KELUARAN 22:20 - Susula Malalaok Hehelu Palak Ma Hehelu Beuk

²⁰ See tunu-hotu tutunu-hohotuk fe lamatua fe'ek-kala, ta'da fe'e ana tunu-hotu fe Au, fo Manetualain soona, muse hukunisan.

KELUARAN 22:20 ပူးပေါင်းရင်းမြစ်များ

1RAJA-RAJA 18:40

Boema Elia nafa'da nae, “Ho'u ma nabi Baal-la sila-la. Boso po'ilotak esa boen nala deak!” Boema hataholi-la ho'u la nabi Baal-la sila-la, de basa boema Elia nos leo Lee Kison-na, de ala losa naa boema, ana taonisa la'iesa kasa.

2RAJA-RAJA 10:25

Yehu tunu-hotu basa tutunu-hohotuk tutika, neu leo deak neu, de nafa'da manamanea-la, ma malanga solda'du manai lain sila-la nae, “Meu leo dalek meu leona, fo taomisa la'iesa kasa. Boso po'ilotak, esan-nala deak boen!” Boema, leu leo dalek leu, no ala ho'u tafaina, de ala taolisa la'iesak hataholi manai sila-la, boema ala loso mamates sila-la, leo deak neu. Basa boema, leu leo uma sosongok-ka, kaman manai dalek-ka leu,

2TAWARIKH 15:13

Su'di see boe, lasik do mulik, touk do inak, fo ta laso'da tunga Manetualain hihii-nanaun fa soona, tao leo bee o nanahukunisak.

KELUARAN 23:9

Boso tao su'di bebe'ik-ka neu hataholi nusa dea; emi bubuluk, metema da'di hataholi nusa dean-na, emi mame'da he'din-na leo beek so, nana makahulun-na, emi da'di hataholi nusa dea nai Masir boe.”

KELUARAN 32:8

Ala la'ok sala leme Au paletang-ngala mai so. Ala tao sapi nanadoki-dulak neme lilopilas nananatanoek-ka mai, boema ala sene-do'ok neun ma ala tunu-hotu fen tutunu-hohotuk. Lafa'da lae, ndia nde sila-lamatuan fo mana no sila kalua leme Masir mai.

KELUARAN 34:15

Boso tao hehelu-balataak moo nusak ndia leoinan-nala, nana nai lelek ala sene-do'ok fo fe tutunu-hohotuk neu sila-lamatuan-nala soona, neukose ala leleko emi, fo emi tunga.

YESKIAL 20:7

Au adenus fo, ala tu'u-tapaheni, sila hii lanuu dodoki-dudulak fo nanamaluak sila-la, ma Au kena-ka'is, fo ala boso tao langgenggeo aoinan-nala nenik, ala sene-do'ok neu sosongo-tatangok maneme Masir sila mai, nana Au nde, sila Aman Manetualain-na.

IMAMAT 17:7

Leoina Israel-la, muse lilineka lahele neu Manetualain, ma ta bole do'do bana nai tina-la dalek makandondook so'on, soaneu tunu-hotu fe nitu mangalauk-kala. Muse tunga nakanenetek sila-la, losa dodoon-na.

IMAMAT 19:33

Boso tao ta malole neu hataholi nusa dea manaleo nai emi nusam-ma.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

BILANGAN 21:3

Manetualain sipok hataholi Israel-la nonoken-na, de Ana tulu-falis, losa ala sengi hataholi Kanaan-nala. Boema, hataholi Israel-la tao lamopo-lamate hataholi Kanaan sila-la, loo kotan-nala, boema ala foi mamanak ndia na'de Horma.

ULANGAN 10:18

Ana nasala'e faluina anamaak-kala haak-ka, fo ela taos tunga ndoos ma matetuk. Ana sue-lai hataholi nusa dea fo, manaleo sama-sama loo ita leoinan-nala, ma Ana fes nana'a-nininuk ma papake-ngganggaok.

ULANGAN 18:20

Tehu metema, nabi esa, ana napalani nanduku-nalosak hala-heheluk esa, fo ana pake Au na'deng-nga, te se'kona, Au ta adenun ana tao leondiak fa soona, muse taonisan; leondiak boe, ba'eneu nabi fo, ana kokolak pake lamatua daebafak fe'ek-kala na'den-nala soona, muse hukunisas.’

ULANGAN 23:8

Neme bobongi ka telu-a, losa bobongik manamaik-kala, ala bole da'di Manetualain anan-nala so'on.”

ULANGAN 24:17

Boso losom-ma, hataholi nusa dea, ma anamaak-kala hak-ka, ma boso ho'i-ma, inafalu esa bua papaken-na, da'di neu bua nape'dak esa.