KELUARAN 20:4 - Susula Malalaok Hehelu Palak Ma Hehelu Beuk

⁴ Boso doki-dulak soaneu o aoinam-ma, dodoki-dudulak fo nalupa leo beek boe, nai lalai, nai daebafak-ka, do nai oe dale nai daebafak-ka buin-na.

KELUARAN 20:4 ပူးပေါင်းရင်းမြစ်များ

1RAJA-RAJA 12:28

Ana tai dodoo basa dede'ak ndia boema, ana tao na sapi lilopilas nanadoki-dulak dua, boema nafa'da laun-na nae, “Leoina Israel-la lemin! Dook-ka nanseli so, emi meu leo Yerusalem meu fo hule-haladoi. Mulai neme besak ia mai buas ia-la nde da'di emi lamatuam fo no emi kalua meme Masir mai!”

2TAWARIKH 33:7

Ana pe'da dodoki-dudulak sosongo-tatangok leo Manetualain Uman dale neu, te se'kona la'eneu mamanak ndia, Manetualain nafa'da basa neu Dauk ma anamanen Salomo nae, “Au Umang manai Yerusalem ia, fo Au hele basan neme Israel leo kasanahulu dua-nala nusa-na mai so, nde bee na ana da'di mamanak fo Au aketun da'di leo mamanak makaluku-makatele neu Au losa dodoon-na.

MAZMUR 78:58

Ala tao lakahehe'dik Manetualain dalen-na, nenik mamana sosongo-tatangok, ma ala tao-la dalen-na susa nenik sila dodoki-dudulan.

MAZMUR 97:7

Basa hataholi fo, manasene-do'ok neu sosongo-tatangok-ka, neukose nananakamumulu-nakamamaek, ma hataholi fo, dalen-na namatua neu bua-lo'as fo sosoa-ndandaan tak-kala; basa lamatua daebafak-kala, neukose ala sene-do'ok nai Manetualain matan.

KELUARAN 20:23

Boso tao dodoki-dudulak lilofulak do lilopilas, fo sene-do'ok neun, te emi muse sene-do'ok ka'da neu Au mesang-nga.

KELUARAN 32:1

Lelek leoina Israel-la bubuluk lae doon-na seli Musa ta kona neme letek lain mai fa, tehu bei nai naa boe, boema leu lakamomotu-la Harun de lafa'dan lae, “Ita ta bubuluk hata da'di neu Musa fa, hataholi fo mana no ita kalua teme Masir mai; da'di tao fe ami lamatua fe'ek fo nauli-nalanga ami.”

KELUARAN 32:23

Lafa'da au lae, ‘Ita ta bubuluk, hata da'di neu Musa, fo hataholi mana no ita kalua teme Masir mai; da'di tao fe ami lamatua fe'ek fo nauli-nalanga ami.’

KELUARAN 32:4

Harun ho'in-na lolo'ek sila-la de natanoes boema ana di'an leo mamana dodoki-dudulak esa dalek neu, de ana taon-na sapi nanadoki-dulak esa. Leoina ndia nafa'da nae, “Hai Israel, Ita lamatuan fo manahela-nole ita kalua teme Masir mai-a, nde ia!”

KELUARAN 32:8

Ala la'ok sala leme Au paletang-ngala mai so. Ala tao sapi nanadoki-dulak neme lilopilas nananatanoek-ka mai, boema ala sene-do'ok neun ma ala tunu-hotu fen tutunu-hohotuk. Lafa'da lae, ndia nde sila-lamatuan fo mana no sila kalua leme Masir mai.

KELUARAN 34:17

Boso tao lamatua fe'ek neme liti mai, fo sene-do'ok neun.

YESAYA 42:17

Hataholi fo, namahele neu dodoki-dudulak sosongo-tatangok-ka, ma ana manakun da'di leo lamatua daebafak soona, neukose nananakadadaek, ma nananakamumulu-nakamamaek.”

YESAYA 42:8

Au nde Manetualain, fo Au na'deng-nga nde ndia; Au ta fe Au matua-mademang, neu su'di see boen; Au ta fe Au na'de nananita-nalelang-nga, neu dodoki-dudulak fa.

YESAYA 45:16

Basa hataholi manatao dodoki-dudula sosongo-tatangok-kala; neukose nananakamamaek ma nananakadadaek

YESKIAL 20:7

Au adenus fo, ala tu'u-tapaheni, sila hii lanuu dodoki-dudulak fo nanamaluak sila-la, ma Au kena-ka'is, fo ala boso tao langgenggeo aoinan-nala nenik, ala sene-do'ok neu sosongo-tatangok maneme Masir sila mai, nana Au nde, sila Aman Manetualain-na.

