KELUARAN 20:3 - Susula Malalaok Hehelu Palak Ma Hehelu Beuk

³ Boso sene-do'ok neu lamatua fe'ek. Te sene-do'ok ka'da neu Au.

KELUARAN 20:3 ပူးပေါင်းရင်းမြစ်များ

1RAJA-RAJA 11:4

nalosa nai lelek fo nai fai lasin-na, ala hapu fufu'di-oodok lan fo ana sene-do'ok neu lamatua daebafa fe'ek-kala. Dauk, fo Salomo-aman, lilineka neu Amak, fo Manetualain na, tehu Salomo ta sama leo aman fa.

MAZMUR 29:2

Koa-kio Manetualain na'de mandela-masa'an, sene-do'ok-kana nenik pake papake-ngganggao masene-do'ok.

MAZMUR 73:25

See kande, au anuun nai nusa so'dak-ka, fe'ek neme O mai? Fe'ek neme O mai, ta hapu hata fo, au ahiik-kana nai daebafak-ka.

MAZMUR 81:10

Nai emi dalek, boso hapu lamatua daebafa fe'ek boso sene-do'ok neu hataholi nusa dea-la lamatua daebafan-na.

MAZMUR 81:9

Mamanene Au hala nasanene'dang-nga, hai Au anang, Israel, fo ela leo bee-na, emi nau mamanene Au!

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

KELUARAN 20:23

Boso tao dodoki-dudulak lilofulak do lilopilas, fo sene-do'ok neun, te emi muse sene-do'ok ka'da neu Au mesang-nga.

KELUARAN 22:19

Hataholi see, ana sao bana soona, muse taonisan.

KELUARAN 23:24

Boso sene-do'ok neu sila dodoki-dudula manamasulu-mahapan-na, ma boso nana dulak neme sila makaluku-makatelen eno-dalan mai. Tao makalulutuk sila dodoki-dudulan manamasulu-mahapan sila-la, ma tao mala'di dii batu fo ala paken soaneu makaluku-makatele.

KELUARAN 32:8

Ala la'ok sala leme Au paletang-ngala mai so. Ala tao sapi nanadoki-dulak neme lilopilas nananatanoek-ka mai, boema ala sene-do'ok neun ma ala tunu-hotu fen tutunu-hohotuk. Lafa'da lae, ndia nde sila-lamatuan fo mana no sila kalua leme Masir mai.

KELUARAN 34:14

Boso sene-do'ok neu lamatua fe'ek, nana Au Manetualain, nde been-na Manetualain fo ta nau nakasasamak-kana no su'di beek-ka fa.

YESAYA 26:4

Mamahele neu Manetualain tataas esa leon, nana Manetualain nasulu-nahapa ita tataas esa.

YESAYA 42:8

Au nde Manetualain, fo Au na'deng-nga nde ndia; Au ta fe Au matua-mademang, neu su'di see boen; Au ta fe Au na'de nananita-nalelang-nga, neu dodoki-dudulak fa.

YESAYA 43:10

Hai Au anang-ngala lemi, Au sakasiing-ngala nde emi, Au hele emi, da'di Au atang-ngala, fo ela malelak Au, ma mamahele neu Au, ma bubuluk, mae Au nde Manetualain. Au Manetualain, fo ka'da kisak, ta hapu fe'ek, nai lelek Au beita, ma nai lelek Au nai ia.

YESAYA 44:8

Au leoinang-ngo nei, boso bii, do nggenge; ade neme makahulun-na, losa besak ia Au ta afa'da ela, hata fo ana da'di fa do? Au sakasiing-ngala nde emi. Ta hapu manamasulu-mahapa fe'ek fo Au ta alelak-kasa fa.”

YESAYA 46:9

Mafandendelek, manada'dik manai tepo lelek makahulun eli; manaku leon, mae Au Manetualain, de ta hapu fe'ek fa, Au Manetualain, de ta hapu hata esa boen, sama leo Au fa.

YEREMIA 25:6

Nabi sila-la kena-ka'i emi boso sene-do'ok ma hule-haladoi neu lamatua daebafak fe'ek-kala. Ala kena-ka'i emi boso sene-do'ok neu sosongok-tatangok fo emi taom-mala sila, nana dede'ak sila-la tao-la Manetualain namanasa. Metema emi tao tunga Manetualain paletan sila soona, Ana ta huku emi fa.

YEREMIA 35:15

Au adenu laiesak Au atang-ngala ma basa nabi-la neu emi tatas es, fo ala nasiat emi soaneu tao mahii emi ha'da-tataom-mala, ma bosobai tao mangalauk ba'in. Ala fe emi nasanene'dak fo boso sene-do'ok neu lamatua daebafak fe'ek ma boso makaluku-makatele neu sila, fo ela emi leo mahele nai nusak ia, fo Au fe basan neu emi bei ba'ikai manamatem-mala. Tehu emi ta nau tao afik ma ta nau mamanene neu Au fa.

