KELUARAN 22:10 - Susula Malalaok Hehelu Palak Ma Hehelu Beuk

¹⁰ Metema, hataholi nakaboboi keledei, sapi, bi'ilopo do bana-manu fe'ek fo nonoo hataholin-na nuun. Basa boema, mate bana ndia, do nakahina, do musu-a natona-nan, te se'kona sakasiin ta.

KELUARAN 22:10 ပူးပေါင်းရင်းမြစ်များ

KEJADIAN 39:8

Yusuf ta nau fa, de nafa'dan nae, “Ampon, Ina, tuan Potifar fe au ito-ato basa hata-heton lala'en-na. Ana ta paluu dudu'a-dodoo seluk hata-hatan-nai uma ia dalek so'on.

KELUARAN 22:11

Soona ana muse neu leo mamanak makaluku-makatele neu fo ana soo pake Manetualain na'den-na, nae ndia ta namanako bana fo ala fen ana ho'un ndia fa. Metema memak ta namanako-na fan soona, manonuuk-ka, muse lu'a-lepa hutak ndia, ma hataholi mana makaboboi-a, ta paluu bae hutak fa.

KELUARAN 22:9

Nai nale'a-napilik la'eneu pusaka dalek, nau la'eneu sapi, keledei, bi'ilopo, bua papakek do su'di beek fo mopon, boema hapu falik-kana soona, hataholi fo ana manaku, nae ndia nuun-na, muse noon leo mamanak makaluku-makatele neu. Hataholi fo Manetualain nafa'dan da'di leo hataholi masalak-ka, muse ana bae didikuk la'i dua leo manonuuk-ka neu.

LUKAS 12:48

Tehu malalau-maoono fo ana ta bubuluk tua na hihii-nanaun, basa boema ana tao nasala hata esa, nalosa muse filu kana, tehu neukose ala filuk lakadada'u kana. Nana hataholi fo ala fe basan ba'u ka, neukose loke lakaseti ba'u ka neme hataholi ndia mai boe. Ma hataholi fo nanafe namahehelek ba'u ka, neukose loke lakaseti ba'u ka neme hataholi ndia mai boe.”

LUKAS 16:11

Da'di, metema la'eneu su'i-bete daebafak ia, emi ta hapu nananamahelek seluk fa soona, see nau fe namahehelek neu emi soaneu ito-ato su'i-bete samane ka?

2 TIMOTIUS 1:12

Hu ndia de, au lu'a-lepa basa doidosok ia la, tehu au amahele ahele, nanahu au bubuluk te'e-te'e, see hataholi fo au amahelek ndia. Au amahele, hata fo Ana fe basan neu au ndia, nanea nabe'in, losa Fai Mate'e ka.