KELUARAN 23:25 - Susula Malalaok Hehelu Palak Ma Hehelu Beuk

²⁵ Metema, emi sene-do'ok neu Au, Manetualain fo emi Manetualaim-ma soona, neukose Au ba'e-pala emi nenik nana'ak ma nininuk, ma neukose Au tao adook basa he'di-laus lala'en-na neme emi mai.

KELUARAN 23:25 ပူးပေါင်းရင်းမြစ်များ

MAZMUR 103:3

Ndia nde, fe do'o do ampon neu basa o sala-singom lala'ena, ma Ndia nde tao nalea-hai basa o he'di-laum lala'ena,

KELUARAN 15:26

Manetualain nae, “Tunga Au no te'e-te'ek, ma tao hata fo Au meten malole; tunga la'iesak Au paletang-ngala. Metema emi tao tungan leondiak soona, neukose Au ta huku emi nenik he'di-laus fo Au fen neu hataholi Masir-ra. Au nde Manetualain, fo manatao nalea-nahai emi-a.”

YESAYA 33:16

Soona neukose, emi nananasulu-nahapak, ma matapo'i neme soe-a mai, nono'kabai, nai kota musu matea-mahelek dale. Neukose, nana'ak ma nininuk, nanasadiak ba'eneu emi.

YESAYA 33:24

Nai ita nusan-na, ta hapu hataholi esa boen neukose nahoo, hu kande namahe'di, ma basa sala-singok-kala, neukose hapu do'o do ampon.

YEREMIA 8:2

ta soaneu latoi-latono seluk-kasa fa, te nanapo'ilotak nai dae lain, fo da'di kadafuk. Hataholi sila-la duin-nala, besenggela-besenggali lai le'do bulak, ma bana-manu fo ala taos da'di lamatua daebafak, fo ala sue-lais, lalalau-laoonos, ala sene-do'ok neus ma loke natutu'duk-ka, matan-na.

DANIAL 1:15

Lelek basa faik sanahulu boema, metes soona matan-nala lapena ma balakaik lena heni basa touana muli-soluk fo ala hapu nana'a-nininuk neme manek-ka mein lain mai.

IMAMAT 11:44

Au nde emi Manetualain, hu ndia de manea, fo ela emi malalaok-malalafuk mahele, nanahu Au malalaok-malalafuk.

IMAMAT 26:3

Metema emi maso'da tunga Au nakaneneteng-ngala, ma tunga Au paletang-ngala

MALEAKHI 3:10

Meni la'iesak emi tunu-hotum, baba'ek esa neme 10 mai, leo Au Umang-nga neu, fo ela hapu nana'a-nininuk sasi kao-kao nai naa. Fola Au, soona neukose emi mita, mae Au soi heni basa lelesu nusa so'dak-ka, fo Au ba'e-bati emi nenik hata malole lala'en-na.

MATEOS 4:10

Boema Yesus nataa nitu nae, “Hei mana dudungu-papau ko nei! O la'o leona. Te nai Susula Malalok dale nanasulak nae, Makaluku-makatele neu Lamatuak fo o Manetualai ma, ma malalau-maoonon!”

ULANGAN 10:12

“Besak ia tolano-tolanoong-ngala lemin, taoafik neu hata fo, emi Manetualaim-ma noken neme emi mai fo nde: Fe ha'da-holomata neu emi Manetualaim-ma, ma tao-no'i basa paletan-nala lala'en-na. Sue-lain ma makaluku-makatele neun, neni basa emi ao paa samanem lala'en-na.

ULANGAN 10:20

Fe ha'da-holomata neu emi Manetualaim-ma, ma makaluku-makatele neu ka'da Ndia mesak-kana. Ela leo been-na, emi lilineka mahele neun, ma emi soo-supa menik ka'da Ndia na'den-na mesak-kana.

