KELUARAN 23:1 - Susula Malalaok Hehelu Palak Ma Hehelu Beuk

¹ “Boso makalala'ok halak masapepeko-masandandalik, ma boso tulu-fali hataholi mangalauk fo manasakasii pepekok.

KELUARAN 23:1 ပူးပေါင်းရင်းမြစ်များ

KEJADIAN 39:17

Saon-na fali ma'in boema, no lai-laik ana tuin tutuik dede'ak ndia, nae, “Hataholi Ibrani fo o moon leo ia mai ndia, masok leo kama dale neu fo nakamumulu-nakamamaek au.

2 SEMUEL 16:3

Boema, manek-ka natanen nae, “O tuam Saul, upun Mefiboset nai bee?” Ziba nataa nae, “Ana bei nai Yerusalem, nana namahele te'e-te'e nae besak ia, neukose hataholi Israel-la fe falik ndia ba'in Saul nusan-na, leo ndia neu.”

2 SEMUEL 19:27

Nakalenak bai, ana tao nanggenggeo au na'deng-nga, nai Ama Manek matan-na so. Tehu, Ama Manek sama leo Manetualain ata nusa so'dan-na. Hu ndia de, Ama Manek tao hata fo, Ama Manek dodoon-nana malole.

MAZMUR 101:5

Neukose, au tao amopo-amate hataholi fo, no denge-dengek, ana tao nanggenggeo hataholi na'den. Neukose au ta po'ilotak hataholi manakoao-ndaeaok-ka, ma hataholi fo, namatutua-namadedema aoinan-na.

MAZMUR 120:3

Hai manake'di-ndiuk-konei, neukose Manetualain tao o le'e? Neukose Ana huku o nenik beek?

MAZMUR 15:3

hataholi fo, ma ana ta dodoki-aali, nonoo hataholin-na na'den-na fa, ana ta tao mangalauk, soaneu tia-lain fa, ma ana ta kokolak nanggenggeo, uma titia-tatain-na na'den-nala fa;

MAZMUR 27:12

Boso fe au leo au musung-nga nasa-melun dalek neu, fo ana sapu-na au no masapepeko-masandandalik ma no dodoki-aalik.

MAZMUR 35:11

Sakasii mangalauk-kala, ala fo'a fo la'ban au, ma ala kalaak au tao, dede'a-dede'ak fo au ta bubuluk-kana fa.

KELUARAN 20:16

Boso sakasii pepekok la'eneu hataholi fe'ek.

KELUARAN 23:7

Madook aoinam-ma neme kalaak pepekok-ka mai, ma boso hu kande o tatao-nono'im de hataholi sala taak-ka nanahukunisak, nanahu Au fe salak neu hataholi manatao tatao-nono'i mangalauk matak leondiak-ka.

AMSAL 10:18

Hataholi mananafuni nape'da dalek-ka nde been-na, manake'di-ndiuk. Hataholi manakokolak nanggenggeo hataholi na'den-na nde been-na, hataholi nggoak.

AMSAL 12:17

See kokolak ndoos-sa soona, nafa'da hata fo ndoos ma matetuk; tehu sakasii pepekok-ka, nafa'da tipu-daik.

AMSAL 14:5

Sakasii fo manatao tunga ndoon-na, kokolak dede'a tete'ek tataas esa, tehu sakasii fo ta hapu namahele fan-na, nasapepeko-nasandandali tataas esa.

AMSAL 17:4

Hataholi mangalauk-ka, tunga mangalauk-ka nanoli-nafa'dan, ma masapepeko-masandandalik-ka, hii namanene dede'a-kokolak fo, tao nanggenggeo hataholi na'den-na.

AMSAL 19:28

Fe sakasii pepekok soona, sosoan-na nae, heheta-aa'i hoholo-lalanek; hataholi mangalauk-ka, ana tao susa-soe hataholi soona, la'dan-na seli.

AMSAL 19:5

Hataholi fo, nasapepeko-nasandandali nai uma manakee-manafulak-ka, neukose ta nala deak neme huhukuk-ka mai fa.

AMSAL 19:9

Hataholi fo, nasapepeko-nasandandali nai uma manakee-manafula soona, tao leo bee-o, neukose nanahukuk, ma manatao namopo-namatek.

AMSAL 21:28

Masapepeko-masandandalik-ka, ana fe sakasii soona, neukose ta lamahele fan, tehu hataholi fo, ana bubuluk dede'ak-ka huu-pedan-na, hala-kokolan nanasipok.