YEREMIA 7:9

Emi mamanako, manisa, hohonge, fe sakasii pepekok, fe tutunu-hohotuk neu Baal, ma sene-do'ok neu lamatua daebafak fo, emi ta malelak-kana fa.

DANIAL 3:18

Tehu leomae Ana ta tao fan boe, ela leo been-na Ama Manek bubuluk te neukose ami ta sene-do'ok neu Ama Manek lamatua daebafan-na, ma sene-do'ok neu Ama Manek dodoki-dudula lilopilan ndia fa.”

HOSEA 13:4

Manetualain nafa'da nae, “Au nde Manetualain, fo emi Manetualaim-ma, nde noo emi kalua meme Masir mai. Emi ta manuu Manetualain fe'ek neme Au mai fa. Au nde emi manasoi-manatefam fo kisak.

MATEOS 4:10

Boema Yesus nataa nitu nae, “Hei mana dudungu-papau ko nei! O la'o leona. Te nai Susula Malalok dale nanasulak nae, Makaluku-makatele neu Lamatuak fo o Manetualai ma, ma malalau-maoonon!”

1 KORINTUS 8:4

La'eneu na'a nana'ak fo nanafe basak neu sosongo-tatango ka, ita bubuluk tae, tunga ndo na sosongo-tatangok ta. Boema ita boeo bubuluk basa, Manetualain ka'da esa; ta hapu fe'ek so'on.

1 KORINTUS 8:6

Tehu ba'eneu ita soona, Manetualain ka'da esa. Ndia nde Amak, fo mana makadada'dik basa hata lala'ena. Fo ita taso'da soaneu Ndia. Ma Lamatuak ka'da esa boe, fo nde Yesus Kristus. Tunga Ndia de, Manetualain nakadada'dik basa hata lala'ena, ma hu ka nde Ndia boe, de ita taso'da.

EFESUS 5:5

Taoafik matalolole hataholi mana sosoa-piao ka, do matetu-mandaa ta ka, do mana tene peta ka ha'da-tatao matak leo sila kala, sama no sosongo-tatango ka, hataholi ndia, ta hapu da'di lima eik hataholi kamahehelek fo Kristus ma Manetualain paleta fan.

ULANGAN 5:7

Boso sene-do'ok neu lamatua daebafa fe'ek-kala. Sene-do'ok neu ka'da Au mesang-nga.

ULANGAN 6:14

Boso sene-do'ok neu lamatua fe'ek, fo leoina manaleo nai emi titia-tataim-mala, ala sene-do'ok-ka.

ULANGAN 6:5

Sue-lai emi Manetualaim-ma no emi dalek-katematuam-ma: Matu'du emi susue-lalaim ndia, nai emi heo-hilum-ma dalek, ma nai emi tatao-nono'i ma dalek.

FILIPI 3:19

Hataholi matak leo sila ka, neu mate'e na te ala masok leo tasi ha'ik dale leu. Nana hataholi sila la, ala tao sila hihii-nanau ao paa nala da'di neu sila lamatua na. Ma dede'a manini mamae ka, ala taon da'di sila dede'a namahokon; nana ala du'a-dodoo ka'da dede'a daebafa ka mesa kana.

KOLOSE 2:18

Boso po'ilotak hataholi fo ta'ko nakaloloe ao na do namahele ata nusa so'da kala, tao nakatutu'dak emi. Te hataholi ndia, ana koao ninik dudu'a-aafi daebafa na boema namatutua-namadedema ao na ninik ninita nala,

NINITAK 19:10

Au bala u ata nusa so'dak ndia mata na, fo au sanga sene-do'o kana, tehu nafa'da au nae, “Bosok! Boso sene-do'ok neu au te sene-do'ok neu Manetualain! Nana au boeo ata sama leo o ma sama leo basa o tolanoom fo manaho'u lahele neu Yesus sakasii na!” Nana Yesus sakasiin ndia fe koasa neu Manetualain hataholi kamahehele nala, fo ala tui-benga Manetualain hala hehelu na.

NINITAK 22:9

tehu nafa'da au nae, “Bosok! Boso sene-do'ok neu au! Sene-do'ok neu Manetualain! Nana au boeo ata sama na leo o, ma sama leo o tolanoo nabi mala, ma basa hataholi manatao tunga hala-heheluk manai susulak ia dale ka!”

HAKIM-HAKIM 6:10

Au afa'da basa emi, ae Au nde Manetualain fo emi Manetualaim-ma, ma ae emi ta bole sene-do'ok neu leoina Amori, fo besak ia, emi leo nusan-na so, lamatua daebafan-na. Tehu, emi ta nau tunga Au paletang-ngala fa.’ ”