KELUARAN 23:31 - Susula Malalaok Hehelu Palak Ma Hehelu Beuk

³¹ Neukose, Au aketu emi nusam-ma dae toon-na neme Namo Akaba losa leo Lee Efrat-ta neu, ma neme Tasi Tala'dak losa leo mook solokaek-ka neu. Nai lelek emi tutulumatak fo emi loso-ma dae ndia soona, Au fe emi koasa soaneu koasa nusak ndia laun-na, nalosa emi hapu usi henis.

KELUARAN 23:31 ပူးပေါင်းရင်းမြစ်များ

KEJADIAN 15:18

Nai lelek ndia boe, Manetualain tao hehelu-balataak no Abram. Manetualain nae, “Au helu ae neukose, Au fe dae ia lala'en-na neu o tititi-nonosim, mulai neme too no nusa Masir-ra, losa Lee Efrat-ta,

1RAJA-RAJA 11:2

Manetualain fe basa paleta nae hataholi Israel-la ta bole sao sese'do-babalik loo leoina sila-la fa, nana neukose hataholi sila tao la hataholi Israel-la sene-do'ok neu lamatua daebafa fe'e kala. Leomae leondiak boe, Salomo kabing no ina nusa dea boe.

1RAJA-RAJA 20:13

Ndia te, nabi esa neu leo Mane Ahab-pa neu de nafa'dan nae, “Manetualain nafa'da nae, ‘O mita solda'du makadotok sila-la? Neukose Au fe o sengis faik ia. Fo ela o bubuluk mae Au nde Manetualain na.’ ”

1RAJA-RAJA 4:21

Basa teidalek-kala lanuu osi angol ma osi ai kaak. Nai Salomo fai maso'da na, laun manai Yehuda ma Israel-lala'en-na, neme kota Dan-na losa kota Bersyeba laso'da nee nee-lino linok boema tetu-temak. Nana, basa manek manai lee Efrat-a boboan muli, lakatele neun, ma basa leoina maleme nusaina manai nusan-na boboa kaisun, tao tiak loon. Dae manai Lee Efrat-a boboan muli, fo mulai neme Tifsah, nakandoo leo muli neu, fo leo kota Gasa nai Filistin losa Masir dae too na, Salomo koasa basan lala'en-na. Leoina manai nusak ndia, lakatele neun ma ala fe kefek. Nana'ak fo Salomo paken tunga faik nde been-na ha'desopu lutuk kilo lifun lima, ma ha'desopu selak kilo lifun sanahulu, sapi nakaboboik sanahulu, sapi nana po'ilotak duahulu, ma bi'ilopo natun esa. Fe'ek neme ndia mai boe, nusa mata-matak-kala manupui mata-matak-kala.

1RAJA-RAJA 8:65

Nai Manetualain Uman ndia, Salomo ma basa laun Israel-la lala'en-na, tao feta Lalaak Akidook-ka faik hitu dalen-na. Hataholi makadotok nanseli lakabubua lai ndia. Ala mai leme nusa dook-ka mai fo mulai neme Eno Hamat ta, fo nai kii, losa leo dae too loo Masir-ra, fo nai kona.

2TAWARIKH 9:26

Ana koasa basa manek manai nusak fo natabaa neme Lee Efrat-ta losa leo nusak Filistin-na ma Masir dae toon-na neu.

MAZMUR 72:8

Neukose nusan-na, namaloa neme tasi leo tasi neu, natabaa neme dulu losa muli.

BILANGAN 21:34

Boema Manetualain nafa'da Musa nae, “Boso bii-mamata'u neun. Neukose Au fe o sengin no laun-na ma nusan-na. Taon sama leo o tao Mane Sihon fo ana paleta nai Hesybon-na.”

BILANGAN 34:2

paleta ia-la, fo ana fen neu leoina Israel-la nae, “Ba'ihanak seluk bai te, emi masok leo nusa Kanaan, fo Au fen neu emi, da'di leo dae pusaka. Emi nusam ndia, too-lanen nde ia.

