a-linu.

KELUARAN 3:6

Au ia, o bei-ba'i kaim Abraham, Isak ma Yakob Manetualain-na.” Boema Musa ko'o ketu matan-na, nana ana bii mete Manetualain.

KELUARAN 33:20

Au ta atu'du Au mata-panang neu o fa, nana hataholi ta naso'da fa metema nita Au.

KELUARAN 33:23

Boema neukose Au hela falik Au limang-nga, fo ela o hapu mita Au neme dea mai, tehu neukose O ta mita Au mata-panang fa.”

KIDUNG AGUNG 5:14

Liman-na mana'ahiik, ana pake ndeli lilopilas no poemata aon-na sama leo ngga'di noli nanadulak batu nilam.

KIDUNG AGUNG 6:10

See ndia, de ana mai nono'kabai dulufula, mana'ahiik sama no bulak-ka nakatema, mangale'don-na sama leo le'do-a. Mata makeen-na anseli, sama leo solda'du-la loo dedeo matua-mademan-nala.

RATAPAN 4:7

Makahulun-na ami mauli-malangam-mala neuisik sama leo abas fo fula balisi. Sila makadelek ma balakaik so'da-la'dak ma ta lamahe'di fa.

YESKIAL 1:1

Nai hataholi Yahudi-la bula ka haan-na fain lima, nai teu ka teluhulun-na dalek, fo ndia te Manek Yoyakhin-na, nanafook leo mamana tu'u-tapak neu, de ana leo teuk lima dalen-na nai ndia so, boema au, Imam Yeskial, fo Busi anan-na, sama-sama o hataholi Yahudi fe'ek nanafook-kala nai Lee Kebar-ra su'un-na. Boema no kaiboik, lalai-a natahuka, de au hapu ninitak la'eneu Manetualain. Au amanene Manetualain kokolak no au, de koasan-na poti-na au.

YESKIAL 10:1

Boema, au anganalo leo dano nanataok neme titino mangadilak manai mahahaek sila-la lain neu, de au ita hata esa, sama leo kandela manek-ka, nanataok neme batu poemata dula balau-a mai.

DANIAL 10:17

Au sama leo ata fo napadeik nai tuan-na matan. Tao leo bee fo au hapu kokolak o Tuan? Basa au balakaing-nga so, ma au hahaeng-nga nakase'e.”

BILANGAN 12:8

Ma Au kokolak on, matak no matak, no mangale'dok, te ta no neneuk fa. Nakalenak, nita Au mata-panang so boe! Tao le'e de, emi mapalani la'ban Musa, fo Au atang ndia?”

MATEOS 17:2

Ala losa lete ka poi na boema Yesus mata-panan nasafali; mata-panan nangale'do sama leo le'do a, ma papake-ngganggaon fula mangadilak.

YOHANIS 1:18

Beita la'iesa boen fo hataholi hapu nita Manetualain, ka'da Ama ka Ana kisa na mesa kana, fo sama leo Ama ka, boema Ana da'di esa no Ama ka. Ndia nde natu'du Ama ka neu ita.

YOHANIS 14:9

Tehu Yesus nataa nae, “Au o emi doo-doo basa ia so, ma tao le'e de, o beita malelak Au boen, Felipus? See nita Au soona, nita Ama ka nde ndia so. Tao le'e de, o mafa'da mae, ‘Matu'du Ama ka neu ami leona’?

YOHANIS 6:46

Au kokolang ia ta nanuu sosoak nae, hapu hataholi nita hai Ama ka so. Nana ka'da Ndia fo maneme Manetualain mai a, nde nita Ama ka.

1 TIMOTIUS 6:16

Ka'da Ndia mesa kana nde, mamate sa ta koasa nala fan; Naso'da nai ndela-sa'a ka dalek, fo ta hapu hataholi esa boen, deka no fan. Ma hataholi daebafak esa boeo, beita nitan la'iesa boen, do hapu nita hai son. Basa ha'da-holomata ma koasa ba'eneun, losa dodoo na! Tete'e ka.

1 YOHANIS 4:12

Beita hapu hataholi esa boen, hapu nita Manetualain fa, tehu metema ita tasue-talai ao soona, Manetualain naso'da no ita, fo susue-lalain natetu-nandaa nai ita dalek.

NINITAK 1:16

Lima kona ho'u nduuk hitu, ma tafaina matane kaduak esa kalua neme bafa na mai. Mata panan nahaa sama leo le'do nai le'dohana nees.

NINITAK 21:11

no nandela-nasa'an ma Manetualain matua-mademan. Kota ndia mangadilak sama leo batu poemata, sama leo batu baiduri pandan, fo neuanak sama leo titino ka.

NINITAK 4:3

Hataholi ndia mata panan nahaa sama leo poemata baiduri pandan pila momo'dok ma poemata dalima. Elus esa dula zamrud ana feo na kandela manek ndia.