KELUARAN 20:20 - Susula Malalaok Hehelu Palak Ma Hehelu Beuk

²⁰ Musa nataa nae, “Boso bii-mamata'u. Manetualain mai fo ka'da so'ba-sudi emi, fo ela emi tunga mahelen, ma ta tao sala-singok fa.”

KELUARAN 20:20 ပူးပေါင်းရင်းမြစ်များ

KEJADIAN 20:11

Boema, Abraham nataa nae, “Au aedaenga, nai ia, ta hapu hataholi bii Manetualain fa, nalosa hataholi fo nahiik au saong-nga, neukose ana taonisa au.

KEJADIAN 22:1

Basa teuk de'ubee boema, Manetualain fola Abraham namahehelen-na. Manetualain naloo nae, “Abraham!” Boema Abraham nataa nae, “Ou Manetualain.”

KEJADIAN 22:12

Manetualain kokolak tunga ata nusa so'dak ndia nae, “Boso tao mahe'di ni'iana ndia, do taon le'e esa boen. Besak ia, Au bubuluk, o fe ha'da-holomata, ma o tunga Au, nanahu, o nau fe o ana kisam-ma neu Au.”

NEHEMIA 5:15

Gobelnol makahuluk-kala, ala da'di lelepa mabela soaneu laun-na, nana lakaseti laun-na fo faik esa soona, esan-na fe doi fulak haahulu soaneu sila nana'a-nininun ma angol. Nakalenak hataholi mana'a ngga'din-nala boeo tuni-ndeni laun-na. Tehu au ta nau tao leondiak fa, nanahu au bii-amata'u neu Manetualain.

AYUB 28:28

Manetualain nafa'da hataholi daebafak-ka nae, “Soaneu hapu manatee-enok-ka, emi muse fe ha'da-holomata neu Manetualain. Soaneu hapu dudu'a manadaik-ka, emi muse dook-ka meme tatao-nono'i mangalauk-ka mai.”

KELUARAN 14:13

Musa nataa nae, “Boso bii-mamata'u! Makatatakak mahele! Neukose emi mita hata fo Manetualain taon soaneu soi-tefa-nala emi. Hataholi Masir fo besak ia emi mitak sila-la, neukose emi ta mita seluk-kasa so'on.

AMSAL 1:7

Soaneu hapu malelak-ka huun-na, makasososan-na hataholi-a muse nanuu dudu'a-aafi ha'da-holomata ma bibii-namata'uk neu Manetualain. Hataholi nggoak-ka, ana ta taoafik neu manatee-tenok-ka, ma ana tanau nanoli fan.

AMSAL 16:6

Hataholi manalilinekak neu Manetualain-na, neukose ana hapu do'o do ampon; ma hataholi kamahehelek-ka, neukose nadook aoinan-na neme tatao-nono'i mangalauk lala'en-na mai.

AMSAL 3:7

Boso mafa'da mae o malelam-ma lena neme ai uku-a mai; tunga Manetualain ma madook o aoinam-ma neme tatao-nono'i mangalauk-ka mai.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 41:13

Nana Au Amak, fo o Manetualaim-ma, ho'u o lima konam-ma; Au afa'da ae, ‘Boso bii, te neukose Au tulu-fali o.’ ”

YESAYA 8:13

Mafandendelek leona, te Au, Manetualain Fo Manakoasa nde been-na, malalao-malalafuk. O muse bii-mamata'u ka'da neu Au mesang-nga.

ULANGAN 10:12

“Besak ia tolano-tolanoong-ngala lemin, taoafik neu hata fo, emi Manetualaim-ma noken neme emi mai fo nde: Fe ha'da-holomata neu emi Manetualaim-ma, ma tao-no'i basa paletan-nala lala'en-na. Sue-lain ma makaluku-makatele neun, neni basa emi ao paa samanem lala'en-na.

ULANGAN 13:3

boso taoafik neun. Nana emi Manetualaim-ma pake hataholi ndia, fo Ana mete, ade te'e-te'e, emi sue-lai Manetualain no emi dalek katematuam-ma do ta.

ULANGAN 4:10

la'eneu faik ndia, fo nai lelek emi mapadeik meme emi Manetualaim-ma matan neme Letek Sinai-a. Nai lelek ndia, nafa'da au nae, ‘Maloo makabubua leoina ndia. Nana Au ahiik lamanene hata fo Au sanga anduku-alosak-kana, fo ela lanoli tunga neu Au, nai sila fai maso'dan-na dalek, ma fo ela lanoli anan-nala fo ala tunga Au.’

ULANGAN 6:2

Ela leo been-na, emi ma emi tititi-nonosim-mala, nai emi fai maso'dam-ma dalek, fe ha'da-holomata neu emi Manetualaim-ma, ma tunga basa au fe emi hoholo-lalanan-nala, fo ela emi hapu fai nalu-le'do loak nai nusak ndia.

ULANGAN 6:24

Ita Manetualain, nadenu ita tao basa paleta sila-la, ma fe ha'da-holomata neun. Metema, ita tao tungan leondiak soona, neukose Ana nakaboboi ita leoinan tataas esa, fo ela ita taso'da no tetu-temak tahele.

ULANGAN 8:16

Ana fe emi koki manna neme moo solokaek-ka, fo ana da'di emi nana'am, fo emi bei-ba'i kaim-mala, beita lalelak nana'ak ndia fa. Manetualain tao basa sila-la, fo Ana so'ba emi, ma Ana taon-na emi makaloe-makadae oam-mala, fo ela neu mate'en-na, Ana tao malole soaneu emi.

ULANGAN 8:2

Mafandendelek leona! Te nai teuk haahulu dalen-na, emi Manetualaim-ma nauli-nalanga emi, nai emi leleo-lala'o dae doom-ma dalek, tunga moo solokaek-ka. Manetualain dudu'a basa leleo-lala'ok ndia, soaneu Ana so'ba emi, fo ela Ana nita beek nanape'dak nai emi dalem dale, ma ade neukose emi tunga paletan-nala do ta.

YOSUA 24:14

Yosua kokolak nakandoo nae, “Da'di, besak ia, fe ha'da-holomata neu Manetualain. Mamahele neun no dalek-katematuak ma no lilinekak. Si'u heni basa lamatua daebafak, fo makahulun-na, emi bei-ba'i kaim-mala sene-do'ok-kasa neme Mesopotamia ma Masir. Ka'da mamahele neu Manetualain.

SEMUEL SUSULAK-KA ESAN-NA 12:20

Semuel nataa nae, “Boso bii, leomae emi tao basa tatao-nono'i mangalauk ndia so, te boso fali deak neme Manetualain mai, tehu mamahele mahele neun, no emi dalek-katema tuam-ma.