ULANGAN 1:7

Besak ia, ofeheni emi lalaa ofum-mala leona, fo meu leo hataholi Amori-la dae letelepan-na, ma nai basa dae manai titia-tatain-nala, fo nde Bafak Yarden-na, dae mapupukuk-kala, ma dae matetuk-kala, dae manai kona ma Tasi Tala'dak-ka su'un kona. Meu leona, fo mangatuu-ma, dae Kanaan-na, ma Letelepak Libanon-na losa Leeina Efrat-ta.

ULANGAN 1:8

Au, fo Manetualain helu basa, Au fe dae ndia neu emi bei-ba'i kaim Abraham, Isak ma Yakob no basa sila tititi-nonosin-nala. Da'di, meu fo mangatuu-ma, dae ndia leona.’ ”

ULANGAN 11:24

Emi la'ok okofefeo basa dae-la, neukose emi hapu la'iesak dae sila-la. Emi daem-ma, natabaa neme moo solokaek-ka, fo nai kona, losa letelepak Libanon-na, fo nai kii, ma neme Lee Efrat-ta, fo nai dulu, losa Tasi Tala'dak, fo nai muli.

ULANGAN 2:33

Tehu, ita Manetualain-na fen leo ita mai, boema ita sengin no basa solda'dun-nala lala'en-na.

ULANGAN 2:36

No ita Manetualain-na tutulu-fafalin, de ita hapu loso-ta, basa kota sila-la, mulai neme Aroer mai, fo nai Bafak Arnon-na, ma kota manai bafak ndia tala'da, losa dae Gilead-ta. Ita tao takalulutuk basa papala nanadaman-nala.

ULANGAN 20:16

Tehu metema, kota sila-la, nai emi Manetualaim-ma fe emi nusak-ka dalek soona, emi muse taomisa la'iesak laun-nala.

ULANGAN 3:2

Tehu, Manetualain nafa'da au nae, ‘Musa, boso bii Og. Neukose Au fe Og no solda'dun-nala, ma basa daen-na lala'en-na leo o neu. Taon sama leo o tao Sihon, fo Mane Amori-a, fo ana paleta nai Hesybon.’

ULANGAN 6:19

ma neukose emi usiheni emi musum-mala, sama leo Manetualain hala hehelun-na.

ULANGAN 9:3

Tehu besak ia, neukose emi mita matam, tao leo beek de, emi Manetualaim-ma, Ana la'ok nai emi uluk, sama leo ha'i manatao maputuk-ka. Neukose, Ana sengi hataholi sila-la, nai emi matam, nalosa no lai-laik, emi bisa usihenis ma emi tao mamate-mamopos, sama leo Manetualain helu basak-ka so.

YOSUA 1:4

O nusam-ma, neukose ana betubala neme moo maloa manai kona, losa leo Letelepak Libanon-na nai kii, ma neme Lee Efrat matua ndia nai dulu, boema nakandoo, fo neni la'iesak leoina Het-ta nusan-na, losa Tasi Tala'dak nai muli.

YOSUA 10:19

tehu emi boso hahae meme ndia. Usi maheles, ma sapu-malas neme dea mai, fo boso po'ilotak-kasa, leu leo kotan-nala dalek leu! Emi Manetualaim-ma, fe emi sengis so.”

YOSUA 10:8

Manetualain nafa'da Yosua nae, “Boso bii hataholi sila. Au fe basa sesengik-ka neu o so, hu ndia de, sila hataholin esa boen, ta hapu nakatatakak la'ban o fa.”

YOSUA 13:6

Hapu la'iesak hataholi Sidon-nala nusan-na, nai dalek boe; hataholi Sidon fo manaleo nai nggolo letelepak-ka nai letek Libanon-nala ma Misrefot-Maim tala'da.” “Mahani te, neukose, Au usi heni basa leoina sila-la, nai lelek hataholi Israel-la lata'ti loos,” Manetualain kokolak nakandoo no Yosua nae, “O muse baba'e dae ndia neu hataholi Israel-la, fo da'di sila dae pusakan, sama leo Au paleta basan neu o so.

