KELUARAN 20:7 - Susula Malalaok Hehelu Palak Ma Hehelu Beuk

⁷ Boso seseik Au na'deng-nga no sosoa-ndandaa tak, nana Au, fo emi Manetualain-na, huku su'di see fo ana pake sala Au na'deng-nga.

KELUARAN 20:7 ပူးပေါင်းရင်းမြစ်များ

KEJADIAN 27:20

Isak nae, “O hapun no lai-laik nanseli, Ana ngo.” Yakob nataa nae, “Hu kande Manetualain fo ama sene-do'ok-ka tulu-fali au so.”

1RAJA-RAJA 2:9

Tehu au hala-hehelung neu o a nde ia: boso po'ilota kanan-natapo'i neme huhuku ka mai. Au bubuluk o manatee tenok; da'di, leomae namalasi so, sanga enok fo huku misan.”

2RAJA-RAJA 5:20

Gehazi, fo Elisa atan-na, doo-doo nae, “Ah, tao le'e de, po'ilotak-kana la'o, te ana ta bae fa? Tunga ndoon-na, au tuang-nga muse sipo hataholi Siria ndia buan-na! No Manetualain, fo maso'dak-ka na'den-na, au muse usi tungan, fo au hapu hata esa neme hataholi ndia mai!”

MAZMUR 139:20

Ala kokolak dede'a mangalauk la'eneu O, ma ala soo pepekok linik O kotam-mala na'den-nala.

AMSAL 30:9

Nana, metema au amasu'i soona, fafa'kama au afa'da, ae au ta paluu O so'on. Ma metema, au nuu-taa hata-taak soona, fafa'kama au amanako, nalosa au tao anggenggeo O na'dem-ma.”

YEREMIA 34:16

Manaho'u paleta Yehuda-la, ma Yerusalem no basa uma manek-ka manana'a ngga'din-nala, imam-mala ma basa manamanea o daem-mala, ala heisok nakeketuk ndia nenik ala do'do sapi, de ala seseli ba'en neu dua, de ala la'ok nai biak kaduak sila-la tala'da. Tehu neu makabuin-na boema emi po'de masafali emi dudu'am-ma de emi makadadaek Au. Ata-la fo emi soi po'i basak-ka fo nanda no sila hihiin-a ndia, emi ho'i falik-kasa de emi laka-makasetis soaneu da'di ata seluk. Hundia de Au, Manetualain afa'da ae, emi la'o lena Au paletang-nga, ma ta nau tunga eno dalan fa, nana emi ta soi po'i emi fo leoina Israel sama-sama fa. De besak ia malole lenak Au po'i lotak emi; manapo'i lotak soaneu mamate-momopok-ka nai natee-natatik-ka dalek, do neme he'di laus matuaina, do neme la'a ndoes-sa mai. Emi tao sapi-a tao leo beek fo emi sanga do'don ndia soona, neukose Au tao emi tao leondiak boe. Neukose Au tao-a basa leoina manai daebafak ia lala'en-na ala langgenggengo ao, metema ala lita hata fo Au taon soaneu emi-a.

YEREMIA 4:2

Metema soo menik Au na'deng-nga, ma emi maso'da tunga ndoon-na, ndoos ma matetuk, soona basa leoina lala'en-na, neukose loke Au, fo ela Au fes baba'e-papalak, fo neukose ala koa-kio Au.”

YESKIAL 39:7

Tehu neukose, Au afa'da Au na'de malalao-malalafung-nga nai hataholi Israel-la tala'da heon, ma Au na'deng ndia, neukose ta nanatao nanggenggeok so'on. Soona besak-ka leoina-kala, ala bubuluk lae Au nde Amak, Manetualain fo malalao-malalafuk neme Israel mai.”

IMAMAT 19:12

Metema emi dodoon-nana, emi ta tao matetu hala heheluk ndia fa soona, boso maheluk pake Au na'deng-nga, nana no enok ndia, emi makadadaek Au na'deng-nga. Au nde emi Manetualain.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

2 KORINTUS 1:23

Manetualain sakasii au, nana Ana bubuluk au dale nga, au ta da'di u leo Korintus u fa nana, au ta nau tao akahehe'dik emi dale ma fa.

ULANGAN 10:20

Fe ha'da-holomata neu emi Manetualaim-ma, ma makaluku-makatele neu ka'da Ndia mesak-kana. Ela leo been-na, emi lilineka mahele neun, ma emi soo-supa menik ka'da Ndia na'den-na mesak-kana.

ULANGAN 5:11

Boso seseik Au na'deng-nga no sosoa-ndandaa tak, nana Au fo emi Manetualaim-ma, huku su'di see fo ana seseik Au na'deng-nga no sosoa-ndandaa tak.

ULANGAN 6:13

Fe ha'da-holomata neu emi Manetualaim-ma, makaluku-makatele ka'da neu Ndia mesak-kana, boema metema emi soo soona, soo menik ka'da na'den-na mesak-kana.

YAKOBIS 5:12

Paluu makasososa ka nde: boso soo-supa minik lalai a, do daebafa ka, do su'di bee ka. Ka'da mafa'da mae, “Hei” metema emi dale dodoo ma nae, hei, ma mafa'da mae, “Ta” metema emi dale dodoo ma nae, ta; fo ela Manetualain boso naketu huhukuk neu emi.

YOSUA 2:12

Au amahena, emi nau soo-supa menik na'den-na, mae neukose emi ta tao mangalauk, neu au teidaleng-ngala fa, sama leo au ta tao mangalauk neu emi fa. Maheluk mae, neukose emi ta taomisa au ina-amang, au tolanoong-ngala loo sila teidalen-nala lala'en-na, tehu neukose emi masulu-mahapas. Hu ndia de, fe ta'du-tana esa, fo da'di bua pepe'dak nae, au bisa amahele emi!”

YOSUA 2:17

Hataholi manamakuk ka duak sila-la lafa'da Rahab lae, “Hei, neukose ami tao matetu hala heheluk fo o moken neme ami mai.

YOSUA 9:20

Ita ta bole taotisa fas, nana ita helu basa so; de metema ita talelesi hehelu-balataak ndia soona, neukose Manetualain huku ita.