YESKIAL 8:10

Tutik-ka, au u leo dalek u de au mete. Boema au ita bana manalo'do-laek mata-matak-kala, bana fe'e-fe'ek fo nanamaluak-kala, ma leoina Israel-la sosongon-tatangon-nala, nanadokik nai papala-la.

YESKIAL 8:3

Ana look hatak esa mai, lupan-na sama leo limak-ka, boema Ana lu'i au langadoong-nga. Basa boema, nai ninitak ndia dalek, Manetualain Duladalen-na, ana so'u namadema au leo lalai neu, de noo au leo Manetualain Uman-na nai Yerusalem, fo leo lelesu masok leo uma so'dan manai dalek-ka neu; lelesu ndia, nasale leo kii neu. Nai ndia, hapu dodoki-dudula sosongo-tatangok fo manatao nafo'a Manetualain nasa melun-na.

IMAMAT 19:4

Boso sene-do'ok neu sosongo-tatangok. Boso tao dodoki-dudulak neme liti mai, fo sene-do'ok neun. Au nde emi Manetualain.

IMAMAT 26:1

Manetualain nafa'da nae, “Boso tao sosongo-tatangok do mapadedeik dodoki-dudulak, do dii batu nanadoki-dulak fo sene-do'ok neun. Au nde emi Manetualaim-ma.

BILANGAN 12:8

Ma Au kokolak on, matak no matak, no mangale'dok, te ta no neneuk fa. Nakalenak, nita Au mata-panang so boe! Tao le'e de, emi mapalani la'ban Musa, fo Au atang ndia?”

HATAHOLI 17:29

Naa, hu ka nde ita ia Manetualain anan, de ita ta bole tafa'da tae, Manetualain sama na leo hata esa nanadoki dulak neme lilopilas, lilofulak, do ai batu fo nanadoki-dulak tunga hataholi daebafa ka malela na.

ROMA 1:23

Ala ta sene-do'ok neu Manetualain fo matea-mahelek ndia fa, te ala sene-do'ok neu ai batu nanadoki-dula kala, fo lalupa hata maso'dak, tehu hahae ta kala; ala doki-dulak las lalupa hataholi daebafak, manupuia, bana ei hak, ma bana manalo'do-lae ka.

ULANGAN 16:22

ma boso lutu, lutu batu sosongo-tatangok fo sene-do'ok neun, nanahu emi Manetualaim-ma ta hii tatao-nono'ik ndia fa.

ULANGAN 27:15

Hataholi Lewi-la, ala kokolak lae, ‘Nanasoo-supak ba'eneu hataholi fo, ana tao dodoki-dudulak neme batu, ai, do liti-a mai, fo ana sene-do'ok neun, no nafufunik; Manetualain ta hii sosongo-tatangok fa!’ Basa laun Israel-la lala'en-na lataa lae: ‘Tete'ek-ka!’ (Amin)

ULANGAN 5:8

Boso doki-dulak dodoki-dudulak fo nalupa su'di hata beek nai lalai, nai daebafak-ka, do nai oe dale, fo nai daebafak-ka buin-na.

NINITAK 16:2

Boema ata nusa so'da makasososa ka neu de ana po'a nggalaa na isi na leo daebafa ka neu. Boema bisungguma matuaina la ala da'di neu basa hataholi manahapu bana ndia ta'du-tanan, ma neu hataholi fo ana sene-do'ok neu bana ndia lupa ao nanadoki dula na.

NINITAK 9:20

Tehu ela hataholi fo susa soe katelu kala ta taolisa fas ala, ala ta nau hahae tao batu sosongo-tatangok. Ala ta hahae sene-do'ok neu dula dale mangalau kala ma songo-tango lilopilas, lilofulak, liti, batu ma ai, fo ta hapu lita do lamanene, do la'ok boen.

HAKIM-HAKIM 17:3

Mikha fe falik doik sila leo inan neu, boema inan nae, “a Anang-ngonei, ela leo been-na, o matapo'i meme au soo-supang ndia mai, fo au tunu-hotu fe Manetualain doi fulak ia-la, fo paken soaneu tao dodoki-dudulak neme ai mai, soona nakadiditak-ka nenik do fulak. Da'di, au fe falik doik sila-la leo o neu.”