YOSUA 2:24

Basa boema, lafa'da lae, “Tao leo bee-o, Manetualain fe la'iesak nusak ndia leo ita mai; basa hataholi manai naa-la, ala bii ita.”

YOSUA 21:44

Boema nandaa no Manetualain helun neu sila bei-ba'i kain-nala, de nusak ndia nee-nee lino-linok, nanahu Manetualain nasulu-nahapan. Musu-musun-nala, ta hapu esa boen hapu la'ban-nana fa, nana Manetualain fe hataholi Israel-la sengi basa musun-nala.

YOSUA 23:14

Besak ia, fain-na losa, au mate ia so. Emi basa-basam-mala, esa-esak bubuluk matalolole, mae emi Manetualaim-ma, fe basa emi, hata malole lala'en, fo Ana helu basan so. Ana tao natetu la'iesak, hehelu-balataan so, ta ela esa boen.

YOSUA 24:11

Basa boema, emi lena Lee Yarden-na, de emi losa Yerikho. Hataholi Yerikho-la lata'ti loo emi, leondiak boe, hataholi Amori, hataholi Feris, Kanaan, Het, Girgasi, Hewi ma hataholi Yebus-sala. Tehu Au fe emi sengi la'iesak-kasa.

YOSUA 24:12

Nai lelek emi tutulumatak fo mata'ti moos boema, Au tao-alas lapangamak ma ala bii, nalosa Amori manen ka duak sila-la, lalai leme emi mai. Emi sengi, ta hu kande emi tafainam-ma, ma boeo ta hu kande emi kokoum-ma fa.

YOSUA 24:18

Ma lelek ita masok nusak ia, Manetualain usi heni basa hataholi Amori manaleo nai ia-la. Da'di, ami nau makaluku-makatele neu Manetualain nana Ndia nde ita Manetualain-na!”

YOSUA 24:8

Boema Au o emi leo nusak, fo hataholi Amori-la leo leme Lee Yarden-na boboan dulu. Hataholi sila latati loo emi, tehu Au fe emi sengis. Emi mangatuu-ma nusan-na, de Au tao amopo-amate hataholi sila.

YOSUA 8:18

Basa boema, Manetualain nafa'da Yosua nae, “So'uk o teem-ma, fo matu'dun leo Ai neu; besak ia, Au fe kota ndia leo o neu.” Yosua tao tunga Manetualain paletan ndia.

YOSUA 8:7

Nai lelek ndia nde, emi muse kalua meme emi mamana nafunim-ma mai, fo mangatuu-ma kota ndia leona emi. Manetualaim-ma, neukose fe nusak ndia neu emi.

YOSUA 9:7

Tehu hataholi Israel-la lafa'da lae, “Sosoak hata, ami tao hehelu-balataak moo emi? Fafa'kama emi mamana leleom-ma, ka'da deka-deka nai ia!”

HAKIM-HAKIM 1:4

ma leo Yehuda, leu latee-lata'ti sama-sama. De Manetualain fes sengi hataholi Kanaan-nala, ma hataholi Feris-sala. Mate solda'du musu lifun sanahulu nai Bezek.

HAKIM-HAKIM 11:21

Tehu Manetualain fo Israel Manetualain-na, fe hataholi Israel-la sengi Sidon no solda'dun-nala. Hataholi Israel-la, hapu la'iesak hataholi Amori manaleo nai nusak ndia, daen-nala lala'en-na, tutuin-na leondiak.

SEMUEL SUSULAK-KA ESAN-NA 23:4

Hu ndia de, Dauk noke natutu'duk la'i esa seluk neme Manetualain mai, de Manetualain nataa nae, “Boso bii. Muu sapu-ma kota Kehila leona, nanahu neukose Au fe solda'du Filistin sila-la leo o neu.”