KELUARAN 23:15 - Susula Malalaok Hehelu Palak Ma Hehelu Beuk

¹⁵ Nai hataholi Yahudi-la bula Abib-pa dalek, fo nai faik nananaketuk-ka, emi muse tao Feta Loti Fo Ta Pake Laluteik fa, tunga eno-dalak fo Au paleta basan neu emi so, nana emi la'oela Masir nai bulak ndia dalen-na. Boso mi'a loti fo kamen no laluteik, nai feta faik hitu ndia dalen-na. Nai lelek, emi mai sene-do'ok soaneu Au soona, emi muse meni tunu-hotuk.

KELUARAN 23:15 ပူးပေါင်းရင်းမြစ်များ

KELUARAN 12:2

“Tunga teuk soona, bulak ia da'di bula makasososak ba'eneu emi kalua meme Masir mai.

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 13:4

Nai faik ia, hataholi Yahudi-la bula Abib-pa, do bula ka esa fain esa, emi la'oela nusa Masir-ra.

KELUARAN 22:29

Neu faik fo nananaketuk-ka, tunu-hotu fe Au, emi gandum, angol ma emi mina setum-ma, beke selik. Fe emi anaulu toum-mala leo Au mai,

KELUARAN 34:18

Tao feta Loti Fo Ta Pake Laluteik fa. Sama leo Au paleta basan neu emi so, de emi muse mi'a loti fo ta pake laluteik, faik hitu dalen-na nai bulak Abib dale, nanahu nai bulak ndia dalen-na, emi la'oela Masir.

KELUARAN 34:20

tehu emi muse soi-ma keledei ana fo nanabongi makasososak-ka nenik tunu-hotu bi'ilopoana esa da'dileo ngganggatin-na. Metema emi ta nau nggati fan soona, emi muse po'de mala'di keledei ana ndia lesuha'in-na. Emi muse soi-ma emi anatou ulum-mala. Hataholi esa boen ta bole mai leo Au mai fa, metema ta neni tutunu-hohotuk fa.

MIKHA 6:6

Ade, hata fo ita muse tunu-hotu fen neu Manetualain, fo Manetualain manai nusa so'dak-ka, metema ita mai sene-do'ok neun? Ade, ita muse teni sapiana malole soaneu nanatunu-hotuk da'dileo tutunu-hohotu nanatunuk soaneun do?

MARKUS 14:12

Nai fai makasososa ka, fo nai Feta Loti Lalu Tei Ta ka, nai lelek fo hataholi la do'do bi'ilopo Paskah boema, Yesus ana manatunga nala latane Yesus lae, “Ama nau ami meu sadia fe Ama nana'a Paskah nai bee?”

LUKAS 2:41

Tunga-tunga teuk, Yesus ina aman leu leo Yerusalem leu, fo ala tunga Feta Paskah.

LUKAS 22:7

Fai na losa fo nai Feta Loti Ta Pake Lalu Tei ka dalek, nae bi'ilopo Paskah nanado'dok so.

HATAHOLI 12:3

Lelek fo Herodes nita ndia tatao-nono'in ndia nandaa no hataholi Yahudi la dale na boema, ana tao seluk leondiak. Nadenu hataholi la leu ho'u Petrus boe. Dede'ak ndia ana da'di la'e Fai Matua Loti Ta Pake Lalu Tei ka.

ULANGAN 16:16

Basa touk Israel-la, muse mai sene-do'ok neu emi Manetualaim-ma, nai Ana hele mamanak-ka, teuk esa soona, la'i telu, fo nde nai Feta Paskah, nai Feta Keketu-kokoluk, ma Feta Lalaa Akidook-ka. Basa hataholi-la, muse leni tunu-hotuk,

SEMUEL SUSULAK-KA ESAN-NA 6:3

Boema lataa lae, “Emi boso meni falik Israel Manetualain-na Peti Hehelu-balataan ndia, ka'da leondiak mesan, tehu muse menin no bua palsen, fo soi-tefa emi sala-singom. No enok ndia, neukose emi lea-hai, ma neukose emi bubuluk, tao le'e de, Israel Manetualain ndia, huku emi do'e-do'e.”