KELUARAN 22:22 - Susula Malalaok Hehelu Palak Ma Hehelu Beuk

²² Boso tao su'di bebe'ik-ka neu faluina do anamaak.

KELUARAN 22:22 ပူးပေါင်းရင်းမြစ်များ

AYUB 31:16

Beita la'i esa fo, au ta nau tulu-fali hataholi matasi'da-matasaek-ka, do po'ilotak faluina-la, laso'da nai ketu namahehenak-ka dalek fa.

AYUB 34:28

Sila tao la hataholi nuu-taak hata-taak-ka haladoi sila kikii-namatanen-na Manetualain namanene.

MAZMUR 10:14

Tehu O mitan; O taoafik neu toto'a-tataak, ma doidosok-ka, ma O maheheleaom tataas esa, soaneu tulu-fali. Hataholi tapandoes-sa, ana fe aoinan-na neu O, O tulu-fali hataholi nuu ta-hata tak-ka, tataas esa.

MAZMUR 34:7

Hataholi ua-nale ta malole-a, naloo bou-bou, de Manetualain nataan, Ana soi-po'in neme makase'en lala'ena mai.

AMSAL 22:23

Nana neukose, Manetualain nasala'e sila dede'an-na, ma Ana ho'i falik hataholi manatuni-ndeni-nana, ani hahaen-na.

AMSAL 23:10

Boso lali heok dae too pusaka, do kisa-anamaak dae toon-na.

AMSAL 23:11

Nana, Manetualain nde been-na, manamasala'e mabe'i-balakaik. Ndia nde, neukose nasala'es-sala, fo Ana la'ban o.

YESAYA 1:17

fo manoli tao tatao-nono'i malole leona. Mapadedeik matetu ndoos ma matetuk-ka, ma tu'u-tapa heni tuni-ndenik-ka; fe anamaak-kala haak, ma masala'e inafalu-la dede'an-na.”

YESAYA 1:23

Basa o mauli-malangam-mala manala'ban paleta, ma ala da'di nakodaa-la lima-ein; ala hii ka'da sipo bua palsen, ma tali-doi sosolo dalek. Ala ta nau lasala'e anamaak-kala nai manakee-manafula matan fa; ala ta nau lamanene faluina-la, hala kalaan-nala fa.

YESAYA 10:2

No enok ndia, emi kena-ka'i hataholi nuu-taa hata-taak-ka soaneu ana hapu sila haak-ka ma ala hapu ndoos ma matetuk-ka, ma emi loso-ma faluina-anamaak-ka hata-heton-nala.

YEREMIA 7:6

Boso boe tuni-ndeni hataholi nusa dea, ni'iana kisa-anamaak ma faluina-la. Boso taomisa hataholi sala taak-ka, nai nusak ia. Boso sene-do'ok neu lamatua daebafak fe'ek-kala, nana dede'ak ndia, neukose tao namopo-namate emi.

YEREMIA 7:7

Metema emi tuka emi so'dam-ma eno-dalan, ma emi ha'da-tataom, boema hahae tao basa sila-la soona, neukose Au fe emi loak, leo mahele nai nusak ia, nusak fo Au fen neu emi bei-ba'i kaim-mala, da'di leo dae pusaka.

YESKIAL 22:7

Nai o laum-ma dalek, ta hapu hataholi esa boen fo, ana fe ha'da-holomata neu ina-aman fa. O ke'di-ndiu hataholi nusa dea-la, ma o ho'i nanalak, nai faluina anamaak-kala fai susan-na dalek.

ZAKHARIA 7:10

Boso tuni-ndeni inafalu-la, anamaak-kala, hataholi nusa dea manaleo nai emi nusam dale, do su'di see fo nai susa dalek. Ma boso tutu'u eno mangalauk soaneu emi nonoo hataholim-ma.’

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

MATEOS 23:14

Soe ba'eneu emi, fo basa mese agama la ma hataholi Farisi la lemin! Emi ia hataholi mana dea-dale kala. Emi ke'dindiu ina falu la, ma emi loso ma uma nala. Ma soaneu tatao-nono'i mangalau ka nananafunik, de emi huhule-haladoim nalu na seli. Hu ndia de neukose emi huhuku ma, bela na seli!]

ULANGAN 10:18

Ana nasala'e faluina anamaak-kala haak-ka, fo ela taos tunga ndoos ma matetuk. Ana sue-lai hataholi nusa dea fo, manaleo sama-sama loo ita leoinan-nala, ma Ana fes nana'a-nininuk ma papake-ngganggaok.

ULANGAN 15:9

Manea matalolole, fo boso nalosak emi dodoo nai emi dalem dale, mae leo ia: teuk fo kokaheni huta-bu'uk-kala, ana deka so, de emi ta nau fen tona doik fa. Boso makaboboi dudu'a-aafi mangalauk ndia, nai emi dalem dale. Metema, emi ta nau fe hataholi ndia, ana tona doik fa, boema naloo bou-bou neu Manetualain, fo ana kalaak emi, soona neukose emi hapu salak.

ULANGAN 24:17

Boso losom-ma, hataholi nusa dea, ma anamaak-kala hak-ka, ma boso ho'i-ma, inafalu esa bua papaken-na, da'di neu bua nape'dak esa.

ULANGAN 24:18

Mafandendelek te, emi da'di hai ata neme Masir so, de emi Manetualaim-ma soi-po'i emi; hu ndia de, au fe emi nakanenetek ia-la.

ULANGAN 27:19

‘Nanasoo-supak ba'eneu hataholi fo, ana natona-na hataholi nusa dea, faluina anamaak hak-ka.’ Hataholi Israel-la lataa lae, ‘Tete'ek-ka!’ ‘Amin!’

YAKOBIS 1:27

Nana tunga Amak Manetualain mata memetena soona, hataholi mana tao tunga agama hoholo-lalanen no matetu-mandaa ka nde: tulu-fali kisa ana maa kala, falu ina mana doi doso kala, ma nanea ao ina na, fo daenga ha'da-tatao daebafa ka, boso tao nalutu namahehele na.