KELUARAN 22:7 - Susula Malalaok Hehelu Palak Ma Hehelu Beuk

⁷ Metema, hataholi esa pe'da doin, do bua-lo'a kabelin-na nai nonoon-na uman. Tehu, basa boema, lamanako-la buas sila-la neme nonoon-na uman mai. Metema, ala ho'u-la nakodaa soona, ana muse bae didikuk la'i dua.

KELUARAN 22:7 ပူးပေါင်းရင်းမြစ်များ

KELUARAN 22:6

See tao ha'i nai tinan dale, boema ha'i ndia na'a leo hataholi fe'ek tinan neu, de na'a heni gandum nanake'di bei tak-kala, do gandum fo besak-ka ala ke'dis, de ala puputus, soona muse kee fe hataholi manatao ha'i ndia, nahuta.

YEREMIA 2:26

Manetualain nafa'da nae, “Sama leo nakodaa name'da mamaek, nai lelek ho'u-lan, leondiak boe, emi basa-basam-mala neukose mame'da mamaek, hai hataholi Israel-la, emi manem-mala, emi manaho'u paletam-mala, emi imam-mala ma emi nabim-mala lemin!

IMAMAT 19:13

Boso lumu-ese emi nonoo hataholim-ma do malaka-ma bua-lo'an. Boso ho'u mahele hataholi fo naue-nale'di fe emi-a, ngga'din-na, leomae ka'da le'odaek esa boe.

IMAMAT 6:1

Manetualain fe seluk Musa nakanenetek-kala nde ia.

IMAMAT 6:2

Hataholi esa, muse ana tunu-hotu tutunu-hohotuk, metema nasala-nasingo neu Manetualain, nanahu ana ta nau fe falik nonoo hataholin-na buan, fo ana fen pe'da lalain, do ana tipu-dai hataholi, namanako bua-lo'an, do ana helen-na bua manamopok, tehu nalelesi nenik soo-supak.

YOHANIS 12:6

Yudas kokolak nae leondia nana, ta hu ka nde ana taoafik neu hataholi nu ta kala fa, tehu hu ka nde ndia hataholi nakodaa. La'iesa-la'iesa ana ho'i doik neme kas doi nakabubua ka mai. Ndia nde ho'u kas doik nakabubua ka.

1 KORINTUS 6:10

manamamana'ko kala, manatenepeta kala, manamafu kala, hataholi fo ana nau ka'da tao langgenggeo hataholi fe'ek na'de na, manadidina-nenene hataholi fe'e ka, basa hataholi leo sila kala, neukose ala ta da'di lima eik neme Manetualain hataholi kamahehele nala mai fa.