ULANGAN 13:4

Hataholi matak leondiak-ka, muse hukunisan, nanahu ana nau taon-na emi, matofa-matalak meme enok fo, emi Manetualaim-ma paletan neu emi. Hataholi ndia nde been-na, hataholi mangalauk, nanahu ana nadenu emi, lena-la'ban emi Manetualaim-ma fo, manasoi-po'i emi meme Masir mai, mamanak fo emi da'di ata. Da'di, muse tao nisa hataholi ndia, fo ela mopo tatao-nono'i mangalauk ndia. Tehu, ela leo been-na, emi tunga emi Manetualaim-ma, ma fe ha'da-hoholomata neun; tungan ma tao-no'i basa paletan-nala lala'en-na. Lilineka mahele, ma mamahele neun.

ULANGAN 6:13

Fe ha'da-holomata neu emi Manetualaim-ma, makaluku-makatele ka'da neu Ndia mesak-kana, boema metema emi soo soona, soo menik ka'da na'den-na mesak-kana.

ULANGAN 7:13

Neukose, Ana sue-lai ma Ana fe emi baba'e-papalak, nalosa emi anam makadotok, fo emi dede'um-mala, boe popo-tama lakandoo. Neukose, Ana fe baba'e-papalak neu emi tinam-mala, nalosa labuna-laboa gandum, angol ma mina setun. Neukose, Ana fe emi baba'e-papalak, nalosa emi sapim-mala, bi'ihiim-mala, ma bi'ilopom-mala lamade'u. Neukose, emi sipo baba'e-papalak sila-la, nai nusak fo Manetualain fen neu emi, nandaa no hala hehelun neu emi bei-ba'i kaim-mala.

ULANGAN 7:15

Neukose, Manetualain nasulu-nahapa emi, neme he'di-laus lala'en-na mai, ma nadook emi neme basa soe lala'en fo, emi mita matam neme Masir, tehu Ana fe soe sila-la, ala tuni-ndeni-la, emi musum-mala.

YOSUA 22:5

Ma manea leona, fo ela emi tunga Musa fe emi hoholo-lalanek-kala, fo nde: Sue-lai emi Manetualaim-ma, tunga hihii-nanaun, tunga paletan-nala, lilineka neun, ma hule-haladoi neun no emi dale katema tuam-ma, ma no basa emi aopaa-samanem lala'en-na.”

YOSUA 24:21

Boema hataholi Israel sila-la lataa lae, “Ta! Neukose ami ta makaluku-makatele neu lamatua daebafak fe'ek-kala fa. Neukose, ami mamahele ka'da neu Manetualain!”

YOSUA 24:24

Boema, hataholi sila-lafa'da Yosua lae, “Neukose ami makaluku-makatele ka'da neu Manetualain, fo ita Manetualain-na. Neukose, ami tunga paletan-nala.”

SEMUEL SUSULAK-KA ESAN-NA 12:20

Semuel nataa nae, “Boso bii, leomae emi tao basa tatao-nono'i mangalauk ndia so, te boso fali deak neme Manetualain mai, tehu mamahele mahele neun, no emi dalek-katema tuam-ma.

SEMUEL SUSULAK-KA ESAN-NA 12:24

Fe ha'da-holomata neu Manetualain ma mamahele neun no lilinekak, ma no emi dale katematuam-ma. Mafandendelek tatao-nono'i matuaina fo Ana tao basan ba'eneu emi so.

SEMUEL SUSULAK-KA ESAN-NA 7:3

Boema, Semuel nafa'da hataholi Israel-lala nae, “Metema, emi sanga fali leo Manetualain meu, fo sene-do'ok-kana no dalek-katematuak soona, emi muse tu'u-tapa heni basa nusa dea-la lamatua daebafan-na, ma lamatua daebafak inak Asytoret-ta dodoki-dudulan. Fe la'iesak emi aoinam-ma neu Manetualain ma ka'da sene-do'ok neun soona, neukose Ana soi-po'i emi neme hataholi Filistin-nala mai.”