KELUARAN 23:14 - Susula Malalaok Hehelu Palak Ma Hehelu Beuk

¹⁴ “Tunga teuk, emi muse tao feta matua telu, soaneu fe ha'da-holomata neu Au.

KELUARAN 23:14 ပူးပေါင်းရင်းမြစ်များ

1RAJA-RAJA 9:25

Teuk esa la'i telu, soona Salomo fe tutunu-hohotu nanatunuk ma tutunu-hohotu mole-dame nai mei tunu-hotuk fo nafadedeik basan soaneu Manetualain so. Boeo ana hotu boomenik soaneu Manetualain. Leondiak, Salomo tao basa Manetualain Uman-na.

2TAWARIKH 8:13

Ana tunu-hotu tutunu-hohotuk sila-la tunga Musa Hoholo-lalanen soaneu tunga-tunga fai malole: fai Sabat, fai malole Bula Beuk, ma fai malole tunga teuk ka telu kala, fo nde fai malole Loti Ta Pake Laluteik-ka, fai malole Keketu-kokoluk-ka, ma fai malole Lalaa Akidook-ka.

KELUARAN 23:17

Tunga teun, fo nai lelek emi tao feta ka teluk sila-la, basa touk-kala muse mai sene-do'ok soaneu Au, Manetualain fo emi Manetualaim-ma.

KELUARAN 34:17

Boso tao lamatua fe'ek neme liti mai, fo sene-do'ok neun.

KELUARAN 34:18

Tao feta Loti Fo Ta Pake Laluteik fa. Sama leo Au paleta basan neu emi so, de emi muse mi'a loti fo ta pake laluteik, faik hitu dalen-na nai bulak Abib dale, nanahu nai bulak ndia dalen-na, emi la'oela Masir.

YESKIAL 46:9

Nasafalin-na, metema nai fai matua, fo laun-na mai sene-do'ok neu Manetualain, soona sila nde masok tunga lelesuina kii, ma ala sene-do'ok basa, fo ala fali soona, muse ala tunga lelesuina kona. Ma sila fo, manamasok tunga lelesuina kona, ala fali soona, muse ala tunga lelesuina kii. Hataholi-la hapu kekena-kaka'ik fo, ala boso fali tunga enok fo, nai lelek ala masok-ka; ala muse fali tunga lelesuina manai selik-ka.

IMAMAT 23:16

Nai fai ka limahulun-na, fo nde faik fo basa Sabat ka 7-a, emi muse meni tutunu-hohotu nana'ak soaneu Manetualain.

IMAMAT 23:4

Manetualain naketu fai-fai malole fo emi muse po'a-bengan nai faik nananaketuk-ka, nde sila.

IMAMAT 23:5

Tao fai malole Paskah soaneu fe ha'da-holomata neu Manetualain, mulai nai lelek le'do tenak, fo nai hataholi Yahudi-la bula ka esan-na, fain 14.

ULANGAN 16:1

“Tao feta Paskah nai hataholi Yahudi-la bula Abib-pa, fo fe ha'da-holomata neu emi Manetualaim-ma, nana nai bulak ndia dalen-na, fo le'odae boema, Ana soi-po'i emi meme Masir mai.

ULANGAN 16:16

Basa touk Israel-la, muse mai sene-do'ok neu emi Manetualaim-ma, nai Ana hele mamanak-ka, teuk esa soona, la'i telu, fo nde nai Feta Paskah, nai Feta Keketu-kokoluk, ma Feta Lalaa Akidook-ka. Basa hataholi-la, muse leni tunu-hotuk,

SEMUEL SUSULAK-KA ESAN-NA 1:3

Tunga teun, Elkana neu leo Rama neu, fo ana sene-do'ok nai Silo, ma tunu-hotu tutunu-hohotuk fe Manetualain Fo Manakoasa. Fo manada'di Manetualain imam nai Silo-a, nde Hofni ma Pinehas, fo Eli anan-nala.