KELUARAN 23:18 - Susula Malalaok Hehelu Palak Ma Hehelu Beuk

¹⁸ Boso tunu-hotu loti fo kamen pake laluteik, nai lelek emi tunu-hotu bana-manu fe Au. Bana-manu nanatunu-hotuk fe Au, nai feta ndia dalek-ka, boso pe'da bana-manu sila-la minan-nala, losa balahaa fafaik.

KELUARAN 23:18 ပူးပေါင်းရင်းမြစ်များ

KELUARAN 12:10

Boso ela faaanak boen losa fafaik; metema bei ela soona, muse hotu henin.

KELUARAN 12:15

Manetualain, nafa'da nae, “Faik hitu dalen-na, emi ta bole mi'a loti fo kamen pake lauteik fa. Nai fai makasososak-ka, muse kalua heni basa laluteik-kala leme emi umam dale mai, nana metema nai faik hitu dalen-na, hataholi esa na'a loti fo kamen pake laluteik soona, hataholi ndia ta da'di Au anang so'on.

KELUARAN 12:8

Le'odaek ndia boe, muse dala paan-na, fo la'an no aidoo makaheduk ma loti fo kamen ta pake laluteik fa.

KELUARAN 16:19

Musa nafa'das nae, “Su'di see boe, ta bole pe'da nana'ak ndia, faa anak boen, losa balahaa fa.”

KELUARAN 29:34

Metema losa balahaa fafaik te bei ela paa do loti, soona muse hotuheni nana'a elak sila-la, fo ta bole na'a fan, nanahu nanahele hehelik so.

KELUARAN 34:25

Nai lelek emi tunu-hotu banan-nanado'dok soona, boso tunu-hotu hata-hata fo taon pake laluteik. Bana-manu fo do'don soaneu feta Paskah, emi muse mi'aheni paan-na le'odaek ndia boe; ta bole ela losa balahaa fafaik fa.

IMAMAT 2:11

Tutunu-hohotu nana'ak soaneu Manetualain-na, ta bole nanasese'dok no fanioe do laluteik fa, nanahu fanioe-a no laluteik-ka, ta bole tunun soaneu tunu-hotuk ba'eneu Manetualain fa.

IMAMAT 7:12

Metema, tutunu-hohotuk ndia, nanatunu-hotuk soaneu noke makasi, soona muse tunu-hotu bana ndia, no loti fo ta pake laluteik fa. Loti ndia bole makate, taon neme ha'desopu nanakamek no mina setun, bole loti tuuk ni'ianak boe, fo nanalosek nenik mina, do kokis fo taon neme ha'desopuk-ka no mina setun.

IMAMAT 7:15

Muse na'a bana ndia paan-na, nai faik fo bana ndia nanatunu-hotuk, ma ta bole ela faaanak boen, losa balahaa fafaik.

ULANGAN 16:4

Nai faik hitu dalen-na, nai basa emi nusam-ma lala'en-na, hataholi esa boen, ta bole pe'da laluteik nai uman-na fa. Nai le'odae makasososak-ka, emi do'do bana-la, emi muse mi'a heni paan-nala, nai le'odaek ndia boe.