AMSAL 24:28

Metema, o ne'ek ta soona, boso sakasii hataholi fe'ek dede'an; boeo, boso masapepeko-masandandali neun.

AMSAL 25:18

Kalaa pepekok-ka, bisa neni mamates, sama leo tafaina, ai papaluk do kokou isi matane.

AMSAL 25:23

Tao leo bee-o, ani kiis-sa neni u'dan, leondiak boe, kokolak namakukutuk-ka, nakadada'dik nasa-meluk.

YEREMIA 20:10

Au amanene hataholi-la lamakukutuk nai basa mamanak-kala, “De bibii-namata'uk-ka boetai namatuak-ka! Mai fo tafa'da lo manakoasa!” Nakalenak basa u tia-laing-ngala lala'en-na lahani au tutu'dang-nga. Ala lafa'da lae, “Fafa'kama nenik fufu'di-oodok, ndia ita hapu tao takalan, fo ela ita hapu balas nanape'da-dalek neun.”

IMAMAT 19:11

Boso mamanako, boso tipu-dai, ma boso masapepeko-masandandali.

IMAMAT 19:16

Boso la'ok neu-mai, fo kokolak hataholi manai emi leoinam-ma dalek na'den-na, fo daenga emi boso meni mamates fe emi nonoo hataholim-ma. Au nde Manetualain.

MATEOS 19:18

“Paleta bee ka nde ndia?” Hataholi ndia natane Yesus nai leondia. Boema Yesus nataa nae, “Boso manisa, boso hohonge, boso mamanako, boso sakasii pepekok,

LUKAS 19:8

Nai uman, Zakeos fo'a napadeik de nafa'da Yesus nae, “Lamatuak, au hata-heto ngala seli, neukose au fe hii kasa leo hataholi nuu ta-hata ta kala, ma see boe fo au ke'dindiu hain soona, neukose au bae fali kana la'i ha!”

LUKAS 3:14

Hapu solda'du la boeo latane lae, “Leo beek no ami? Ami muse tao beek?” Yohanis nataa nae, “Boso makaseti hataholi fe doik, ma boso kalaak pepekok fo loso ma hataholi doin. Ela leo bee na ngga'di fo emi sipo ka, dai emi nde ndia so!”

YOHANIS 7:51

“Tunga hoholo-lalane ka soona, ta bole huku hataholi esa boen, metema beita palisak dede'a na fo tamanene ana tui ndia tatao-nono'in leo beek fa.”

ROMA 3:8

Boema tao le'e de ita ta bole tafa'da tae, “Malole lenak, ata tao tatao-nono'i mangalauk takandoo, fo daenga tatao-nono'i malole a, ana moli-da'di?” Memak hapu hataholi nakadadaek au ninik nafa'da nae, au kokolak basa ae leondia so. Hataholi matak leondia ka, ndandaa na, Manetualain hukun.

EFESUS 4:25

Hu ndia, tolano-tolanoo ngala lemin! Boso masapepeko-masandandali bai. Esa tao ndoos no esa, nana ita basa-basa tala nde bee na, Kristu sao paa na, lima ein no'u-no'u.

ULANGAN 5:20

Boso fe sakasii pepekok la'eneu emi nonoo hataholim-ma.

2 TIMOTIUS 3:3

Ala ta nau sue-lai nonoo hataholi ka, ala ta nau fe do'o do ampon neu hataholi, ala hii ka'da tao langgenggeo hataholi na'den, ma ala hii ka'da laseti-lalaka, ta lape'da dale susue-lalaik, ma ta lahiik tatao-nono'i malole a fa.

1 PETRUS 3:16

Tehu emi tao-no'i sila la no nakaloe aok ma ha'da-holomata. Ela leo bee na, emi dale bobongo ana ma ndoos, fo ela metema hataholi nakamumulu-nakamamaek emi, hu ka nde emi so'da ma malole, sama leo hataholi mana tunga Kristu sa, soona neukose hataholi mana makamumulu-makamamaek emi ndia, ana mae.

NINITAK 12:10

Boema au amanene hala ka nahala napane'e nai nusa so'da ka nae, “Besak ia fai na losa, Manetualain soi-tefa hataholi kamahehele nala! Besak ia Manetualain natu'du koasa na da'dileo Manek! Besak ia Mane Mana Fe so'dak fo nanaheluk ndia boeo natu'du koasa na! Nana manakalaak ita tolanoo nala lele'do le'odaen nai Manetualain mata na, nanakalua-henik neme nusa so'da ka mai so.