KELUARAN 20:6 - Susula Malalaok Hehelu Palak Ma Hehelu Beuk

⁶ Tehu, Au atu'du Au susue-lalaing neu hataholi fo manasue-lai Au, ma manatunga Au paletang-ngala, tititi-nonosin lifu-lifun.

KELUARAN 20:6 ပူးပေါင်းရင်းမြစ်များ

NEHEMIA 1:5

“Ou Manetualain Manetualain fo manakoasa nai nusa so'dak-ka. O, Manetualain fo Matuaina, de ami mai leo O matam no bibii-namata'uk. O lilineka mahele, ma O ho'u mahele O hehelu-balataam neu hataholi fo manasue-lai neu O, ma manatunga O paletam-ma.

MAZMUR 103:17

Tehu Manetualain sue-lai nahele hataholi kamahehelek-ka, ma dale malolen-na nakandoo, neme bobongik leo bobongik neu

KELUARAN 34:7

Au sue-lai lahele tititi-nonosi lifu-lifuk kala, ma manafe do'o do ampon neu salak ma sala-singok; tehu hataholi masalak-ka, Au ta soi-po'in makandondook neme huhukun-na mai fa, ma Au huku upu-anan losa bobongi ka telu ma ka haa boe, nanahu sila ina-aman, bei-ba'in sala-singon-nala.”

AMSAL 3:1

Anang-ngonei, boso mafandele heni hata fo au anolin neu o so. Mafandendelek tataas esa neu au paletang-nga,

YEREMIA 32:18

O matu'du O susue-lalaim neu hataholi lifu-lifuk-kala, tehu O huku hataholi nanahu ina amam-mala sala-singon-nala boe. O nde been-na Manetualain fo matetuk, ma mabe'i-balakai; O na'dem-ma Manetualain Fo Manakoasa.

DANIAL 9:4

Au manaku basa au laoinang-nga sala-singon-nala neu Manetualain fo au Manetualaing-nga. Au afa'da ae, “Manetualain O matua-madema, de ami fe ha'da-holomata neu O. O tao matetu O hehelu-balataam do'e-do'e, ma O matu'du O susue-lalai manaketu basa tam-ma neu sila fo manasue-lai O, ma manatao-no'i hata fo O paletan.

BILANGAN 14:18

‘Au, fo Manetualain, ta haelai amanasa fa. Au atu'du Au susue-lalaing, ma Au lilinekang no ana sasi kao-kao. Au fe do'o do ampon neu hataholi masala-masingok-ka, ma manala'ban Au-a. Leomae leondiak boe, neukose Au balas ina-amak salan-na neu upu-anan-nala, losa bobongi ka telu ma ka haa.’

YOHANIS 14:15

“Metema emi sue-lai Au, ma emi makalala'ok Au paleta ngala soona,

YOHANIS 14:21

Hataholi fo ana sipok Au paleta ngala fo ana tao tungan soona, ndia nde sue-lai Au a. Boema Au Ama nga sue-lai hataholi manasue-lai Au a. Neukose Au boeo sue-lai hataholi ndia, fo Au atu'du Au aoina nga neu hataholi ndia.”

HATAHOLI 2:39

Nanahu hata fo Manetualain helu basan ndia nde bee na soaneu emi mo emi tititi-nonosi mala, boema soaneu hataholi manai mamana doo kala, fo nde hataholi fo ita Lamatuan Manetualain nalo basa kala.”

ULANGAN 4:37

Nanahu, Ana sue-lai emi bei-ba'i kaim-mala, de Ana hele basa emi, nenik koasa matuainan-na, ma noo emi kalua meme Masir mai so.

ULANGAN 5:29

So'ba metema sila lanuu dudu'a leondiak nahele! So'ba metema ala fe ha'da holomata tataas esa neu Au, ma ala tunga la'iesak Au paletang-ngala soona, sila ma sila tititi-nonosin laso'da no tetu-temak losa dodoon-na!

ULANGAN 7:9

Mafandendelek mae ka'da emi Manetualaim-ma mesa-mesak-kana nde Manetualain-na, ma Ndia nde Manetualain fo manalilinekak. Manetualain tao natetu hehelu-balataan, ma natu'du nahele susue-lalain neu hataholi fo, manasue-lain neun-na, ma manatunga paletan-nala, losa bobongik lifun esa.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

1 YOHANIS 4:19

Ita tasue-talai ao nana, Manetualain sue-lai nakahuluk ita so.

1 YOHANIS 5:3

Nana metema o sue-lai Manetualain soona, o muse tunga paleta nala. Nana paleta nala ta mabela fa.

2 YOHANIS 1:6

Tasue-talai ao soona, sosoa na nae, emi maso'da tunga Manetualain paleta nala. Paleta sila la, emi mamanenes ndek makasososa na nae, emi muse maso'da nai nasue-nalai ao ka dalek.