KELUARAN 23:13 - Susula Malalaok Hehelu Palak Ma Hehelu Beuk

¹³ Taoafik neu basa hata fo Au afa'dan neu emi. Boso sene-do'ok neu lamatua fe'ek-kala, lena-lenak seseik na'den-nala boeo, ta bole fa.”

KELUARAN 23:13 ပူးပေါင်းရင်းမြစ်များ

MAZMUR 16:4

Nemen-na fo, hataholi manasene-do'ok neu lamatua daebafak-kala, dale he'din-nala, boetai tama lakandoo. Au ta nau fe tutunu-hohotuk, neu lamatua daebafak-kala fa, nakalenak, au ta nau seseik na'den-nala fa.

MAZMUR 39:1

Soaneu mauli-malanga nakameek-ka. Dauk kokoa-kikiok. Soaneu Yedutun.

KELUARAN 23:24

Boso sene-do'ok neu sila dodoki-dudula manamasulu-mahapan-na, ma boso nana dulak neme sila makaluku-makatelen eno-dalan mai. Tao makalulutuk sila dodoki-dudulan manamasulu-mahapan sila-la, ma tao mala'di dii batu fo ala paken soaneu makaluku-makatele.

KELUARAN 23:32

Boso tao hehelu-balataak moo hataholi sila-la, do sila lamatua daebafan-nala, fo ela emi boso masala-masingo neu Au.

YEREMIA 10:11

Hei anang-ngala lemin, emi muse mafa'da neus mae, lamatua daebafak-kala fo ta lakadada'dik lalai-a ma daebafak ndia fa, neukose nanatao namopo-namatek. Neukose sila mopok-kasa neme daebafak ia mai.)

HOSEA 2:17

Neukose, Au ta fen loak seseik Baal-la na'den-na so'on, nalosa neukose hataholi-a nafandele heni na'dek ndia.

ZAKHARIA 13:2

Nai faik ndia, neukose Au lose heni sosongo-tatangok-kala na'den-na, neme dae ia mai, nalosa ta hapu hataholi esa boen, bei nafandelen bai. Neukose, Au usi heni basa hataholi fo ana manaku aoinan-na nabi, sama-sama loo sila fo duladale mangalauk-ka koasan-nalas.

BILANGAN 32:38

Nebo, Baal-Meon, ma Sebam. Ala nggati heni lapadedeik falik kota sila-la, na'den-nala.

EFESUS 5:12

Nanahu dede'a-dede'ak fo sila taon no nafufunik ndia, ka'da kokola kana boeo, nini mamaek so.)

EFESUS 5:15

Hu ndia de, taoafik matalolole, o so'da ma eno-dalan. Boso maso'da sama leo hataholi nggoa kala; te maso'da sama leo hataholi malela kala.

ULANGAN 12:3

Tao matu'u mei tunu-hotun-nala, ma tao makalulutuk lutu batu sosongon-tatangon-nala. Hotu heni Asyera dodoki-dudulan-nala, ma tao makalulutuk sila ai batu dodoki-dudula sosongo-tatangon-nala, fo ela ala boso boe, sene-do'ok neu lamatua daebafak sila-la, nai mamanak sila bai.

ULANGAN 4:15

“Mafandendelek matalolole! Te nai lelek Manetualain kokolak no emi neme ha'i dale mai, fo neme Letek Sinai-a, emi ta mita hata esa boen.

ULANGAN 4:23

Mafandendelek matalolole! Fo boso mafandele heni emi Manetualaim-ma tao hehelu-balataak no emi-a. Tunga paletan-na; fo boso doki-dulak dodoki-dudulak nai lupak matak leo beek ndia boe, fo sene-do'ok neun,

ULANGAN 4:9

Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

ULANGAN 6:1

“Emi Manetualaim-ma, nadenu au fo, au anoli emi basa hoholo-lalanek ia'la, fo ela emi tao-no'in nai nusak fo, ta dook-ka so'on te, emi leon ndia.

1 TIMOTIUS 4:16

Manea o ao ina ma, ma manea o nanoli ma boe. Ela leo been-na, o lilineka mahele nai basa dede'ak sila la dalek, nana no enok ndia, neukose o moo hataholi fo lamanene o nanoli mala, hapu so'dak.

IBRANI 12:15

Manea leona, fo boso nalosak hapu hataholi esa boen, ana kalua neme Manetualain dale malole na mai, fo ela boso hapu nggelok da'di sama leo bubu'u-palusa malasok nai emi tala'da heom, nalosa nini toto'a-tatak ma ana tao nalutu hataholi ba'u ninik ndia laso na.

YOSUA 22:5

Ma manea leona, fo ela emi tunga Musa fe emi hoholo-lalanek-kala, fo nde: Sue-lai emi Manetualaim-ma, tunga hihii-nanaun, tunga paletan-nala, lilineka neun, ma hule-haladoi neun no emi dale katema tuam-ma, ma no basa emi aopaa-samanem lala'en-na.”

YOSUA 23:11

Hu ndia de, mafandendelak leona, fo sue-lai emi Manetualaim-ma.

YOSUA 23:7

No enok ndia, neukose emi ta sese'do-babalik moo leoina fo ala bei leo lai emi tala'da fa. Neukose, emi ta seseik sila lamatua daebafan-nala na'den-na, do soo-supa menik na'dek ndia fa. Boeo emi ta hule-haladoi do sene-do'ok neu lamatua daebafak sila fa.