KELUARAN 22:30 - Susula Malalaok Hehelu Palak Ma Hehelu Beuk

³⁰ ma emi sapim-ma, emi bi'ilopom-mala, ala bongi ana maneanak makasososak-ka. Po'i bana sila-la lahele loo inan-nala, faik hitu dalen-na, boema neu fai ka falun-na soona, fes leo Au mai.

KELUARAN 22:30 ပူးပေါင်းရင်းမြစ်များ

KELUARAN 13:12

emi muse tunu-hotu anatou uluk lala'en-na, ma bana-manu ana maneanan makasososan-nala. Basa sila-la Manetualain nuun,

YESKIAL 4:14

Tehu au ataa ae, “Awi, Manetualain Fo Mademaina! Neme au bei anang-nga mai, losa besak ia, au beita tao anggenggeo au aoinang-nga, nenik au u'a bana mates popolan-na, do bana fuik-kala la'a ela paa-la fa. Au beita u'a ita nana'ak fo, nanakena-ka'ik-ka.”

IMAMAT 11:44

Au nde emi Manetualain, hu ndia de manea, fo ela emi malalaok-malalafuk mahele, nanahu Au malalaok-malalafuk.

IMAMAT 11:45

Au nde Manetualain, fo noo emi kalua meme Masir mai, fo daenga Au da'di emi Manetualaim. Ela leo been-na, emi malalao-malalafuk, nanahu Au malalao-malalafuk.

IMAMAT 12:3

Neu fai ka falun-na soona, muse ana sunat anan-na.

IMAMAT 17:15

Ba'eneu hataholi Israel-la, do hataholi nusa dea, na'a bana manamate aok-ka paan-na, do maten, hu kande bana makaak-kala kaa lisan soona, muse ana safe bua papaken-na, boema nadiu oe, ma nahani losa le'do tenak, fo besak-ka ana da'di balisi.

IMAMAT 22:8

Imam ndia nanakena-ka'ik soaneu na'a bana manamate aok paan-na, do bana fo bana makaak-kala kaa lisan, paan-na. Metema na'an soona, nanggenggeo. Au nde Manetualain.

IMAMAT 7:23

soaneu leoina Israel-la. Ta bole la'a sapi minan-na, bi'ilopo do bi'ihiik minan-na fa.

IMAMAT 7:24

Bana fo ana mate aon do hu kande bana makaak-kala kaa lisan soona, ta bole la'a minan-na fa, tehu bole paken soaneu paluu fe'e-fe'ek-kala.

IMAMAT 7:26

Hataholi Israel fo ana leo su'di nai bee boe, ta bole na'a manupui-a daan-na, do bana fe'e-fe'ek-kala daan-na fa.

ULANGAN 14:21

Emi ta bole mi'a bana manamateaok-kala, paan-na fa, tehu hataholi nusa dea fo, manaleo manai emi nusam-ma, bole la'a, do lase'os leo leoina nusa dea-la neu. Emi nde been-na, hataholi fo, nanahele hehelik soaneu emi Manetualaim-ma. Ta bole nasu bi'ilopoana do bi'ihiiana paan-na, nenik inan su'uoen-na fa.”

ULANGAN 15:19

“Sapi maneanak, ma bi'ihii maneanak, bi'ilopo maneanak fo, nanabongi makasososak-kala, emi muse tunu-hotu fen neu emi Manetualaim-ma. Ta bole pake sapi sila-la, soaneu ala hela luku nai ha'deoe dale fa, ma ta bole nggute bi'ilopo sila-la, bulun-na fa.